అతిపెద్ద ఎలక్ట్రానిక్స్ కంపెనీ శామ్సంగ్ 200MP కెమెరా సెన్సార్ ని ప్రకటించింది. అదే, Samsung ISOCELL HP3 మరియు ఇది కేవలం 0.56-మైక్రోమీటర్ చుట్టూ విస్తరించి ఉన్న అతి చిన్న పిక్సెల్‌తో వస్తుంది. అయితే, ఈ సెన్సార్ గొప్ప ఫోటోలు మరియు వీడియోలను చిత్రీకరించగల శక్తితో వస్తుంది. ఈ సెన్సార్ సూపర్ QPD ఆటో ఫోకస్, స్మార్ట్ ISO ప్రో మరియు Tetrapixel పిక్సెల్ బిన్నింగ్ వంటి అనేక ఫీచర్లతో ప్యాక్ చేయబడింది. శామ్సంగ్ సరికొత్తగా ఆవిష్కరించిన ఈ 200MP కెమెరా సెన్సార్ ప్రత్యేకతల పై ఒక లుక్ వేద్దాం.
ఈ సెన్సార్ 0.56μm యొక్క 12% చిన్న పిక్సెల్ పరిమాణం 20% చిన్న కెమెరా మాడ్యూల్‌కు దారితీస్తుంది. దీని అర్ధం సమర్ధవంతమైన 200MP కెమెరా అయినా కూడా ఫోన్ ను సన్నగా నిర్మించేందుకు సహాయం చేస్తుంది.
ఇక ఈ శామ్సంగ్ 200MP కెమెరా సెన్సార్ యొక్క ప్రత్యేకతల విషయానికి వస్తే, ఇది సూపర్ QPD "మరింత ఖచ్చితమైన మరియు వేగవంతమైన ఆటో-ఫోకసింగ్" ని ఎనేబుల్ చేయడానికి సమాంతర మరియు నిలువు డైరెక్షన్ లలో తేడాలను ఉపయోగిస్తుంది. ఈ కెమరాతో మీరు 30fps లో 8K వీడియో లేదా 120fps లో 4K వీడియోలను షూట్ చేయవచ్చు.
Tetra Pixel టెక్నాలజీ 16 పిక్సెల్స్ ను ఒకదానిలో ఒకటిగా కలుపుతుంది. అంటే, ఇది 1.12μm-పిక్సెల్‌లతో 50MP సెన్సార్ లేదా 2.24μm-పిక్సెల్‌లతో 12.5MP సెన్సార్‌ని అనుమతిస్తుంది. ఇది "మసకబారిన వాతావరణంలో కూడా పవర్ ఫుల్ షాట్‌ లను" అందించగలదని కంపెనీ ప్రత్యేకించి చెబుతోంది. ఇక చివరిగా, Smart-ISO Pro మెరుగైన HDR స్నాప్స్ కోసం Low ISO, మిడ్ ISO మరియు హై ISO నుండి డేటాను మిళితం చేస్తుంది.