OnePlus 12 Launched: 24GB ర్యామ్ మరియు 8K కెమేరాతో విడుదలైన వన్ ప్లస్ కొత్త ఫోన్.!

OnePlus 12 Launched: ప్రముఖ చైనీస్ మొబైల్ తయారీ కంపెనీ వన్ ప్లస్ భారీ ఫీచర్లతో కొత్త ఫోన్ ను లాంచ్ చేసింది. అదే, వన్ ప్లస్ 12 స్మార్ట్ ఫోన్ మరియు ఈ ఫోన్ ను 24GB ర్యామ్ మరియు 8K కెమేరా వంటి భారీ ఫీచర్లు చాలానే ఉన్నాయి. ఈ స్మార్ట్ ఫోన్ ను ప్రస్తుతం చైనా మార్కెట్ లో విడుదల చేసింది. ఈ వన్ ప్లస్ కొత్త స్మార్ట్ ఫోన్ వన్ ప్లస్ 12 లో యూజర్లను ఆకర్షించే చాలా ప్రత్యేకతలు కూడా ఉన్నాయి. వన్ ప్లస్ సరికొత్తగా తీసుకు వచ్చిన ఈ కొత్త స్మార్ట్ ఫోన్ ధర, స్పెక్స్ మరియు కంప్లీట్ వివరాలు తెలుసుకోండి.

Survey

OnePlus 12 Launched

వన్ ప్లస్ 12 స్మార్ట్ ఫోన్ చైనా మార్కెట్ లో విడుదలయ్యింది. వన్ ప్లస్ 12 బేసిక్ వేరియంట్ (12GB + 256GB) ను CNY 4,299 (సుమారు రూ. 50,500) ధరతో లాంచ్ చేసింది. అలాగే, ఈ ఫోన్ యొక్క (16GB + 512GB) వేరియంట్ ను CNY 4,799 ధరతో, (16GB + 1TB) వేరియంట్ ను CNY 5,299 ధరతో లాంచ్ చేసింది. ఇక టాప్ ఎండ్ వేరియంట్ విషయానికి వస్తే, టాప్ ఎండ్ వేరియంట్ (24GB + 1TB) తో వస్తుంది మరియు దీని ధర CNY 5,799 (సుమారు రూ. 62,300).

Also Read : Mini Vacuum Cleaner: చవక ధరలో చిన్న వాక్యూమ్ క్లీనర్ తెచ్చిన Ambrane

వన్ ప్లస్ 12 ప్రత్యేకతలు

వన్ ప్లస్ 12 స్మార్ట్ ఫోన్ ను కంపెనీ భారీ సెటప్ తోనే కంపెనీ అందించినట్లు ఖచ్చితంగా చెప్పవచ్చు. ఎందుకంటే, ఈ ఫోన్ ను 6.82 ఇంచ్ 3D AMOLED డిస్ప్లేని QHD+(3168×1440) రిజల్యూషన్ మరియు 120Hz అడాప్టివ్ రిఫ్రెష్ రేట్ డిస్ప్లేతో అందించింది. ఈ డిస్ప్లే గరిష్టంగా 4500 నిట్స్ బ్రైట్నెస్ ను అందించ గలదు మరియు Dolby Vision సపోర్ట్ తో వస్తుందని కంపెనీ తెలిపింది.

ఈ ఫోన్ లో Qualcomm యొక్క అత్యంత వేగవంతమైన లేటెస్ట్ ప్రోసెసర్ Snapdragon 8 Gen 3 ని అందించింది. దీనికి తగినట్లుగా ఫోన్ ను మరింత వేగం చేయడానికి తగిన 24GB LPDDR5X వరకూ RAM మరియు 1TB వరకూ ఇంటర్నల్ స్టోరేజ్ లను కూడా జత చేసింది.

ఈ ఫోన్ లో వెనుక 50MP మెయిన్ + 64MP టెలిఫోటో + 48MP అల్ట్రా వైడ్ యాంగిల్ సెన్సార్ లు కలిగిన ట్రిపుల్ రియర్ కెమేరా సిస్టమ్ వుంది. ఈ కెమేరాతో HEIF, JPEG, DNG ఫోటోలతో పాటుగా 60fps వద్ద 4K వీడియోలను మరియు 24fps వద్ద 8K వీడియోలను కూడా షూట్ చెయ్యగలదని వన్ ప్లస్ గొప్పగా చెబుతోంది. అంతేకాదు, ఈ ఫోన్ లో అందించిన సెల్ఫీ కెమేరాతో కూడా 4K వీడియోలను షూట్ చెయ్యవచ్చని తెలిపింది.

ఈ ఫోన్ Wi-Fi 7, Bluetooth 5.4 మరియు మల్టీ ఫంక్షన్ NFC వంటి లేటెస్ట్ ఫీచర్లను కూడా కలిగి వుంది. ఈ ఫోన్ లో 100W సూపర్ ఫ్లాష్ ఛార్జ్, 50W వైర్లెస్ ఛార్జ్ మరియు 10W వైర్లెస్ రివర్స్ ఛార్జ్ టెక్ సపోర్ట్ కలిగిన 5400mAh బ్యాటరీతో లాంచ్ చేసింది.

అయితే, ప్రసుతుఁనికి ఈ ఫోన్ ఇండియన్ వేరియంట్ లాంచ్ గురించి కంపెనీ ప్రస్తుతానికి ఎటువంటి ప్రకటనా చెయ్యలేదు.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile