4G మొబైల్ ఇంటర్నెట్ స్పీడ్ పెంచే సింపుల్ ట్రిక్స్..!!
అప్పుడప్పుడు మీ 4G మొబైల్ సరైన స్పీడ్ ను మీకు అంధించ లేకపోవచ్చు
చిన్న ట్రిక్స్ తో మీ 4G మొబైల్ ఇంటర్నెట్ స్పీడ్ ను పెంచే ప్రయత్నం చేయవచ్చు
ఈ టిప్స్ ద్వారా మీ స్మార్ట్ ఫోన్ ఇంటర్నెట్ స్పీడ్ ను కొంత మేర పెంచవచ్చు
అప్పుడప్పుడు మీ 4G మొబైల్ సరైన స్పీడ్ ను మీకు అంధించ లేకపోవచ్చు. అయితే, కొన్ని చిన్న చిన్న ట్రిక్స్ తో మీ 4G మొబైల్ ఇంటర్నెట్ స్పీడ్ ను పెంచే ప్రయత్నం చేయవచ్చు మరియు ఫలితాలను కూడ పొందవచ్చు. ప్రస్తుతం ఆన్లైన్ గేమింగ్, ఆన్లైన్ కంటెంట్ స్ట్రీమింగ్ వంటివి ముఖ్యమైన అంశాలుగా మారిపోయాయి. అందుకే,మీరు మీ ఫోన్ లో వేగవంతమైన ఇంటర్నెట్ పొందలేక పోయినట్లయితే మీకు చాలా ఇబ్బంది కరంగా అనిపిస్తుంది. వాస్తవానికి, కారణం ఏదైనా అన్నింటికీ తగినంత ఇంటర్నెట్ వేగం కోరుకుంటారు. దీనికి అనుగుణం గానే ఇక్కడ అందించిన ఈ టిప్స్ ద్వారా మీ స్మార్ట్ ఫోన్ ఇంటర్నెట్ స్పీడ్ ను కొంత మేర పెంచవచ్చు.
1. ఫోన్ను Re-Start చెయ్యండి
ఇది మొదటి మరియు సులభమైన మార్గం. మీ ఫోన్ను పునఃప్రారంభించిన (Re-Start) తరువాత, మొబైల్ నెట్వర్క్ సెర్చ్ చేస్తుంది. కాబట్టి, మొబైల్ ఇంటర్నెట్ వేగం చాలా రెట్లు పెరుగుతుంది. ఈ మార్గంతో పాటు మీరు మొబైల్ డేటాను ఒకసారి ఆపివేసి పునఃప్రారంభించవచ్చు.
2. ఫోన్ యొక్క ఫ్లైట్ మోడ్ను ఆన్ చేయండి
మొబైల్ను పునఃప్రారంభించడంతో పాటు, మీరు మీ ఫోన్ యొక్క ఫ్లైట్ మోడ్ను ఆన్ మరియు ఆఫ్ చేయవచ్చు. ఆ విధానంలో కూడా మీ ఫోన్ మళ్ళీ మొబైల్ నెట్వర్క్ను Search చేస్తుంది కాబట్టి, ఇది ఫోన్ యొక్క ఇంటర్నెట్ వేగాన్ని చాలాసార్లు పెంచుతుంది.
3. డేటా వినియోగాన్ని తనిఖీ చేయండి
చాలా ప్రీపెయిడ్ ప్లాన్స్ కూడా రోజువారీ డేటా పరిమితితో వస్తాయి. ప్లాన్ యొక్క డేటా పరిమితి గడువు ముగిసిన తరువాత, ఇంటర్నెట్ వేగం ఆటొమ్యాటిగ్గా తగ్గుతుంది. ఈ సందర్భంలో, మీరు మీ డేటా వినియోగాన్ని ఒకసారి పరిశీలించడం మంచిది.
4. ఆటో డౌన్లోడ్ Update నిలిపివేయండి
సాధారణంగా యాప్స్ ను అప్డేట్ చేయ్యుడానికి ఫోన్లో ఆటో డౌన్లోడ్ ఎంపిక ఆన్ చేయబడుతుంది. మీరు ఈ ఎంపికను ఆపివేయగలిగితే బాగుంటుంది. ఈ విధానంలో మీకు పరిమిత ఇంటర్నెట్ వినియోగం ఉంటుంది మరియు దీని తరువాత మీకు మంచి వేగం లభిస్తుంది.
5. ఫోన్ యొక్క నెట్వర్క్ సెట్టింగ్లను Reset చేయండి
మీ ఫోన్ యొక్క సెట్టింగులను మార్చినప్పటికీ చాలా సార్లు ఇంటర్నెట్ వేగం తగ్గుతుంది. అలాంటప్పుడు, మీ ఫోన్ నెట్వర్క్ సెట్టింగ్లను ఒకసారి Reset చేయడం మంచిది.