ఇది సంస్థ నుండి వచ్చిన లేటెస్ట్ బడ్జెట్ స్మార్ట్ ఫోనుగా చెప్పొచ్చు.
నిన్న రాత్రి కైరోలో జరిగిన ఒక కార్యక్రమంలో, HMD గ్లోబల్ తన నోకియా 2.3 ను ఆవిష్కరించింది. ఇది సంస్థ నుండి వచ్చిన లేటెస్ట్ బడ్జెట్ స్మార్ట్ ఫోనుగా చెప్పొచ్చు. ఈ నోకియా 2.3 ను కెమెరా మరియు వినోద-కేంద్రీకృత బడ్జెట్ స్మార్ట్ ఫోనుగా నోకియా ప్రచారం చేస్తోంది. ఆండ్రాయిడ్ 9 తో ఈ స్మార్ట్ ఫోన్ వస్తుండగా, ఆండ్రాయిడ్ 10 రెడీ అని కంపెనీ పేర్కొంది. ఈ నోకియా 2.3 వెనుక భాగంలో రిబ్బెడ్ నమూనాతో 3 డి నానో-టెక్చర్డ్ కవరును కలిగి ఉంది. దీనికి ప్రత్యేకమైన గూగుల్ అసిస్టెంట్ బటన్ కూడా ఉంది.
నోకియా 2.3 ప్రత్యేకతలు
ఈ నోకియా 2.3 స్మార్ట్ ఫోన్, ఒక 6.2-అంగుళాల డిస్ప్లేతో 720 x 1520 పిక్సెల్స్ రిజల్యూషన్ కలిగి ఉంటుంది. ఇది 19: 9 యాస్పెక్ట్ రేషియోని కలిగి ఉంది. ఈ స్మార్ట్ ఫోన్ 2GHz క్వాడ్-కోర్ మీడియాటెక్ హెలియో A22 ద్వారా పనిచేస్తుంది. ఇది 2 జీబీ ర్యామ్ మరియు 32 జీబీ ఇంటర్నల్ స్టోరేజ్ తో వస్తుంది, మైక్రో ఎస్డీ కార్డ్ సహాయంతో 512 జీబీ వరకు స్టోరేజిని పెంచవచ్చు.
ఇక ఆప్టిక్స్ విభాగంలో, నోకియా 2.3 వెనుక భాగంలో డ్యూయల్ రియర్ కెమెరా సెటప్‌ ను కలిగి ఉంది: f / 2.2 ఎపర్చర్‌ తో 13MP లెన్స్ మరియు పోర్ట్రెయిట్ మోడ్ మరియు మల్టి బోకె ఎఫెక్ట్‌ ల కోసం 2MP డెప్త్ సెన్సార్ వుంటుంది. ఇది 5MP సెల్ఫీ షూటర్‌ తో కూడా వస్తుంది. HMD గ్లోబల్ సిఫార్సు చేసిన షాట్ ఫీచర్ గురించి గొప్పగా చెబుతోంది, ఇది షట్టర్ ప్రెస్‌ కు ముందు మరియు తరువాత 15 చిత్రాలను తీసుకుంటుంది మరియు తరువాత ఉత్తమ షాట్ ను ఎంచుకుంటుంది. ఈ స్మార్ట్ ఫోన్ ఆండ్రాయిడ్ 9 పై తో నడుస్తుంది. ఇంతకు ముందు చెప్పినట్లుగా, ఇది ఆండ్రాయిడ్ 10 కి అప్‌ గ్రేడ్ చేయగలదని కంపెనీ తెలిపింది.
నోకియా 2.3 ఒక 3.5 MM హెడ్‌ ఫోన్ జాక్‌తో వస్తుంది. కనెక్టివిటీ విభాగంలో, ఇది డ్యూయల్ 4 జి వోల్టిఇ, వై-ఫై 802.11 బి / జి / ఎన్, బ్లూటూత్ 5.0, జిపిఎస్ + గ్లోనాస్ మరియు మైక్రో USB లను కలిగి ఉంది. దీని బరువు 183 గ్రాములు.
నోకియా 2.3 ధర మరియు లభ్యత
నోకియా 2.3 సియాన్ గ్రీన్, శాండ్ మరియు కోల్ బ్లాక్ అనే మూడు రంగు ఎంపికలలో అందుబాటులో ఉంటుంది. దీని ధర 109 యూరోలు (US $ 121 / సుమారు. రూ .8,625). ఈ స్మార్ట్ ఫోన్ ప్రపంచవ్యాప్తంగా డిసెంబర్ మధ్య కాలంలో విడుదల కానుంది. అయితే, భారతదేశంలో నోకియా 2.3 లభ్యత గురించిన సమాచారాన్ని ఇంకా వివరించలేదు.
Follow Us
Raja Pullagura
Crazy about tech...Cool in nature... View Full Profile
