షావోమి సంస్థ ఈ రోజు తన మరొక బడ్జెట్ స్మార్ట్ ఫోన్ను ఇండియాలో విడుదల చేసింది. ఈ స్మార్ట్ ఫోన్ను, డ్యూయల్ కెమేరా, పెద్ద బ్యాటరీ మరియు గూగుల్ లెన్స్ వంటి మరిన్ని ప్రత్యేకతలతో తీసుకొచ్చింది. ఈ స్మార్ట్ ఫోన్ను, భారతీయ బడ్జెట్ వినియోగదారులకు సరిపోయే విధంగా తీసుకొచ్చినట్లు షావోమి తెలిపింది మరియు ఈ ఫోన్ యొక్క మొదటి సేల్ ఫిబ్రవరి 10 న మధ్యాహ్నం 12 గంటలకి flipkart మరియు mi.com నుండి చేయనున్నట్లు కూడా ప్రకటించింది.
Redmi 8A Dual ధర
Redmi 8A Dual (2GB+32GB) ధర : Rs.6,499/-
Redmi 8A Dual (3GB+32GB) ధర : Rs.6,999/-
రెడ్మి 8A :స్పెసిఫికేషన్స్
ఈ రెడ్మి 8A డ్యూయల్ – సిమ్ స్మార్ట్ ఫోన్ మరియు 1520x720P పిక్సల్స్ రిజల్యూషన్ గా కలిగిన 6.22 అంగుళాల HD+ డిస్ప్లేను కలిగి ఉంది. ఈ డిస్ప్లే గొరిల్లా గ్లాస్ 5 రక్షణతో అందించబడింది. ఈ ఫోన్ గరిష్టంగా 2.0GHz క్లాక్ స్పీడ్ అందించగల ఒక క్వాల్కమ్ స్నాప్ డ్రాగన్ 439 ఆక్టా కోర్ ప్రాసెసర్ శక్తితో పనిచేస్తుంది మరియు దీనికి జతగా 2GB/3GB ర్యామ్ తో వస్తుంది. ఇది రెండువేరియంట్లలో కూడా 32GB స్టోరేజి కలిగివుంటుంది. ఒక డేడికేటెడ్ మైక్రో SD కార్డు ద్వారా స్టోరేజిని కూడా పెంచుకోవచ్చు.
ఈ స్మార్ట్ ఫోన్ వెనుకవైపు డ్యూయల్ రియర్ కెమెరాని ఒక 13MP ప్రధాన కెమెరా మరియు మరొక 2MP డెప్త్ సెన్సింగ్ కెమరాతో అందించింది. అలాగే, ముందు భాగంలో సెల్ఫీల కోసం 8MP కెమెరా ఉంటుంది. ఇక ఈ ఫోన్ను బలమైన 5,000 mAh బ్యాటరీతో మరియు 18W స్పీడ్ ఛార్జింగ్ సపోర్టుతో తీసుకొచ్చింది. అయితే, సెక్యూరిటీ పరంగా ఫేస్ అన్లాక్ ని మాత్రమే అందించింది. ఇది మిడ్ నైట్ గ్రే , సి బ్లూ మరియు స్కై వైట్ వంటి మూడు రంగుల ఎంపికలతో లభిస్తుంది.
Follow Us
Raja Pullagura
Crazy about tech...Cool in nature... View Full Profile
