Lava Agni 4 ఈరోజు ఇండియన్ మార్కెట్లో విడుదల అయ్యింది
ప్రీమియం ఫీచర్స్ మరియు గొప్ప డిజైన్ తో కేవలం బడ్జెట్ ధరలో వచ్చింది
ఈ ఫోన్ అల్యూమినియం ఫ్రేమ్ తో చాలా ప్రీమియం డిజైన్ తో ఉంటుంది
Lava Agni 4 స్మార్ట్ ఫోన్ ఈరోజు ఇండియన్ మార్కెట్లో విడుదల అయ్యింది. చాలా రోజులుగా లావా టీజింగ్ చేస్తూ వస్తున్న ఈ స్మార్ట్ ఫోన్ ఎట్టకేలకు ఈరోజు భారత్ మార్కెట్లో అడుగు పెట్టింది. చాలా ప్రీమియం ఫీచర్స్ మరియు గొప్ప డిజైన్ తో కేవలం బడ్జెట్ ధరలోనే లావా ఈ ఫోన్ విడుదల చేసింది. ఇప్పటికే భారత మార్కెట్లో భారీగా పెరిగిన పోటీకి తగిన ఫీచర్స్ తో అగ్ని 4 స్మార్ట్ ఫోన్ విడుదల చేసినట్టు, ఈ ఫోన్ ఫీచర్స్ చూస్తుంటే అర్ధం అవుతుంది. ఈ స్మార్ట్ ఫోన్ ధర మరియు ఫీచర్స్ ఏమిటో వివరంగా చూద్దామా.
SurveyLava Agni 4 : స్పెక్స్
లావా అగ్ని 4 స్మార్ట్ ఫోన్ మీడియాటెక్ Dimensity 8350 చిప్ సెట్ తో అందించింది. ఇది 3.35GHz క్లాక్ స్పీడ్ కలిగిన చిప్ సెట్ మరియు ఇది 4nm ప్రొసెస్ పై నిర్మించడింది. చిప్ సెట్ తో జతగా ఈ ఫోన్ ను మరింత వేగంగా మార్చే 8GB LPDDR5x ర్యామ్ మరియు వేగంగా ట్రాన్స్ఫర్ చేసే 256GB (UFS 4.0) ఇంటర్నల్ స్టోరేజ్ ఈ ఫోన్ లో అందించింది. ఈ ఫోన్ స్టాక్ ఆండ్రాయిడ్ 15 ఆపరేటింగ్ సిస్టం పై నడుస్తుంది. ఈ ఫోన్ లో 6.67 ఇంచ్ AMOLED డిస్ప్లే ఉంటుంది. ఈ డిస్ప్లే 1.5K రిజల్యూషన్, ఇన్ స్క్రీన్ ఫింగర్ ప్రింట్ సెన్సార్, 120Hz రిఫ్రెష్ రేట్ మరియు 2400 నిట్స్ పీక్ బ్రైట్నెస్ కలిగి ఉంటుంది.
ఈ లావా లేటెస్ట్ స్మార్ట్ ఫోన్ లో వెనుక డ్యూయల్ రియర్ కెమెరా సెటప్ ఉంటుంది. ఇందులో 50MP (OIS) మెయిన్ కెమెరా మరియు జతగా 8MP అల్ట్రా వైడ్ సెన్సార్ ఉంటాయి. అలాగే, ఈ ఫోన్ ముందు భాగంలో 50MP సెల్ఫీ కెమెరా కూడా ఉంటుంది. ఈ ఫోన్ ముందు వెనుక కెమెరాలు కూడా 4K వీడియో సపోర్ట్ కలిగి ఉంటాయి. అంతేకాదు, ఈ ఫోన్ లో AI కెమెరా ఫీచర్స్ కూడా అందించింది.
లావా అగ్ని 4 స్మార్ట్ ఫోన్ లో 66W ఫాస్ట్ ఛార్జ్ సపోర్ట్ కలిగిన 5000 mAh బ్యాటరీ ఉంటుంది. ఈ ఫోన్ లో అనేక Ai ఏజంట్స్ తో కూడిన Vayu AI ని లావా ఈ ఫోన్ లో కొత్తగా పరిచయం చేసింది. అంతేకాదు, ఈ ప్రత్యేకమైన ఎఐ కోసం ప్రత్యేకమైన యాక్షన్ బటన్ కూడా అందించింది. ఇది ట్యూటర్, కాల్ సమరైజేషన్, సిస్టం లెవెల్ AI కంట్రోల్స్ మరియు ఫోటో ఎడిటింగ్ వంటి అనేక పనులు నిర్వహిస్తుంది. ఈ ఫోన్ అల్యూమినియం ఫ్రేమ్ తో చాలా ప్రీమియం డిజైన్ తో ఉంటుంది. ఇది కాకుండా ఈ ఫోన్ IP64 డస్ట్ అండ్ స్ప్లాష్ రెసిస్టెంట్ రేటింగ్ తో ఉంటుంది.
Also Read: 120Hz రిఫ్రెష్ రేట్ మరియు Dolby Vision సపోర్ట్ తో కొత్త స్మార్ట్ టీవీలు విడుదల చేసిన Kodak
Lava Agni 4 : ప్రైస్
లావా అగ్ని 4 స్మార్ట్ ఫోన్ ను కేవలం రూ. 24,999 ప్రైస్ ట్యాగ్ తో లాంచ్ చేసింది. ఈ ఫోన్ పై రూ. 2,000 రూపాయల ఆల్ బ్యాంక్ డెబిట్ అండ్ క్రెడిట్ కార్డ్ డిస్కౌంట్ ఆఫర్ ను లాంచ్ ఆఫర్ లో భాగంగా అందించింది. ఈ ఆఫర్ తో ఈ ఫోన్ కేవలం రూ. 22,999 ఆఫర్ ధరలో అందుకోవచ్చు. నవంబర్ 25 వ తేదీ మధ్యాహ్నం 12 గంటల నుంచి ఈ స్మార్ట్ ఫోన్ ఫస్ట్ సేల్ మొదలవుతుంది. అమెజాన్ ఇండియా నుంచి ఈ ఫోన్ సేల్ అవుతుంది.
Follow Us
Raja Pullagura
Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile
