POCO C65: స్లిమ్ డిజైన్, స్టన్నింగ్ ఫీచర్స్ తో చవక ధరలో వచ్చింది.!

పోకో ఈరోజు తన కొత్త స్మార్ట్ ఫోన్ POCO C65 ను విడుదల చేసింది. పోకో బడ్జెట్ సిరీస్ గా పేరొందిన C సిరీస్ నుండి లాంచ్ చేసిన ఈ స్మార్ట్ ఫోన్ 8GB + 8GB ర్యామ్ ఫీచర్ వంటి చాలా ఫీచర్స్ తో చవక ధరలో వచ్చింది. 10 వేల రూపాయల ధరలో ఇండియన్ మార్కెట్ లో ఇప్పటికే చాలా పోటీ నడుస్తుండగా ఈ ఫోన్ మరింత పోటీ పెంచే విధంగా వుంది. ఎందుకంటే, పోకో ఈ స్మార్ట్ ఫోన్ ను లేటెస్ట్ ట్రెండ్ గా చెబుతున్న చాలా ఫీచర్స్ తో తీసుకు వచ్చింది.

Survey

POCO C65 Price

ముందుగా పోకో సి65 స్మార్ట్ ఫోన్ ధర వివరాలికి వెళితే, ఈ ఫోన్ ను కంపెనీ మూడు వేరియంట్ లతో అందించింది. ఈ మూడు వేరియంట్ ధరలను ఈ క్రింద చూడవచ్చు.

పోకో సి 65 (4GB + 128 GB) వేరియంట్ ధర రూ. 8,499

పోకో సి 65 (6GB + 128 GB) వేరియంట్ ధర రూ. 9,499

పోకో సి 65 (8GB + 256 GB) వేరియంట్ ధర రూ. 10,999

పోకో సి 65 ఆఫర్లు

పోకో సి 65 ఫోన్ పైన లాంచ్ ఆఫర్లను కూడా కంపెనీ అందించింది. ఈ ఫోన్ ను ICICI బ్యాంక్ క్రెడిట్ / డెబిట్ మరియు EMI ఆప్షన్ తో కొనుగోలు చేసే యూజర్లకు రూ. 1,000 రూపాయల ఇన్స్టాంట్ డిస్కౌంట్ లభిస్తుంది. పోకో సి 65 మొదటి సేల్ డిసెంబర్ 18 నుండి మొదలవుతుంది. కంపెనీ అధికారిక వెబ్సైట్ మరియు Flipkart నుండి ఈ ఫోన్ సేల్ కి అందుబాటులోకి వస్తుంది.

Also Read : JioTV Premium Plans: 14 OTT సబ్ స్క్రిప్షన్ తో కొత్త ప్లాన్స్ ప్రకటించిన జియో.!

పోకో సి 65 ప్రత్యేకతలు

పోకో సి 65 స్మార్ట్ ఫోన్ బడ్జెట్ గేమింగ్ ప్రోసెసర్ మీడియాటెక్ Helio G85 తో పనిచేస్తుంది. ఈ ప్రోసెసర్ కి జతగా 8GB వరకూ ర్యామ్ మరియు 8GB వరకూ టర్బో ర్యామ్ ఫీచర్ ను కలిగి ఉంటుంది. అంతేకాదు, ఈ ఫోన్ 256 GB భారీ అంతర్గత స్టోరేజ్ తో ఆకట్టుకుంటుంది. ఈ ఫోన్ లో కెమేరా మరియు ఎంటర్టైన్మెంట్ కోసం పెద్ద పీఠ వేసింది పోకో.

ఎందుకంటే, ఈ ఫోన్ లో పెద్ద 6.74 డిస్ప్లేని HD+ (1650 x 720) రిజల్యూషన్ మరియు 90Hz రిఫ్రెష్ రేట్ తో అందించింది. ఈ డిస్ప్లే కంటెంట్ ను ఎంజాయ్ చెయ్యడానికి అనువైన తక్కువ బ్లూ లైట్ ఫీచర్ తో కూడా వస్తుంది. ఈ ఫోన్ లో 50MP + AI Lens + 2MP ట్రిపుల్ కెమేరా సెటప్ అందించింది. ఈ ఇది 7 ఫిల్మ్ కెమేరా అని, పరిసరాలకి అనుగుణంగా మంచి పోర్ట్రైట్ లను అందిస్తుందని కూడా కంపెనీ తెలిపింది.

ఇక ఈ ఫోన్ లో అందించిన ఇతర వివరాలను పరిశీలిస్తే, ఈ ఫోన్ లో 5000 mAh మేస్సివ్ బ్యాటరీని 18W ఫాస్ట్ ఛార్జింగ్ సపోర్ట్ తో అందించింది. ఈ ఫోన్ లో సైడ్ ఫింగర్ ప్రింట్ సెన్సార్ వుంది మరియు MIUI 14 సాఫ్ట్ వేర్ తో Android 13 OS పైన పనిచేస్తుంది.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile