Spam call தொல்லையா செட்டிங்கில் இதை செய்தல் போதும், தேவையற்ற கால் வராது.

தெரியாத நபர்களிடமிருந்து ஸ்பேம் அழைப்புகள் உங்கள் போனுக்கு தொடர்ந்து வரலாம். முக்கியமான வேலையில் பரபரப்பாக இருக்கும்போது பல சமயங்களில் இதுபோன்ற ஸ்பேம் அழைப்புகள் வரும். இதனால் நீங்கள் அவதிக்குளாக வேண்டிய சூழல் ஏற்படும்.

இதுபோன்ற ஸ்பேம் அழைப்புகளால் நீங்கள் எரிச்சலடைந்து இருந்தால், இதோ உங்களுக்காக ஒரு எளிய வழி உள்ளது. இந்த ஸ்பேம் அழைப்புகளில் டெலிமார்க்கெட்டிங் அழைப்புகள், ரோபோ அழைப்புகள், மோசடி அழைப்புகள் போன்றவை அடங்கும்.

கூகுள் ஸ்பேம் தடுப்பு அம்சம்:

கூகுள் ஆண்ட்ராய்டு தனது பயனர்களுக்கு அத்தகைய வசதியை வழங்குகிறது. ஸ்பேம் கால்களை நீங்கள் எளிதாக தவிர்க்கலாம். இந்த இரண்டு அம்சங்களில் அழைப்பாளர் ஐடி மற்றும் ஸ்பேம் பாதுகாப்பு அம்சங்கள் அடங்கும். இந்த இரண்டு அம்சங்களையும் ஆண்ட்ராய்டு போன்களில் இயல்பாகவே இயக்க முடியும்.

இந்த அம்சத்தைப் பயனர்கள் எப்போது வேண்டுமானாலும் அணைத்து விடலாம். இந்த அம்சங்களை குறித்து உங்களுக்குத் தெரியாவிட்டால், நீங்கள் கவலைப்பட வேண்டியதில்லை. ஏனெனில், இந்த அம்சங்களை எவ்வாறு இயக்குவது என்பது குறித்த தகவலை நாங்கள் இங்கு தருகிறோம்.

• அழைப்பாளர் ஐடி மற்றும் ஸ்பேம் பாதுகாப்பை ஆண்ட்ராய்டு போனில் எவ்வாறு இயக்குவது:
• முதலில், ஆண்ட்ராய்டு ஸ்மார்ட்போனில் செட்டிங்ஸைத் திறக்கவும்
• அதன் பிறகு, அதிலுள்ள Search எனும் இடத்தில் 'Caller Id and Spam Protection' என்பதை டைப் செய்யவும்
• Call Settings கீழ் வரும் Caller Id and Spam Protection என்பதை கிளிக் செய்யவும்
• இங்கு நீங்கள் பல விருப்பத்தை காணுவீர்கள்
• இதில் இருக்கும் அனைத்து விருப்பங்களை ஆக்டிவேட் செய்யவும்
• இதனைத் தொடர்ந்து உங்களுக்கு வரும் ஸ்பேம் அழைப்புகள் தடுக்கப்படும்
• அழைப்பு வரும்போது, அழைப்பவரின் தகவல்கள் திரையில் தோன்றும்