Nokia T20 TABLET ரூ, 15,499 ஆரம்ப விலையில் இந்தியாவில் அறிமுகம்.

HMD குளோபல் நிறுவனம் நோக்கியா டி20யை இந்தியாவில் அறிமுகம் செய்துள்ளது. நோக்கியா பிராண்டின் கீழ் இந்தியாவில் வெளியிடப்படும் முதல் ஆண்ட்ராய்டு டேப்லெட் இதுவாகும். நோக்கியா T20 ஆனது 2K டிஸ்ப்ளேவைக் காட்டுகிறது மற்றும் ஒரு பெரிய 8200mAh பேட்டரியைக் கொண்டுள்ளது, இது 15 மணிநேர இன்டர்நெட் ப்ரவுஸிங் வழங்குவதாகக் கூறப்படுகிறது. ஸ்டீரியோ ஸ்பீக்கர்கள் மற்றும் இரட்டை மைக்ரோஃபோன்களும் நோக்கியா T20 உடன் வழங்கப்பட்டுள்ளன.புதிய டேப் குறித்து, எச்எம்டி குளோபல் இரண்டு ஆண்டுகளுக்கு இலவச ஆப்பரேட்டிங் சிஸ்டம் மேம்படுத்த வாய்ப்பு இருப்பதாகவும், மூன்று ஆண்டுகளுக்கு ஒவ்வொரு மாதமும் மாதாந்திர பாதுகாப்பு அப்டேட்கள் கிடைக்கும் என்றும் கூறியுள்ளது. நோக்கியா T20 இந்தியாவில் சமீபத்தில் அறிமுகப்படுத்தப்பட்ட Realme Pad உடன் போட்டியிடும், இதன் ஆரம்ப விலை ரூ.13,999 ஆகும்.

நோக்கியா டி20  சிறப்பம்சம் 

நோக்கியாவின் இந்த டேப்லெட் இதில் 10.36 இன்ச் 2கே எல்.சி.டி. டிஸ்ப்ளே, யுனிசாக் டி610 ஆக்டா-கோர் பிராசஸர், அதிகபட்சம் 4 ஜிபி ரேம் வழங்கப்பட்டு இருக்கிறது.
 
இத்துடன் ஆண்ட்ராய்டு 11, இரண்டு ஆண்டுகளுக்கான ஓ.எஸ். அப்டேட்கள், மூன்று ஆண்டுகளுக்கு செக்யூரிட்டி அப்டேட்கள் வழங்கப்படுகிறது. இதில் 8 எம்பி ஆட்டோபோக்கஸ் பிரைமரி கேமரா, எல்.இ.டி. பிளாஷ், 5 எம்பி செல்பி கேமரா வழங்கப்பட்டு உள்ளது.

புதிய நோக்கியா டி20 நார்டிக் டிசைன், சேண்ட்பிளாஸ்டெட் அலுமினியம் பாடி மற்றும் ஐ.பி.52 தர வாட்டர் ரெசிஸ்டண்ட் வசதி கொண்டிருக்கிறது. இந்த டேப்லெட் 8200 எம்.ஏ.ஹெச். பேட்டரி, 15 வாட் சார்ஜிங் கொண்டிருக்கிறது. 

Nokia T20 விலை தகவல்.

நோக்கியா டி20 ஓசன் புளூ நிறத்தில் கிடைக்கிறது. இதன் 3 ஜிபி+32ஜிபி வைபை மாடல் விலை ரூ. 15,499 என்றும் 4ஜிபி+64ஜிபி எல்.டி.இ. வெர்ஷன் விலை ரூ. 16,499 என நிர்ணயம் செய்யப்பட்டு உள்ளது. இந்த டேப்லெட் நோக்கியா அதிகாரப்பூர்வ வலைதளம் மற்றும் ப்ளிப்கார்ட் தளத்தில் கிடைக்கிறது