OnePlus Nord CE4 Lite: వన్ ప్లస్ సరసమైన ఫోన్ వచ్చేసింది.. ధర ఎంతంటే.!

OnePlus Nord CE4 Lite: వన్ ప్లస్ నార్డ్ CE సిరీస్ నుంచి మరొక సరసమైన ఫోన్ వన్ ప్లస్ నార్డ్ CE4 లైట్ వచ్చింది. ఈ ఫోన్ ను స్లీక్ డిజైన్ మరియు Sony AI కెమెరా వంటి ఫీచర్లతో విడుదల చేసింది. ఈ ఫోన్ సరికొత్త డిజైన్ మరియు కెమెరా సెటప్ ను కలిగి వుంది. ఈ రోజే భారత మార్కెట్ సరికొత్తగా విడుదలైన ఈ వన్ ప్లస్ సరసమైన స్మార్ట్ ఫోన్ ధర మరియు ఫీచర్లు పై ఒక లుక్కేద్దామా.

Survey

OnePlus Nord CE4 Lite: ధర

వన్ ప్లస్ ఈ స్మార్ ఫోన్ ను సరసమైన ధరలో లాంచ్ చేసింది. ఈ ఫోన్ యొక్క బేసిక్ వేరియంట్ (8GB + 128GB) ను రూ 19,999 ధరతో విడుదల చేసింది. ఈ ఫోన్ యొక్క 8GB + 256GB వేరియంట్ ను రూ. 22,999 రూపాయల ధరతో విడుదల చేసింది. ఈ ఫోన్ లాంచ్ తో పాటుగా లాంచ్ ఆఫర్లను కూడా అందించింది.

ఆఫర్స్:

ఈ ఫోన్ పైన రూ. 1,000 బ్యాంక్ డిస్కౌంట్ ఆఫర్ ను వన్ ప్లస్ అందించింది. ICICI, HDFC, IDFC, BOB CARD, ONE CARD బ్యాంకు కార్డ్స్ తో ఈ ఫోన్ కొనే వారికి రూ. 1,000 అదనపు డిస్కౌంట్ లభిస్తుంది. ఈ ఫోన్ జూన్ 27 వ తేది మధ్యాహ్నం 12 గంటల నుండి అమెజాన్ మరియు వన్ ప్లస్ వెబ్సైట్ నుండి సేల్ కి అందుబాటులోకి వస్తుంది.

OnePlus Nord CE4 Lite: ఫీచర్లు

వన్ ప్లస్ నార్డ్ CE4 లైట్ స్మార్ట్ ఫోన్ ను 2100 నిట్స్ పీక్ బ్రైట్నెస్ కలిగిన 6.67 ఇంచ్ AMOLED డిస్ప్లేతో లాంచ్ చేసింది. ఈ డిస్ప్లే FHD+ రిజల్యూషన్ మరియు 120Hz రిఫ్రెష్ రేట్ ను కలిగి ఉండటమే కాకుండా ఇన్ స్క్రీన్ ఫింగర్ ప్రింట్ సెన్సార్ ను కూడా కలిగి ఉంటుంది. ఈ వన్ ప్లస్ కొత్త ఫోన్ ను స్నాప్ డ్రాగన్ 695 5జి చిప్ సెట్ తో అందించింది. ఈ ప్రైస్ సెగ్మెంట్ లో మెరుగైన మరియు కొత్త ప్రోసెసర్ అందించి ఉంటే మరింత బాగుండేది, అని నిపుణులు భావిస్తున్నారు.

అయితే, ఈ ఫోన్ పెర్ఫార్మెన్స్ ను మరింత పెంచడానికి వీలుగా 8GB ర్యామ్ సపోర్ట్ ను అందించింది. ఆప్టిక్స్ పరంగా, ఈ ఫోన్ లో వెనుక డ్యూయల్ రియర్ కెమెరా సెటప్ వుంది. ఈ సెటప్ లో OIS సపోర్ట్ కలిగిన 50MP Sony LYT-600 మెయిన్ కెమెరా మరియు 2MP డెప్త్ కెమెరా ఉన్నాయి. అలాగే, ముందు 16MP సెల్ఫీ కెమెరా కూడా వుంది. అంటే, ఈ ఫోన్ మెయిన్ కెమెరాతో స్మూత్ వీడియోలు మరియు స్టన్నింగ్ పోర్ట్రైట్ ఫోటోలు పొందవచ్చు.

Also Read: వివో యొక్క అత్యంత సరసమైన 5G ఫోన్ గా వస్తున్న Vivo T3 Lite

వన్ ప్లస్ ఈ కొత్త ఫోన్ ను వేగవంతమైన 80W సూపర్ ఊక్ ఫాస్ట్ ఛార్జ్ సపోర్ట్ కలిగిన 5500mAh బ్యాటరీతో అందించింది.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile