OPPO , ఒక ఇన్ డిస్ప్లే సెన్సారుతో తీసుకొచ్చినటువంటి, Oppo K1 యొక్క ధర ఎప్పుడూ లేనంత తక్కువ ధరకు తగ్గించింది. ఈ స్మార్ట్ ఫోన్ను యొక్క ముందు ధర రూ .16,990 ఉండగా, ముందుగా దీని పైన రూ. 2,000 ధరను తగ్గించి రూ .14,990 విక్రయిస్తోంది. అయితే, Flipkart యొక్క బిగ్ షాపింగ్ డేస్ సేల్ నుండి దీని పైన మరొక 2000 రూపాయల డిస్కౌంట్ ప్రకటించింది. ఇప్పుడు ప్రకటించిన ధర పరంగా చూసినట్లయితే, అతి తక్కువ ధరలో ఒక ఇన్- డిస్ప్లే ఫింగర్ ప్రింట్ సెన్సార్ కలిగినటువంటి స్మార్ట్ ఫోనుగా నిలుస్తుంది. అంటే, Flipkart నుండి కేవలం రూ.12,990 ధరతో కొనుగోలు చెయ్యవచ్చు. SBI క్రెడిట్ కార్డుతో ఈ ఫోన్ కొనేవారికి 10 శాతం తక్షణ రాయితీని కూడా అందిస్తుంది.
ఈ స్మార్ట్ ఫోన్, 1080 x 2340 రిజల్యూషన్ కలిగిన ఒక 6.4 అంగుళాల అమోల్డ్ డిస్ప్లేతో ఉంటుంది. ఇది 19.5:19 ఆస్పెక్ట్ రేషియాతో 91% స్క్రీన్-టూ-బాడీ రేషియోని అందిస్తుంది. ఇది ఒక వాటర్ డ్రాప్ నోచ్ మరియు డిస్ప్లేలోఅంతర్గతంగా ఒక ఫింగర్ ప్రింట్ సెన్సార్ తో వస్తుంది. అంతేకాదు,ఈ డిస్ప్లే కార్నింగ్ గొరిల్లా గ్లాస్ 5 రక్షణతో వస్తుంది. ఈ స్మార్ట్ ఫోన్ 2.2GHz వేగంతో క్లాక్ చేయబడిన, ఒక క్వల్కామ్ స్నాప్ డ్రాగన్ 660 AIE ఆక్టా కోర్ ప్రొసెసరుకి జతగా అడ్రినో 512 GPU శక్తితో వస్తుంది.ఇది కనెక్టవిటీ కోసం స్నాప్ డ్రాగన్ X12 మోడెమ్ తో వస్తుంది, ఇది 600Mbps వరకు స్పీడ్ అందిస్తుంది. ఇది 4GB ర్యామ్ మరియు 64GB స్టోరేజితో వస్తుంది
కెమేరాల విషయానికి వస్తే, వెనుక 16MP కెమేరాకు జతగా మరొక 2MP సెన్సార్ కలిగిన డ్యూయల్ కెమేరాతో ఉంటుంది.ఈ ప్రధాన కెమేరా ఒక Sony IMX 398 సెన్సార్ తో వస్తుంది. ఇక ముందుభాగంలో ఒక 25MP AI సెల్ఫీ కెమెరాతో ఉంటుంది మరియు ఇది 8 రకాల బ్యూటీ కస్టమ్ మోడ్లతోవస్తుంది. ఇది ఆండ్రాయిడ్ ఓరెయో 8.1 ఆధారితంగా కలర్ OS 5.2 పైన నడుస్తుంది. ఈ స్మార్ట్ ఫోన్ ఒక 3600mAh బ్యాటరీతో వస్తుంది మరియు పియానో బ్లాక్, ఆస్ట్రల్ బ్లూ వంటి రెండు రంగుల ఎంపికలో లభిస్తుంది.