Jio జబర్దస్త్ అఫర్: ఈ ప్లాన్ తో Wi-Fi రౌటర్ పొందండి..!!

రిలయన్స్ జియో కొత్త ప్లాన్స్ తో JioFi హాట్ స్పాట్ ని ఉచితంగా ఆఫర్ చేస్తోంది. JioFi హాట్‌స్పాట్ రౌటర్ కోసం జియో కొత్త పోస్ట్‌పెయిడ్ ప్లాన్‌ లను అందించింది. ఈ ప్లాన్స్ ఎంచుకునేవారికి ఉచిత హాట్‌స్పాట్ రౌటర్‌ లను కూడా ఆఫర్ చేస్తోంది. జియో JioFi  కోసం మూడు కొత్త పోస్ట్‌పెయిడ్ ప్లాన్‌ లను తీసుకొచ్చింది. ఈ ప్లాన్ లను రూ. 249, రూ.299 మరియు రూ.349 ధరతో అందించింది. అయితే, ఈ ప్లాన్స్ కేవలం డేటాని మాత్రమే ఆఫర్ చేస్తాయి. ఈ ప్లాన్ లతో కాలింగ్ మరియు SMS వంటి ప్రయోజాలను మాత్రం పొందలేరు. ఈ ప్లాన్స్ అఫర్ చేసే ప్రయోజాలను క్రింద చూడవచ్చు.

Survey

ఈ మూడు ప్లాన్స్ కూడా నెల రోజుల వ్యాలిడిటీతో వస్తాయి.  

రూ. 249 ప్లాన్ – 30GB నెలవారీ డేటాతో వస్తుంది

రూ. 299 ప్లాన్ – 40GB నెలవారీ డేటాతో వస్తుంది

రూ. 349 ప్లాన్ – 50GB నెలవారీ డేటాతో వస్తుంది

పైన పేర్కొన్న డేటా లిమిట్ ముగిసిన తరువాత, ఇంటర్నెట్ వేగం 64 Kbps కి తగ్గుతుంది.

అయితే, ఈ ప్లాన్స్ పైన కొన్ని కండిషన్స్ వర్తిస్తాయని గమనించాలి. అదేమిటంటే, ఈ ప్లాన్స్ అన్ని కూడా 18 నెలల లాక్-ఇన్ పీరియడ్‌తో వస్తాయని గుర్తుంచుకోండి. అంటే, మీరు డేటాను ఉపయోగించుకున్నా లేదా ఉపయోగించకున్నా, మీకు 18 నెలల పాటు ప్రతి నెలా అదే మొత్తం ఛార్జ్ చేయబడుతుంది. ఒకవేళ మీరు ఈ ప్లాన్స్ నిలిపివేయాలనుకున్నా Exit ఛార్జీలను చెల్లించిన తర్వాత మాత్రమే క్లోజ్ అవుతుంది. అలాగే, మీరు ఈ ప్లాన్‌ లను పొందేందుకు కనీసం 200 రూపాయల విలువైన మొదటి ఆర్డర్ చేయాలి.  

ఇక ఉచిత రూటర్ ఆఫర్ విషయానికి వస్తే, మీరు JioFi పోస్ట్‌పెయిడ్ సబ్‌స్క్రిప్షన్‌ ను రద్దు చేసినప్పుడు అవి యూజ్ అండ్ రిటర్న్ ప్రాతిపదికన అందించబడే షరతు ఉంది. అంటే, మీరు ఈ ప్లాన్ లను నిలిపివేసిన వెంటనే రౌటర్ ను వెనక్కు తిరిగి ఇవ్వవలసి ఉంటుంది.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile