EPF గుడ్ న్యూస్: మీ అకౌంట్ ఒకసారి చెక్ చేసుకోండి..!

EPFO (ఎంప్లాయిస్ ప్రావిడెంట్ ఫండ్ ఆర్గనైజేషన్) ఖాతాధారులకు గుడ్ న్యూస్ ప్రకటించింది. 2020-21 సంవత్సరానికి గాను 23.44 కోట్ల ఖాతాదారులకు 8.5 శాతం వడ్డీ రేటుతో మొత్తాన్ని జమచేసింది. అంటే, PF అకౌంట్ వారికి వారి అకౌంట్ లో ఉన్న మొత్తానికి 8.5 శాతం వడ్డీ రేటుతో 2020-21 సంవత్సర వడ్డీని వారి అకౌంట్ లాలో జమ చేసింది.

Survey

వాస్తవానికి, 2020-21 సంవత్సరానికి ఆపాదించనున్న వడ్డీ రేటును 8.5 గా అక్టోబర్ నెలలోనే ప్రకటించింది. ముందుగానే చెప్పిన విధంగా ఇప్పుడు ఈ వడ్డీని PF ఖాతాదారుల అకౌంట్ లలో డిపాజిట్ చేసినట్లు వెల్లడించింది.

Add As A Trusted Source For Google.

Add as a preferred source on Google

అత్యవసర సమయంలో మీకు ఉపయోగపడే వాటిలో EPF అడ్వాన్స్ కూడా ఒకటి. కాబట్టి, EPF నుండి అడ్వాన్స్ కోసం ఎదురుస్తున్నవారు, వారి అభ్యర్థనను ఆన్లైన్లో EPFO వెబ్సైట్ ద్వారా సమర్పించవచ్చు. మీ UAN మరియు రిజిస్టర్డ్ మొబైల్ నంబరుతో ఇక్కడ  మేము సూచించిన విధంగా చేయండి.

1. మొదట మీరు www.epfindia.gov.in వెబ్సైటుకు వెళ్లి ఇక్కడ చూపిన విధంగా క్లిక్ చేయండి .

2.  తర్వాత మీరు UAN / ఆన్లైన్ సర్వీస్ (OCS / OTP) యొక్క సభ్యునికి దాని సర్వీసు పేజీకి మళ్ళించబడతారు.

3. సర్వీసుల కింద సభ్యుని UAN / ఆన్లైన్ సర్వీస్ (OCS / OTP) పై క్లిక్ చేసిన తర్వాత మీరు మీ UAN మరియు పాస్ వర్డ్ ను ఎంటర్ చేయాలి. ఇక్కడ ఇచ్చిన పట్టికలో టైప్ చేయండి.

4. మీ UAN మరియు పాస్ వర్డు టైప్ చేసి  ఎంటర్ చేసిన తర్వాత, మీరు Manage పైన నొక్కండి. ఆ తర్వాత దానిలో కనిపించే 4 విభాగాలలో KYC పైన క్లిక్ చేయండి.

5. ఈ KYC లో మీ యొక్క ఆధార్, PAN మరియు బ్యాంకు వివరాలను నమోదుచేసి ఎంటర్ చేయండి. (ఈ వివరాలను ఇప్పటి వరకు నమోదు చేయని వారికోసం) ఇవి మీకు అప్డేట్ అవడానికి కొంత సమయం పడుతుంది.

6. ఇప్పుడు పైన కనిపించే, Online Services పైన నొక్కడం ద్వారా లోనికి ప్రవేశించి, అందులోని Claim ఎంచుకోండి. ఇక్కడ బ్యాంక్ అకౌంట్ యొక్క చివరి 4 అంకెలను నమోదు చేసి ఎంటర్ చేయండి.

7.  ఇక్కడ మీ వివరాలతో పాటుగా 'I  Want To Apply For' అని కనిపిస్తుంది. ఇందులోకి వెళ్లి PF Advance (Form-31) ఎంచుకొని మీరు ఎటువంటి అవసరం కోసం మీరు  మీ PF నుండి అడ్వాన్స్ కోసం అప్ప్లై చేస్తున్నారో ఎంచుకొవాల్సివుంటుంది.

8. ఇక్కడ మీ పూర్తి చిరునామా నమోదు  చేసిన తరువాత సబ్మిట్ చేయాలి.

9. ఆన్లైన్ అవకాశం లేనివారు EPF ఆఫీసునందు Form – 31 పూర్తి వివరాలను వ్రాసి సమర్పించవచ్చు.

ముఖ్య గమనిక :మీరు మీ (బ్యాంకు) వివరాలను ఎంటర్ చేసి సబ్మిట్ చేసే ముందు వివరాలు సరైనవేనని పూర్తిగా నిర్ధారించుకున్న తరువాతే ముందుకు వెళ్ళండి.  ఎందుకంటే, మీ బ్యాంకు వివరాలు తప్పుగా ఎంటర్ చేస్తే మీ డబ్బు ఆ అకౌంటుకు వెళుతుంది.

ముఖ్యమైన అభ్యర్ధన : మీరు అత్యవసర సమయంలో ఉన్నప్పుడు, మీకు ఎటువంటి దారిలేనప్పుడు మరియు తప్పని పరిస్థితుల్లో తప్ప, మీ PF అడ్వాన్స్ ని వాడుకోకండి. ఎందుకంటే, ఇది మీకు మీ రిటైర్మెంట్ తరువాత ఉపయోగపడే ఒకే ఒక ఆధారం.        

Follow Us

Raja Pullagura

Crazy about tech...Cool in nature... View Full Profile