వాట్సాప్ లో అదిరిపోయే కొత్త ఫీచర్ వస్తోంది.!

వాట్సాప్ లో మరొక కొత్త ఫీచర్ జాతకానుంది. ఇప్పటికే అనేక ఉపయోగకరమైన ఫీచర్లను కలిగివున్న ఈ మెసేజింగ్ యాప్ లో మరొక ఉపయోగకరమైన ఫీచర్ తీసుకువస్తోంది. సింపుల్ గా చెప్పాలంటే వాట్సాప్ లో కొత్త ఫీచర్లు, కొత్త అప్ డేట్స్ వస్తున్నాయి. ఈ కొత్త ఫీచర్ ను ముఖ్యంగా వాట్సాప్ గ్రూప్స్ కోసం అప్డేట్ చేస్తున్నట్లు తెలుస్తోంది. మరి త్వరలో రానున్న ఈ కొత్త ఫీచర్ మరియు దాని ముచ్చట్లు ఏమిటో చూసేద్దామా.

మీరు ఏదైనా వాట్సాప్ గ్రూప్ నుండి ఎగ్జిట్ అయ్యారనుకోండి, ఆ విషయం ఆ గ్రూప్ లో వున్నా ప్రతిక్కరికీ తెలిసిపోతుంది. అయితే, కొత్త అప్డేట్ తరువాత అలా జరగదు, వాట్సాప్ ఈ ట్రెండ్ ని మారుస్తోంది. ఇప్పుడు వస్తున్న కొత్త అప్డేట్ తో మీరు ఏదైనా గ్రూప్ నుండి ఎగ్జిట్ అయితే, ఆ విషయం ఆ గ్రూప్ లోని ఇతరులకు తెలియదు. అంటే, మీరు ఎవరికీ తెలియకుండా ఏ గ్రూప్ నుండైనా ఎగ్జిట్ కావచ్చు. మీరు ఎగ్జిట్ అయిన విషయం కేవలం గ్రూప్ అడ్మిన్ కు మాత్రమే తెలుస్తుంది. మీ ఎగ్జిట్ నోటిఫికేషన్ ఇప్పుడు ఎవరికీ వెళ్లదు, ఇది ఈ కొత్త అప్‌డేట్ యొక్క అతిపెద్ద ప్రయోజనం.

ఈ కొత్త ఫీచర్ మరియు అప్డేట్ గురించి WABetainfo సమాచారం అందించింది. WABetainfo ఈ విషయాన్ని బ్లాక్ ద్వారా పోస్ట్ చేసింది. అంతేకాదు, వాట్సాప్‌ లో ఈ ఫీచర్‌ను త్వరలో వినియోగదారులకు తీసుకురాబోతున్నట్లు పేర్కొన్నారు. అయితే, ఇప్పటికే వాట్సాప్ బీటా వెర్షన్ వాడుతున్న వారికీ ఈ ఫీచర్ గురించి తెలిసే ఉంటుంది. ఈ ఫీచర్ ఇటీవలే బీట్ వెర్షన్ లో అంధుబాటులోకి వచ్చింది. వాట్సాప్ లేటెస్ట్ అప్‌డేట్ వచ్చినప్పుడు మాత్రమే ఈ ఫీచర్‌ ఉపయోగంలోకి వస్తుంది.

Follow Us

Raja Pullagura

Crazy about tech...Cool in nature... View Full Profile