Xiaomi அதன் Xiaomi Redmi S2 ஸ்மார்ட்போனை இந்தியாவில் எந்த வேறு பெயரிலும் அறிமுகம் செய்யலாம் என கூறப்படுகிறது, இந்த சாதனத்தை இந்தியாவில் Redmi Y2 என்ற பெயரில் அறிமுகப்படுத்தலாம் எனக் கூறப்படுகிறது
சியோமி நிறுவனத்தின் புதிய ஸ்மார்ட்போன் இந்தியாவில் ஜூன் 7-ம் தேதி அறிமுகம் செய்யப்பட இருக்கிறது. முன்னதாக இந்த ஸ்மார்ட்போனின் டீசர் பதிவிடப்பட்டு இருந்தது. சீன ஸ்மார்ட்போன் நிறுவனம் வெளியிட்டு இருக்கும் அழைப்பிதழில் ஜூன் 7-இல் புதிய சாதனம் புது டெல்லியில் நடைபெற இருக்கும் விழாவில் அறிமுகம் செய்யப்படுகிறது என குறிப்பிடப்பட்டு இருக்கிறது.
இத்துடன் அழைப்பிதழில் கேமரா லென்ஸ் புகைப்படம் இடம்பெற்றிருக்கிறது. அந்த வகையில் சியோமி நிறுவனம் தனது ரெட்மி வை2 ஸ்மார்ட்போனினை இவ்விழாவில் அறிமுகம் செய்யவாம் என எதிர்பார்க்கப்படுகிறது. ட்விட்டரில் பதிவிடப்பட்டு இருக்கும் டீசருடன் #FindYourSelfie மற்றும் #RealYou போன்ற ஹேஷ்டேக் மற்றும் Y என்ற எழுத்து சுட்டிக்காட்டப்பட்டு இருக்கிறது. இவையே புதிய ஸ்மார்ட்போன் ரெட்மி வை சீரிஸ் ஆக இருக்கும் என்ற எதிர்பார்ப்பை ஏற்படுத்த காரணமாய் அமைந்துள்ளது.
ஸ்மார்ட்போனின் எவ்வித தகவலும் இடம்பெறாத நிலையில், சியோமி வெளியிட்டிருக்கும் அழைபிதழில் மனித முகத்தின் ஸ்கெட்ச் ஒருபுறமும், மறுபுறம் கேமரா சென்சார் இடம்பெற்றிருக்கிறது. இவை புதிய ஸ்மார்ட்போனில் செயற்கை நுண்ணறிவு தொழில்நுட்பம் சார்ந்த செல்ஃபி கேமரா வழங்கப்படலாம் என்ற எதிர்பார்ப்பை ஏற்படுத்துகிறது.
முன்னதாக சியோமி வெளியிட்டு இருந்த ரெட்மி எஸ்2 ஸ்மார்ட்போனில் தலைசிறந்த கேமரா வழங்கப்பட்டிருக்கிறது. இந்த ஸ்மார்ட்போன் சீனாவில் வெளியிடப்பட்டது. இரண்டு வேரியன்ட்களில் வெளியிடப்பட்ட ரெட்மி எஸ்2 ஸ்மார்ட்போன் இந்தியாவில் ரெட்மி வை1 பெயரில் அறிமுகம் செய்யப்படலாம் என எதிர்பார்க்கப்படுகிறது.
புதிய சியோமி ஸ்மார்ட்போனின் விலை ஜூன் 7-ம் தேதி நடைபெறும் விழாவில் தெரியவரும். எனினும் இதன் விலை ரூ.15,000-க்குள் நிர்ணயிக்கப்படலாம் என கூறப்படுகிறது.
சியோமி ரெட்மி எஸ்2 சிறப்பம்சங்கள்:
– 5.99 இன்ச் 1440×720 பிக்சல் ஹெச்டி பிளஸ் 18:9 2.5D வளைந்த கிளாஸ் டிஸ்ப்ளே
– 2.0 ஜிகாஹெர்ட்ஸ் ஆக்டாகோர் ஸ்னாப்டிராகன் 625 சிப்செட்
– அட்ரினோ 506 GPU
– 3 ஜிபி / 4 ஜிபி ரேம்
– 32 ஜிபி / 64 ஜிபி இன்டெர்னல் மெமரி
– மெமரியை கூடுதலாக நீட்டிக்கும் வசதி
– ஆன்ட்ராய்டு 8.1 மற்றும் MIUI 9
– டூயல் சிம் ஸ்லாட்
– 12 எம்பி + 5 எம்பி பிரைமரி கேமரா
– 16 எம்பி செல்ஃபி கேமரா, எல்இடி ஃபிளாஷ்
– கைரேகை சென்சார், இன்ஃப்ராரெட் சென்சார்
– 4ஜி வோல்ட்இ, வைபை, ப்ளூடூத்
– 3000 எம்ஏஹெச் பேட்டரி
புதிய சியோமி ரெட்மி எஸ்2 ஸ்மார்ட்போன் கிரே, ரோஸ் கோல்டு, ஷேம்பெயின் கோல்டு மற்றும் பிளாட்டினம் சில்வர் நிறங்களில் கிடைக்கிறது. சீனாவி்ல் 3 ஜிபி ரேம் கொண்ட ரெட்மி எஸ்2 ஸ்மார்ட்போன் 999 யுவான் (இந்திய மதிப்பில் ரூ.10,560) என்றும் 4 ஜிபி ரேம் கொண்ட மாடல் 1299 யுவான் (இந்திய மதிப்பில் ரூ.13,735) என நிர்ணயம் செய்யப்பட்டுள்ளது.
Follow Us
Sakunthala
சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile
