OnePlus 13 Launched: వన్ ప్లస్ కొత్త ఫోన్ 24GB ర్యామ్ మరియు 1TB స్టోరేజ్ తో లాంచ్.!

OnePlus 13 Launched: వన్ ప్లస్ కొత్త ఫోన్ ను విడుదల చేసింది. వన్ ప్లస్ ప్రీమియం సిరీస్ 13 నుంచి ఈ ఫోన్ ను విడుదల చేసింది. ఈ ఫోన్ ను 24GB హెవీ ర్యామ్ మరియు 1TB హెవీ ఇంటర్నల్ స్టోరేజ్ తో లాంచ్ చేసింది. అయితే, ఈ ఫోన్ ను లాంచ్ చేసింది ఇండియాలో కాదనుకోండి. వన్ ప్లస్ ఈ ప్రీమియం ఫోన్ ను చైనా మార్కెట్ లో విడుదల చేసింది. నేడు సరికొత్తగా విడుదలైన ఈ వన్ ప్లస్ ఫోన్ ధర మరియు ఫీచర్లు తెలుసుకుందామా.

Survey

OnePlus 13 Launched:

వన్ ప్లస్ 13 స్మార్ట్ ఫోన్ ను చైనా మార్కెట్ లో ￥4,299 (సుమారు రూ. 54,000) ధరతో లాంచ్ చేసింది. ఈ ఫోన్ యొక్క హై ఎండ్ వేరియంట్ ను ￥5,299 (సుమారు రూ. 63,000) ధరతో లాంచ్ చేసింది. ఈ ఫోన్ ను వైట్ డ్యూ డాన్, ఓడిషియన్ సీక్రెట్ రెల్మ్ మరియు బ్లూస్ హావర్ మూడు కలర్ లలో అందించింది. ఈరోజు నుంచిం చైనా లో ఈ ఫోన్ ప్రీ సేల్ ను కూడా ప్రారంభించింది.

OnePlus 13 (China) : ఫీచర్స్

వన్ ప్లస్ 13 స్మార్ట్ ఫోన్ ను Snapdragon 8 Elite చిప్ సెట్ తో లాంచ్ చేసింది. అంతేకాదు, ఈ ఫోన్ ను మరింత వేగంగా మార్చడానికి వీలుగా ఈ ఫోన్ లో LPDDR5X 24GB ర్యామ్ మరియు 1TB ఇంటర్నల్ స్టోరేజ్ ను కూడా అందించింది. ఈ ఫోన్ హై ఎండ్ వేరియంట్ 31,86,834 AnTuTu స్కోర్ నమోదు చేసినట్లు వన్ ప్లస్ తెలిపింది. ఈ ఫోన్ కలిగిన చిప్ సెట్ 4.32GHz క్లాక్ స్పీడ్ తో మరియు Adreno 830 GPU తో వస్తుంది.

ఈ ఫోన్ లో వెనుక 50MP మెయిన్, 50MP అల్ట్రా వైడ్ మరియు 50MP సూపర్ టెలిఫోటో కలిగిన మెయిన్ కెమెరా సిస్టం మరియు ముందు 32MP సెల్ఫీ కెమెరా ఉన్నాయి. ఈ ఫోన్ తో 30fps వద్ద 8K వీడియోలు మరియు 60fps/30fps వద్ద 4K వీడియోలు షూట్ చేయవచ్చని వన్ ప్లస్ తెలిపింది. ఈ ఫోన్ సెల్ఫీ కెమెరాతో కూడా 4K వీడియోలు షూట్ చేయవచ్చు. ముఖ్యంగా, ఈ ఫోన్ ఫ్రంట్ మరియు బ్యాక్ కెమెరాతో 4K Dolby Vision వీడియోలు షూట్ చేసే అవకాశం వుంది.

Also Read: Flipkart Sale చివరి రోజు మోటోరోలా Edge 50 Pro 5G పై భారీ డిస్కౌంట్ ప్రకటించింది.!

ఈ ఫోన్ 6000mAh బిగ్ బ్యాటరీ సపోర్ట్ ను కలిగి ఉంటుంది మరియు ఇది అల్ట్రా ఫస్ట్ కేహార్జ్ సపోర్ట్ తో వస్తుంది. ఈ ఫోన్ లో అల్ట్రా సోనిక్ ఫింగర్ ప్రింట్ సెన్సార్ మరియు సిరామిక్ గ్లాస్ రక్షణ కలిగిన 6.82 ఇంచెస్ AMOLED స్క్రీన్ వుంది. ఈ స్క్రీన్ QHD+ (3168×1440) రిజల్యూషన్, 4500nit పీక్ బ్రైట్నెస్ మరియు 1-120Hz ఇంటెలిజెంట్ స్విచ్చింగ్ రిఫ్రెష్ రేట్ తో కూడా వస్తుంది.

అయితే, ఈ ఫోన్ ఇండియా లాంచ్ గురించి కంపెనీ ప్రస్తుతానికి ఎటువంటి ప్రకటన చేయలేదు.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile