Moto G72: బడ్జెట్ ధరలో 108MP కెమెరా మరియు pOLED తో వచ్చింది..రేటు ఎంతంటే.!
మోటోరోలా తన కొత్త స్మార్ట్ ఫోన్ Moto G72 ను విడుదల చేసింది
ఈ స్మార్ట్ ఫోన్ లాంచ్ లో భాగంగా మంచి ఆఫర్లను కూడా మోటోరోలా జత చేసింది
120Hz రిఫ్రెష్ రేట్ 10బిట్ pOLED తో మోటో G72 వచ్చింది
మోటోరోలా ఈరోజు ఇండియాలో తన కొత్త స్మార్ట్ ఫోన్ Moto G72 ను విడుదల చేసింది. ఈ స్మార్ట్ ఫోన్ లాంచ్ లో భాగంగా మంచి ఆఫర్లను కూడా మోటోరోలా జత చేసింది. 108MP ప్రధాన కెమెరా కలిగి ట్రిపుల్ రియర్ కెమెరా మరియు 120Hz రిఫ్రెష్ రేట్ కలిగిన 10బిట్ pOLED డిస్ప్లే వంటి గొప్ప ఆకర్షణీయమైన ఫీచర్లతో ఈ స్మార్ట్ ఫోన్ ను అందించింది. మోటో జి72 ని మంచి ఫీచర్లతో తీసుకువచ్చినా, ధరను మాత్రం బడ్జెట్ వినియోగదారులను ఆకర్షించే విధంగానే ఉంచింది. ఇండియన్ మార్కెట్లో కొత్తగా పరిచయమైన మోటో జి72 స్మార్ట్ ఫోన్ ధర మరియు ఫీచర్లు ఎలా ఉన్నాయో వివరంగా చూద్దామా.
Moto G72: ప్రైస్ మరియు ఆఫర్స్
Moto G72 స్మార్ట్ ఫోన్ రూ.18,999 రూపాయల ధరతో లాంచ్ చెయ్యబడింది మరియు ఇది 6GBర్యామ్ మరియు 128GB స్టోరేజ్ తో వస్తుంది.ఈ ఫోన్ అక్టోబర్ 12 మధ్యాహం 12 గంటలకు Flipkart ద్వారా ఫస్ట్ సేల్ జరుగుతుంది. సెలెక్టెడ్ బ్యాంక్ కార్డ్స్ తో ఈ స్మార్ట్ ఫోన్ ను కొనేవారికి 1,000 తగ్గింపు అఫర్ ను మోటోరోలా ప్రకటించింది. అంతేకాదు, ఎక్స్ చేంజ్ అఫర్ ద్వారా కొనేవారికి 3,000 రూపాయల అధనపు తగ్గింపు అఫర్ ను కూడా అందించింది.
Moto G62 5G: స్పెక్స్
Moto G72 5G స్మార్ట్ ఫోన్ 6.55 ఇంచ్ FHD+ 10బిట్ pOLED డిస్ప్లేని కలిగివుంది. ఈ డిస్ప్లే 120Hz రిఫ్రెష్ రేట్ మరియు HDR+ సపోర్ట్ తో వస్తుంది. ఈ ఫోన్ డిస్ప్లే లో సెల్ఫీ కెమెరా కోసం పైన మధ్య భాగంలో పంచ్ హోల్ వుంది. ఈ ఫోన్ మీడియాటెక్ Helio G99 ఆక్టా కోర్ ప్రాసెసర్ శక్తితో పనిచేస్తుంది. దీనికి జతగా 6GB ర్యామ్ మరియు 128GB స్టోరేజ్ లను అందిస్తుంది.
కెమెరాల విషయానికి వస్తే, ఈ ఫోన్ వెనుక క్వాడ్ ఫిక్షన్ రియర్ కెమెరాను వుంది. ఇందులో 108MP ప్రధాన సెన్సార్, 8ఎంపి సెన్సార్ అల్ట్రా-వైడ్ మరియు డెప్త్ కెమెరాగా కూడా పనిచేస్తుంది. చివరిగా, 2MP మ్యాక్రో సెన్సార్ కూడా ఈ సెటప్ ట్లో వుంది. సెల్ఫీల కోసం ముందు భాగంలో ఉన్న పంచ్ హోల్ లో 16MP సెల్ఫీ కెమెరా వుంది. ఈ ఫోన్ పెద్ద 5,000 mAh బ్యాటరీని 33W ఫాస్ట్ ఛార్జింగ్ సపోర్ట్ తో కలిగివుంది.
ఈ ఫోన్ ఇతర ఫీచర్ల పరంగా, ఈ ఫోన్ బ్లోట్ వేర్ బడెదను లేని లేటెస్ట్ Near-Stock Android 12 OS పైన నడుస్తుంది మరియు IP52 వాటర్ రెపెల్లంట్ డిజైన్ తో వస్తుంది. మంచి ఆడియోను కూడా ఇందులో యూజర్లు పొందుతారు. ఎందుకంటే, ఈ ఫోన్ Dolby Atmos సౌండ్ టెక్నాలజీ సపోర్ట్ కలిగిన డ్యూయల్ స్టీరియో స్పీకర్లతో వస్తుంది.