జియో దివాళీ ధమాకా: మొదలైన జియోఫోన్ నెక్స్ట్ బుకింగ్స్..ఎలా బుక్ చెయ్యాలంటే..!

By Raja Pullagura | Updated on 02-Nov-2021

Raja Pullagura

02 Nov 2021 23:23

HIGHLIGHTS

జియో నెక్స్ట్ స్మార్ట్ ఫోన్ బుకింగ్స్ మొదలయ్యాయి

జియోఫోన్ నెక్స్ట్ కోసం బెస్ట్ ఆఫర్లను కూడా జియో అందించింది

ఈ ఫోన్ ను మూడు విధాలుగా బుక్ చెయ్యవచ్చు

జియో 2021 దివాళీ ధమాకా అఫర్ గా తీసుకొచ్చిన జియోఫోన్ నెక్స్ట్ స్మార్ట్ ఫోన్ బుకింగ్స్ మొదలయ్యాయి. అయితే, జియోఫోన్ నెక్స్ట్ స్మార్ట్ ఫోన్ సేల్స్ మాత్రం నవంబర్ 4, అంటే దీపావళి నాటి నుండి స్టార్ట్ అవుతాయి. రిలయన్స్ జియో మరియు గూగుల్ సంయుక్తంగా తీసుకువచ్చిన ఈ స్మార్ట్ ఫోన్ కోసం బెస్ట్ ఆఫర్లను కూడా జియో అందించింది.

జియోఫోన్ నెక్స్ట్ ఎలా బుక్ చేయాలి?

ఇక జియోఫోన్ నెక్స్ట్ బుకింగ్ విషయానికి వస్తే, ఈ ఫోన్ ను మూడు విధాలుగా బుక్ చెయ్యవచ్చు. అందులో మొదటిది, జియో అధికారిక వెబ్సైట్ నుండి (www.JIO.COM) నుండి నేరుగా బుక్ చేసుకోవచ్చు. లేదంటే, కస్టమర్‌లు వారి WhatsApp నుండి 7018270182 కి 'HI' అని మెసేజ్ చేయడం ద్వారా బుకింగ్ కోసం చాటింగ్ ఓపెన్ చెయవచ్చు. లేదంటే, జియోమార్ట్ డిజిటల్ రిటైల్ స్టోర్‌ కి వెళ్లి జియో నెక్స్ట్ బుక్ చేసుకోవచ్చు.

JioPhone Next: EMI అఫర్

పైన తెలిపి విధంగా, మీరు పూర్తి అమౌంట్ ను చెల్లిస్తే కేవలం రూ.6,499 ధరకే అందుతుంది. ఒకవేళ ఇన్స్టాల్ మెంట్ (EMI) పద్దతిలో కొనాలనుకుంటే ముందుగా కేవలం రూ.1,999 రూపాయలు చెల్లించాలి మరియు మిగిలిన డబ్బును 18 లేదా 24 నెలల వాయిదాల్లో చెల్లించవచ్చు. దీనికోసం కొన్ని ప్లాన్స్ కూడా అందించింది మరియు ఈ ప్లాన్స్ EMI మరియు రీఛార్జ్ తో బండిల్ చేయబడి ఉన్నాయి. ఆ ప్లాన్స్ ను క్రింద చూడవచ్చు.

1. Always-on plan

ఈ EMI ప్లాన్ లో 18 నెలల EMI ఎంచుకుంటే నెలకు రూ.300 మరియు 24 నెలల EMI ఎంచుకుంటే నెలకు రూ.350 చెల్లించాలి. ఈ ప్లాన్ తో నెల మొత్తానికి గాను 100 నిమషాల కాలింగ్ మరియు 5GB డేటా లభిస్తుంది.

2. Large Plan

ఈ EMI ప్లాన్ లో 18 నెలల EMI ఎంచుకుంటే నెలకు రూ.450 మరియు 24 నెలల EMI ఎంచుకుంటే నెలకు రూ.500 చెల్లించాలి. ఈ ప్లాన్ తో అన్ని నెట్వర్క్ లకు అన్లిమిటెడ్ కాలింగ్ మరియు డైలీ 1.5GB హై స్పీడ్ 4G డేటా లభిస్తుంది.

3. XL Plan

ఈ EMI ప్లాన్ లో 18 నెలల EMI ఎంచుకుంటే నెలకు రూ.500 మరియు 24 నెలల EMI ఎంచుకుంటే నెలకు రూ.550 చెల్లించాలి. ఈ ప్లాన్ తో అన్ని నెట్వర్క్ లకు అన్లిమిటెడ్ కాలింగ్ మరియు డైలీ 2GB హై స్పీడ్ 4G డేటా లభిస్తుంది.

4. XXL Plan

ఈ EMI ప్లాన్ లో 18 నెలల EMI ఎంచుకుంటే నెలకు రూ.550 మరియు 24 నెలల EMI ఎంచుకుంటే నెలకు రూ.600 చెల్లించాలి. ఈ ప్లాన్ తో అన్ని నెట్వర్క్ లకు అన్లిమిటెడ్ కాలింగ్ మరియు డైలీ 2.5GB హై స్పీడ్ 4G డేటా లభిస్తుంది.

ప్రోసెసింగ్ ఫీజ్ క్రింద రూ.501 రూపాయలు కూడా అధనంగా చెల్లించవలసి ఉంటుంది.

JioPhone Next: స్పెక్స్

ఇక JioPhone Next ఫీచర్ల విషయానికి వస్తే, జియోఫోన్ నెక్స్ట్ 5.45-అంగుళాల HD(720×1440) డిస్ప్లే కలిగి ఉంటుంది మరియు ఈ స్క్రీన్ కార్నింగ్ గొరిల్లా గ్లాస్ 3 రక్షణతో వస్తుంది. ఈ ఫోన్ 1.3 GHz క్లాక్ స్పీడ్ అందించగల Qualcomm QM215 చిప్‌సెట్‌తో పనిచేస్తుంది. అలాగే, ఈ ఫోన్ LPDDR3 2GB ర్యామ్ మరియు 32GB ఇన్ బిల్ట్ స్టోరేజ్ కలిగివుంటుంది. అలాగే, మైక్రో SD ద్వారా 512GB మెమోరిని విస్తరించవచ్చు.

ఈ ఫోన్ లో వెనుక 13MP సింగల్ కెమెరా మరియు ముందు సెల్ఫీల కోసం 8MP సెల్ఫీ కెమెరాలను అందించింది. ఈ కెమెరా HDR Mode, Night Mode, Portrait వంటి మరిన్ని ఫీచర్లతో వస్తుంది. ఈ ఫోన్ లో 3000mAh బ్యాటరీని సాధారణ ఛార్జింగ్ టెక్నాలజీతో ఇచ్చింది.

Raja Pullagura

Crazy about tech...Cool in nature... View Full Profile