கொரோனா பரவலைத் தொடர்ந்து நாட்டில் பல மக்கள் தங்கள் வேலையை இழந்து தவித்தனர். இதே நேரத்தில் தான் சைபர் குற்றங்களும், ஆன்லைன் மோசடிகளும் அதிகரித்தன. இதுகுறித்து பல ஆய்வுகள் மேற்கொள்ளப்பட்டன.
இந்த ஆய்வுகளை நடத்திய நார்டன் லைஃப்லாக் (Norton Lifelock), பல அதிர்ச்சியூட்டும் தகவல்களை வெளியிட்டது. ஏப்ரல் 2021 வெளியிட்ட அறிக்கையின்படி, 2.7 கோடி இந்தியர்களின் அடையாளர்கள் இணையத்தில் இருந்து திருடப்பட்டுள்ளது.
பாஸ்வர்ட் மற்றும் தனிப்பட்ட தகவல்கள் உள்பட ஒரு தனிநபரின் தனிப்பட்ட விவரங்களை ஹேக்கர்கள் அணுகும்போது, சம்பந்தப்பட்ட நபரின் வங்கிக் கணக்கிலிருந்து எளிதாகப் பணத்தை எடுக்கிறார்கள்.
நாட்டின் எந்தப் பகுதியிலிருந்தும் எவ்வளவு பணம் வேண்டுமானாலும் எடுத்துக் கொள்ளலாம் என்பதால் இணைய மோசடிக்கும் ஆழாகும் நபர்கள், இதனால் பெரிதாக பாதிக்கப்படுகின்றனர்.
சட்டவிரோதமான மற்றும் அங்கீகரிக்கப்படாத டிஜிட்டல் தளத்தில் எந்த வகையான பரிவர்த்தனையும் ஆன்லைன் மோசடி, இணைய மோசடி அல்லது டிஜிட்டல் மோசடி என வரையறுக்கப்படுகிறது.
online fraud.
மக்கள் இதுபோன்ற பிரச்னையை எதிர்கொள்ளும்போது, பலர் அமைதியாக இருக்கிறார்கள். மற்றவர்கள் பணம் திரும்ப வராது, இதுபோன்ற சூழ்நிலையில் எதுவும் செய்ய முடியாது என்று நினைத்து அழுகிறார்கள்.
ஆனால் ஒருவர் ஆன்லைன் மோசடிக்கு ஆளானால் முழுத் தொகையையும் திரும்பப் பெறலாம் என்பதை யாரேனு அறிவீர்களா? இந்திய ரிசர்வ் வங்கியின் (ஆர்பிஐ) வழிகாட்டுதல்களின்படி, அங்கீகரிக்கப்படாத பரிவர்த்தனையால் பாதிக்கப்பட்டவர்கள் முழுப் பணத்தையும் திரும்பப் பெறலாம்.
இதுபோன்ற மோசடி பரிவர்த்தனைகள் தொடர்பான தகவல்களை உடனடியாகப் பகிர்ந்துகொள்பவர்கள் பணத்தை இழப்பதைத் தவிர்க்கலாம். ஆர்பிஐ இதற்கான வழிமுறைகளை வகுத்துள்ளது. ஆனால், பணத்தை இழந்தவர்கள் உடனடியாக நடந்த சம்பவம் குறித்து வங்கிக்கு தகவல் தெரிவிக்க வேண்டும் என்கிறது ரிசர்வ் வங்கி.
நாட்டில் உள்ள பல வங்கிகள் தங்கள் வாடிக்கையாளர்களை நிதி மோசடிகளில் இருந்து பாதுகாத்து வருகின்றன. எனவே, யாரேனும் எந்தவிதமான அங்கீகரிக்கப்படாத வங்கிப் பரிவர்த்தனைகளை எதிர்கொண்டால், காப்பீட்டின் பலனைப் பெற, பாதிக்கப்பட்ட வாடிக்கையாளர் உடனடியாக வங்கிக்குத் தெரிவிக்க வேண்டும்.
வங்கிக்கு தகவல் தெரிவித்தவுடன், அவர்கள் உடனடியாக காப்பீட்டு நிறுவனத்திற்கு மோசடி குறித்து தெரிவிப்பதோடு, வாடிக்கையாளரின் கணக்கினையும் கண்காணிப்பில் வைக்கின்றனர்.
வங்கிக்கு தகவல் தெரிவித்தவுடன், அவர்கள் உடனடியாக காப்பீட்டு நிறுவனத்திற்கு மோசடி குறித்து தெரிவிப்பதோடு, வாடிக்கையாளரின் கணக்கினையும் கண்காணிப்பில் வைக்கின்றனர்.
பொதுவாக 10 வேலை நாள்களுக்குள், வாடிக்கையாளர்களுக்கு ஏற்பட்ட இழப்பு வங்கியால் ஈடுசெய்யப்படும். காப்பீட்டு நிறுவனங்களும், வங்கிகளும் இணைந்து அங்கீகரிக்கப்படாத பரிவர்த்தனைகளால் இழந்த நிதியை வாடிக்கையாளருக்கு ஈடுசெய்யும்.
மேலும், அங்கீகரிக்கப்படாத பரிவர்த்தனை குறித்து வாடிக்கையாளர்கள் மூன்று நாள்களுக்குள் வங்கிக்கு தெரிவிக்க வேண்டும் என்பது நினைவுக்கூரத்தக்கது. ஆன்லைன் மோசடிகள் குறித்த கருத்துகளை கீழே பதிவிடுங்கள்.