bsnl launches BSNL Satellite Phone and know price and features
BSNL Satellite Phone: ప్రభుత్వ టెలికాం కంపెనీ బిఎస్ఎన్ఎల్ సంప్రదాయ మొబైల్ నెట్వర్క్ తో పని చేసే మొబైల్ మాదిరిగా కాకుండా శాటిలైట్ తో పని చేసే కొత్త శాటిలైట్ మొబైల్ ఫోన్ ని లాంచ్ చేసింది. సెల్యులార్ నెట్ వర్క్ లేని ప్రాంతాల్లో మరియు సమయంలో కూడా కమ్యూనికేషన్ ను కొనసాగించేందుకు బిఎస్ఎన్ఎల్ శాటిలైట్ ఫోన్ ఒక విశ్వసనీయ పరిష్కారంగా నిలుస్తుంది. అడ్వెంచర్ చేసే వారికి ఇది నిజంగా గొప్ప ఆప్షన్ అవుతుంది.
అడవులు, సముద్ర ప్రాంతాలు, పర్వతాలు, గనుల ప్రాంతాలు లేదా ప్రకృతి విపత్తులు సంభవించిన సమయంలో సెల్యులార్ నెట్ వర్క్ పూర్తిగా పనిచేయకపోవచ్చు. అటువంటి సమయాల్లో కూడా ఈ బిఎస్ఎన్ఎల్ శాటిలైట్ ఫోన్ చాలా చక్కగా పని చేస్తుంది. ఎందుకంటే, ఈ శాటిలైట్ ఫోన్ ను ముఖ్యంగా నెట్ వర్క్ అందుబాటులో లేని లేదా అత్యంత క్లిష్టమైన ప్రాంతాల్లో ఉపయోగించేందుకు ప్రత్యేకంగా రూపొందించారు.
సాధారణ మొబైల్ టవర్లు అందుబాటులో లేకపోయినా ఉపగ్రహ నెట్వర్క్ ద్వారా యూజర్ కు కనెక్టివిటీ లభిస్తుంది. ఈ ఫోన్ తో నెట్వర్క్ సమస్యలు ఉన్న ప్రాంతాల్లో కూడా ఎటువంటి సమస్య లేకుండా చాలా క్లియర్ వాయిస్ కాల్ చేయడానికి వీలుంటుంది. ప్రకృతి విపత్తులు, అత్యవసర పరిస్థితులు లేదా దూర ప్రాంతాల్లో చిక్కుకున్నప్పుడు కమ్యూనికేషన్ కొనసాగించడానికి ఇది చాలా గొప్పగా ఉపయోగపడుతుంది.
ఈ ఫోన్ ను చాలా ఎక్కువ సమయం నిలిచి ఉండే దీర్ఘకాల బ్యాటరీ బ్యాకప్ తో రూపొందించారు. తరచుగా ఛార్జింగ్ చేసే అవకాశం లేని ప్రాంతాల్లో ఇది చాలా ప్రయోజనకరంగా ఉంటుంది.
బిఎస్ఎన్ఎల్ శాటిలైట్ ఫోన్ ను రూ. 1,34,166 రూపాయల ధరతో లాంచ్ చేసింది. ఈ ప్రైస్ అన్ని పన్నులు (Inclusive of all Taxes) కలిపి ఉన్నాయని కూడా తెలిపింది.
ఈ ఫోన్ సాధారణ వినియోగదారుల కోసం కాకుండా ప్రత్యేక అవసరాలు ఉన్న వ్యక్తులు మరియు సంస్థల కోసం అనువుగా ఉంటుంది.
పైన తెలిపిన రంగాల వారు ఈ ఫోన్ ను కొనుగోలు చేయడానికి అనుమతి ఉంటుంది.
Also Read: చైనీస్ యాప్ తో ATM Shut Down చేయొచ్చా .. వైరల్ వీడియో వెనుక అసలు నిజం ఏమిటి.!
శాటిలైట్ ఫోన్ మనం ఉపయోగించే సాధారణ స్మార్ట్ ఫోన్ మాదిరిగా మొబైల్ టవర్ల ద్వారా పనిచేయదు. అలాగే శాటిలైట్ సేవలను ఉపయోగించడానికి సంబంధిత నిబంధనలు, సేవా ప్లాన్లు మరియు అనుమతులు వర్తించవచ్చు. కాబట్టి, ఈ ఫోన్ కొనుగోలు చేసే ముందు BSNL అందించే సర్వీస్ వివరాలు, టారిఫ్ లు మరియు అందుబాటులో ఉన్న ప్రాంతాల గురించి తెలుసుకోవడం మంచిది.