கொரோனா வைரஸ் பாதிப்பு காரணமாக உலகின் பெரும்பாலான துறைகள் கடுமையாக பாதிக்கப்பட்டு இருக்கிறது. இதில் தொழில்நுட்ப பிரிவில் ஸ்மார்ட்போன் சந்தை அதிகளவு பாதிப்பை சந்தித்து இருக்கிறது. சிசிஎஸ் இன்சைட் அறிக்கையின் படி ஸ்மார்ட்போன் சந்தை அதிகம் பாதிக்கப்பட்டு இருப்பதாக தெரிவிக்கப்பட்டுள்ளது.
Surveyஇந்த ஆண்டு மட்டும் சுமார் 126 கோடி ஸ்மார்ட்போன்கள் விற்பனையாகும் என எதிர்பார்க்கப்படுகிறது. இது முந்தைய ஆண்டுடன் ஒப்பிடும் போது 25 கோடி யூனிட்கள் குறைவு ஆகும். அந்த வகையில் கடந்த பத்து ஆண்டுகளில் இல்லாத அளவு குறைவு என சிசிஎஸ் தெரிவித்துள்ளது.
உலகம் முழுக்க வாடிக்கையாளர்கள் தங்களது வீடுகளுக்குள் முடங்கியிருக்கின்றனர். பெரும்பாலான நிறுவனங்களும் விநியோக பணிகளில் அதிக பாதிப்பை எதிர்கொண்டு வருகின்றன. இதன் காரணமாக வாடிக்கைாயளர்களால் புதிய ஸ்மார்ட்போன்களை வாங்க முடியாத நிலை ஏற்பட்டு இருக்கிறது.
கொரோனா வைரஸ் பாதிப்பு காரணமாக ஸ்மார்ட்போன் விநியோகம் 2020 இரண்டாவது காலாண்டில் 29 சதவீதம் வரை சரிவடையும் என எதிர்பார்க்கப்படுகிறது. இதுதவிர ஸ்மார்ட்போன் விநியோகம் தொடர்புடைய இதர பணிகளும் ஆண்டு இறுதியில் பாதிப்பை சந்திக்கும் என கணிக்கப்பட்டுள்ளது.
அத்தியாவசிய தேவைகள் தவிர மற்ற பொருட்களை வாங்குவதில் மக்கள் அதிக ஆர்வம் செலுத்த மாட்டார்கள். 2019 ஆண்டு விடுமுறை காலத்தில் விற்பனையானதை விட இந்த ஆண்டு விடுமுறை கால விற்பனை மூன்று சதவீதம் வரை குறையும் என எதிர்பார்க்கப்படுகிறது. இதுதவிர மக்களின் பொருளாதார நெருக்கடி சூழலும் அவர்களை ஸ்மார்ட்போன்களை வாங்க விடாத நிலைக்கு தள்ளி இருக்கிறது.
Follow Us
Sakunthala
சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile
