Tecno Pova 5G: భారీ ఫీచర్లతో వచ్చిన టెక్నో 5G స్మార్ట్ ఫోన్

ఈరోజు Tecno ఇండియాలో తన లేటెస్ట్ స్మార్ట్ ఫోన్ Tecno Pova 5G ను ఆవిష్కరించింది. ఈ లేటెస్ట్ స్మార్ట్ ఫోన్ లేటెస్ట్ ఫాస్ట్ 5G ప్రోసెసర్ Dimensity 900 చిప్ సెట్ తో సహా భారీ ఫీచర్లతో భారతీయ మార్కెట్లోకి అడుగుపెట్టింది. అంతేకాదు, 11GB వరకూ RAM ని సమకూర్చేలా మెమరీ ఫ్యూజన్ టెక్నాలజీతో ఈ స్మార్ట్ ఫోన్‌ ను టెక్నో అందించింది. ఈ లేటెస్ట్ 5G స్మార్ట్ ఫోన్ ధర, స్పెక్స్ మరియు ఫీచర్లను గురించి తెలుసుకుందాం.

Tecno Pova 5G: ప్రైస్

Tecno Pova 5G స్మార్ట్ ఫోన్ ను రూ.19,999 ప్రైస్ ట్యాగ్ తో విడుదల చేసింది. ఈ స్మార్ట్ ఫోన్ ఫిబ్రవరి 14 నుండి అమెజాన్ నుండి అమ్మకానికి వస్తుంది. లాంచ్ అఫర్ క్రింద ఈ స్మార్ట్ ఫోన్ తో రూ.1,999 రూపాయల విలువ గల పవర్ బ్యాంక్ ను ఉచితంగా అఫర్ చేస్తోంది.

Tecno Pova 5G: స్పెక్స్

టెక్నో పోవా 5జి స్మార్ట్ ఫోన్ పెద్ద 6.95 ఇంచ్ FHD+ రిజల్యూషన్ డిస్ప్లేని 120 Hz రిఫ్రెష్ రేట్ తో కలిగివుంది. ఈ డిస్ప్లే పంచ్ హోల్ డిజైన్ తో వస్తుంది మరియు 180Hz టచ్ శాంప్లింగ్ రేట్ తో వస్తుంది. ఈ ఫోన్ Dimensity 900 5G చిప్ సెట్ తో పనిచేస్తుంది మరియు జతగా 8GB LPDDR5 RAM మరియు 128GB UFS 3.1 స్టోరేజ్‌ ని కలిగివుంది. ఈ ఫోన్ లో అందించిన మెమరీ ఫ్యూజన్ ఫీచర్ తో ర్యామ్ ను 11GB వరకూ వర్చువల్ ర్యామ్ గా విస్తరిస్తుంది. దీనికోసం ఇంటర్నల్ స్టోరేజ్ ను ఉపయోగిస్తుంది.

ఆప్టిక్స్ పరంగా, ఈ ఫోన్ 50MP ట్రిపుల్ రియర్ కెమెరాతో వస్తుంది. ఇందులో, 50MP మైన్ కెమెరా జతగా 2MP సెన్సార్ మరియు AI లెన్స్ కూడా ఉన్నాయి. ఇక ఆన్‌బోర్డ్ విషయానికి వస్తే, Android 11 ఆధారిత HiOS 8 తో వస్తుంది మరియు మీరు ఈ ఫోన్‌లో 11 5G బ్యాండ్ సపోర్ట్ అందుకుంటారు. Tecno Pova 5G స్మార్ట్ ఫోన్ 18W ఫాస్ట్ ఛార్జింగ్ సపోర్ట్ కలిగిన 6000mAh బిగ్ బ్యాటరీని కలిగివుంది. అలాగే, DTS-సపోర్టెడ్ స్పీకర్లు, Z-యాక్సిస్ లీనియర్ వైబ్రేషన్ మోటార్ వంటి ఇతర ఫీచర్లను కూడా ఫోన్ లో ఇముడ్చుకుంది.

Follow Us

Raja Pullagura

Crazy about tech...Cool in nature... View Full Profile