Poco C85x 5G: ఇండియన్ మార్కెట్లో పోకో విడుదల చేయబోతున్న అప్ కమింగ్ బడ్జెట్ స్మార్ట్ ఫోన్ పోకో సి85x స్మార్ట్ ఫోన్ కంప్లీట్ వివరాలు ఒకరోజు ముందుగా చూడనున్నాము. ఈ స్మార్ట్ ఫోన్ ను బిగ్ బ్యాటరీ మరియు బిగ్ డిస్ప్లే వంటి మరిన్ని ఆకట్టుకునే ఫీచర్స్ తో ఇండియన్ మార్కెట్లో విడుదల చేయడానికి పోకో సిద్దమయింది. ఈ పోకో స్మార్ట్ ఫోన్ రేపు ఇండియాలో లాంచ్ అవుతుంది అయితే మనం ఈ రోజే ఈ ఫోన్ యొక్క కంప్లీట్ వివరాలు తెలుసుకుందాం.
ఈ స్మార్ట్ ఫోన్ రేపు మధ్యాహ్నం ఇండియన్ మార్కెట్లో లాంచ్ చేయబడుతుంది. ఈ స్మార్ట్ ఫోన్ లాంచ్ తర్వాత ఫ్లిప్ కార్ట్ నుంచి సేల్ కి అందుబాటులోకి వస్తుంది.
పోకో సి 85x స్మార్ట్ ఫోన్ స్లీక్ డిజైన్ లో డ్యూయల్ టోన్ కలర్ తో ఉంటుంది. ఈ ఫోన్ లో అతిపెద్ద 6.9 ఇంచ్ స్క్రీన్ ఉంటుంది మరియు ఇది 120Hz రిఫ్రెష్ రేట్ కూడా కలిగి ఉంటుంది. ఈ ఫోన్ కలిగిన బిగ్ డిస్ప్లే గొప్ప గేమింగ్ మరియు ఎంటర్టైన్మెంట్ కు బాగా ఉంటుందని పోకో చెబుతోంది. అంతేకాదు, కళ్ళకు హాని కలిగించని TUV లో బ్లూ లైట్ సర్టిఫికేషన్ కూడా కలిగి ఉంటుంది. ఈ ఫోన్ ను 6 లక్షల కంటే అధిక AnTuTu స్కోర్ అందించే చిప్ సెట్, 4జీబీ ఫిజికల్, 4 జీబీ వర్చువల్ ర్యామ్ మరియు వేగవంతమైన UFS 2.2 స్టోరేజ్ సపోర్ట్ తో లాంచ్ చేస్తుంది.
ఈ ఫోన్ లో వెనుక డ్యూయల్ రియర్ కెమెరా సెటప్ ఉంటుంది. ఇందులో 32MP మెయిన్ కెమెరా ఉంటుంది మరియు ముంచు వాటర్ డ్రాప్ సెల్ఫీ కెమెరా ఉంటుంది. ఈ స్మార్ట్ ఫోన్ లో 6300mAh బిగ్ బ్యాటరీ ఉంటుంది. గత జనరేషన్ ఫోన్ కంటే 300 mah అధిక శక్తి కలిగిన బ్యాటరీ ఈ ఫోన్ కలిగి ఉంటుంది. ఈ ఫోన్ కలిగిన బ్యాటరీతో 35 గంటల కంటే ఎక్కువ గంటల వీడియో ప్లే బ్యాక్ ఇస్తుంది. ఈ ఫోన్ లో 15W ఫాస్ట్ ఛార్జ్ సపోర్ట్ మరియు 7.5W రివర్స్ ఛార్జ్ సపోర్ట్ కూడా కలిగి ఉంటుంది.
Also Read: Sony BRAVIA లేటెస్ట్ బిగ్ Smart Tv అమెజాన్ సేల్ జబర్దస్త్ డిస్కౌంట్ ఆఫర్స్ తో సేల్ అవుతోంది.!
ఈ ఫోన్ అదనపు ఫీచర్లు విషయానికి వస్తే, ఇందులో గొప్ప సౌండ్ కోసం 200% వాల్యూమ్ అందించే స్పీకర్ సెటప్ కూడా ఉంటుంది. అంటే, ఈ ఫోన్ ను బడ్జెట్ ధరలో ఓవరాల్ ఎంటర్టైన్మెంట్ 5జి ఫోన్ గా ఇండియన్ మార్కెట్లో లాంచ్ అవుతున్నట్లు పోకో అందించిన టీజర్ పేజీ తెలియ చేస్తోంది.