ట్రైన్ లైవ్ స్టేటస్ గూగుల్ మ్యాప్ లో ఎలా చూడవచ్చు.. తెలుసుకోండి..!!

ట్రైన్ యొక్క లైవ్ రన్నింగ్ స్టేటస్ ను గూగుల్ మ్యాప్ లో చూడవచ్చని మీకు తెలుసా? ఒకవేళ మీకు తెలియకపోతే ఈరోజు తెలుసుకోవచ్చు. వాస్తవానికి, గూగుల్ చాలాకాలం నుండి ప్రజలకు ఈజీగా ట్రైన్ లైవ్ రన్నింగ్ స్టేటస్ ను తెలుసుకునే మార్గాన్ని అందించింది. గూగుల్ మ్యాప్ లో మీకు కావాల్సిన ఏరియా నుండి లేదా మీరు చేరుకోవాల్సిన స్థానానికి రూట్ మ్యాప్‌ తో సహా అందుబాటులో ఉన్న రైలు పేరు, బోర్డింగ్ స్టేషన్ మరియు మార్గంలో వచ్చే ఇతర స్టాప్‌ లను కూడా చూపుతుంది. అంతేకాదు, మీ ప్రయాణానికి పట్టే ఎస్టిమేట్ టైం మరియు Live Train రన్నింగ్ స్టేటస్ ను కూడా అందిస్తుంది. మరి మీ Live Train రన్నింగ్ స్టేటస్ ను మరి గూగుల్ మ్యాప్ లో ఎలా చూడాలో చూద్దాం.

పైన తెలిపిన అన్ని వివరాలను మీరు పొందాలంటే ముందుగా మీరు మీ ఫోన్ లో గూగుల్ మ్యాప్ యాప్ యొక్క లేటెస్ట్ వెర్షన్ ను కలిగిఉండాలి. ఈ ఫీచర్ iOS మరియు Android రెండు OS ల కోసం అందుబాటులో వుంది.    

గూగుల్ మ్యాప్ లో Live Train రన్నింగ్ స్టేటస్ ఎలా చెక్ చేయాలి?

ముందుగా మీ ఫోన్ లో గూగుల్ మ్యాప్ ని తెరవండి

రైల్వే స్టేషన్ లేదా మీరు చేరుకోవాల్సిన డెస్టినేషన్ లొకేషన్ ఎంటర్ చేయండి

మ్యాప్ లో 'టూ-వీలర్' మరియు 'Walk' ఆప్షన్‌ల మధ్య ఉండే 'Train' ఎంపికను ఎంచుకోండి.

మీరు స్టేషన్‌ లకు బదులుగా లొకేషన్ ఉంచినట్లయితే, మ్యాప్ సమయం, దూరం మరియు స్టేషన్‌కు వెళ్లే మార్గాన్ని చూపుతుంది.

ట్రైన్ స్టేటస్ కోసం 'Train' చిహ్నం పైన నొక్కండి

ఇక్కడ కనిపించే ట్రైన్ పేరు పైన నొక్కడం ద్వారా ఆ ట్రైన్ ప్లాట్‌ఫారమ్ నంబర్, ఏ సమయంలో ఆ ప్లాట్‌ఫారమ్‌కు చేరుకుంటుంది వంటి లైవ్ ట్రైన్ వివరాలను చూడవచ్చు.

Follow Us

Raja Pullagura

Crazy about tech...Cool in nature... View Full Profile