ఈ 10 పాస్‌వర్డ్‌లను ఉపయోగించారో చిక్కుల్లో పడతారు…ఎందుకంటే..!

పాస్‌వర్డ్‌ ఏమిటి వాటితో మేమెందుకు చిక్కుల్లో పడతాము అనుకుంటున్నారా? కానీ ఇది నిజం. ఎందుకంటే, ఎక్కువ మంది చాలా ఈజీగా ఉండే పాస్‌వర్డ్‌ లను ఉపయోగిస్తారు. ఈజీగా ఉండే పాస్‌వర్డ్‌ లను గుర్తుకుంచుకోవడం చాలా సులభం కాబట్టి ఇలా చేస్తారు. అంతేకాదు, ఎక్కువ మంది ప్రజలు వారి ఫోన్, ఇమెయిల్, సోషల్ మీడియా మరియు ఇంటర్నెట్ బ్యాంకింగ్ తో సహా మరిన్ని వాటికి ఒకేవిధమైన పాస్‌వర్డ్‌లను ఉపయోగిస్తున్నారు అనే కొత్త నిజం కూడా బయటపడింది.

Survey

అవి ఏమిటి అని ఆలోచనలో పడ్డారా? దీని కోసమే ఒక సెక్యూరిటీ సంస్థ గుర్తించిన అత్యధికంగా ఉపయోగించబడుతున్న మరియు అత్యంత ప్రమాదకరమైన పాస్‌వర్డ్‌ జాబితాను వెల్లడించింది. మరి, ఆ ప్రమాదకరమైన పాస్‌వర్డ్‌ లిస్ట్ మరియు వాటి కథ ఏమిటో తెలుసుకుందామా..!

Add As A Trusted Source For Google.

Add as a preferred source on Google

యునైటెడ్ కింగ్డమ్ (UK) యొక్క నేషనల్ సైబర్ సెక్యూరిటీ సెంటర్ గత 12 నెలల్లో ప్రపంచవ్యాప్తంగా ప్రజలు ఎక్కువగా ఉపయోగించే పాస్‌వర్డ్‌ల జాబితాను విడుదల చేసింది. అంతేకాదు, వీటిని ఎందుకు ఉపయోగిస్తారనే విషయాన్ని కూడా వెల్లడించింది. అసలు కారణం ఏమిటంటే, కేవలం గుర్తుంచుకోవడానికి సులభంగా ఉండడానికి ఈ పాస్‌వర్డ్‌లను ఉపయోగిస్తున్నట్లు ఈ సంస్థ గుర్తించింది.

వాస్తవానికి, గుర్తుంచుకోవడానికి సులభంగా ఉంటుందని చాలా సులభంగా ఉండే పాస్‌వర్డ్‌లను ఉపయోగించడం ప్రమాదకరం అని కూడా ఈ సంస్థ పేర్కొంది. మరి ఈ లిస్ట్ లో అందించిన అత్యంత ప్రమాదకరమైన 10 పాస్‌వర్డ్‌లను ఈ క్రింద చూడవచ్చు.

ప్రమాదకరమైన 10 పాస్‌వర్డ్‌ జాబితా:

• 123456
• 123456789
• qwerty
• password
• 12345
• qwerty123
• 1q2w3e
• 12345678
• 111111
• 1234567890

Follow Us

Raja Pullagura

Crazy about tech...Cool in nature... View Full Profile