యూజ్డ్ ఫోన్ లకు కూడా బాగానే డిమాండ్ ఉంది
మీరు కొనదలుచుకున్న ఫోన్ యొక్క వివరాలను చెక్ చెయ్యవచ్చు
ఫోన్ ఒరిజినల్ అవునా కాదా ఈజీగా చెక్ చెయ్యవచ్చు
మార్కెట్లోకి కొత్తగా వచ్చిన ఫోన్ లతో పాటుగా యూజ్డ్ ఫోన్ లకు కూడా బాగానే డిమాండ్ ఉంది. దేనికి కారణం ఏమిటంటే, కొత్త ఫోన్ కోసం ఖర్చు చేసే డబ్బులో సగం డబ్బుతోనే ఒక యూజ్డ్ ఫోన్ లేదా సెకండ్ హ్యాండ్ ఫోన్ కొనే వీలుంటుంది. అయితే, తక్కువ ధరలో వస్తుందని సెకండ్ హ్యాండ్ ఫోన్ ను ఎటువంటి చెకింగ్ చేయకుండా తీసుకుంటే మాత్రం మీరు అగచాట్ల పాలవుతారు. మీరు తీసుకున్న ఫోన్ ఒరిజినల్ ఓనర్ కాకుండా కొట్టుకొచ్చిందయితే, మీ పరిస్థితి ఏమిటి. అందుకే, మీరు ఒక సెకండ్ హ్యాండ్ ఫోన్ తీసుకునే ముందుగా ఖచ్చితంగా చెక్ చేసి మాత్రమే తీసుకోవడం నూరుకు నూరు శాతం ఉత్తమం.
మరి ఏమి చెయ్యాలి?
డిపార్ట్మెంట్ ఆఫ్ టెలికమ్యూనికేషన్ (DoT) పోగొట్టుకున్న లేదా దొంగిలించబడిన ఫోన్లను ట్రాక్ చెయ్యడానికి సెంట్రల్ ఎక్విప్ మెంట్ ఐడెంటిటీ రిజిస్టర్(CEIR) ని పోర్టల్ ని లాంచ్ చేసింది. ఈ పోర్టల్ నుండి మీరు కొనదలుచుకున్న ఫోన్ యొక్క వివరాలను చెక్ చెయ్యవచ్చు.
ఎలా చెక్ చెయ్యాలి ?
డిపార్ట్మెంట్ ఆఫ్ టెలికమ్యూనికేషన్ (DoT) పోగొట్టుకున్న లేదా దొంగిలించబడిన ఫోన్లను ట్రాక్ చెయ్యడానికి సెంట్రల్ ఎక్విప్ మెంట్ ఐడెంటిటీ రిజిస్టర్(CEIR) ని పోర్టల్ నుండి మీరు తీసుకోదలుచుకున్న ఫోన్ IMEI నంబర్ తో ఫోన్ ఒరిజినల్ అవునా లేదా కొట్టుకోచిందా అని ఇక్కడ వెరిఫికేషన్ చెయ్యొచ్చు.
ఈ క్రింది విధంగా చెక్ చెయ్యొచ్చు
- ముందుగా CEIR పోర్టల్ లోకి వెళ్ళండి
- ఇక్కడ మైన్ పేజ్ లో అప్లికేషన్ లోకి వెళ్ళండి
- ఇక్కడ మీకు Know Your Mobile APP మరియు IMEI Verification అనే రెండు అప్షన్స్ వస్తాయి.
- వీటిలో, IMEI Verification అనే రెండు అప్షన్ ఎంచుకోండి
- ఇక్కడ మీ మొబైల్ నంబర్ ఎంటర్ చేసి OTP పొందండి
- మీకు అందిన OTP ఎంటర్ చేసి ఎంటర్ చేయండి
- ఇక్కడ మీరు IMEI కోసం సూచించిన బాక్స్ లో ఇమెయిజ్ నంబర్ ఎంటర్ చేయండి
- ఒకవేళ మీరు తీసుకోవాల్సిన ఫోన్ IMEI నంబర్ తెలియక పొతే *#06# తో తెలుసుకోవచ్చు
- చివరిగా, మీరు IMEI ఎంటర్ చేసి సబ్మిట్ చేసిన వెంటనే మీకు స్టేట్స్ వివరాలు అందించబడతాయి.