போல்டபில் ஸ்மார்ட்போன்கள் 2021 இல் எதிர்பார்த்தது போல் பொதுவானவை அல்ல, ஆனால் 2022 மூலையில் உள்ளது, மேலும் அடுத்த ஆண்டு அதிக வெளியீடுகளைக் காணலாம். இந்த வார தொடக்கத்தில், இந்த தொடரின் மூன்றாவது மடிப்பு போனான Samsung Galaxy Z Fold 3க்கு போட்டியாக Oppo Find N உடன் மடிப்பு தொலைபேசி சந்தையில் நுழைந்தது. இரண்டு தொலைபேசிகளும் நோட்புக் போன்ற போல்டபில் வடிவமைப்பைக் கொண்டுள்ளன, ஆனால் Oppo ஃபோன் Galaxy Z Fold 3 ஐ விட மிகவும் கச்சிதமானது. இரண்டும் Snapdragon 888, மொத்தம் ஐந்து கேமராக்கள் மற்றும் 12GB வரை ரேம் ஆகியவற்றைப் பெறுகின்றன. இரண்டு ஃபோன்களும் ஒன்றுக்கொன்று எதிராக எவ்வாறு அடுக்கி வைக்கப்படுகின்றன என்று நீங்கள் யோசிக்கிறீர்கள் என்றால், ஸ்பெக் ஷீட்டின் அடிப்படையில் ஒரு ஒப்பீடு இங்கே உள்ளது.
தற்போது, டெக் சந்தையில் பெரும் ஜாம்பவானாக இருக்கும் கொரிய நிறுவனமான சாம்சங் தயாரிப்புகளுக்கு ஈடுகொடுக்கும் வகையில், தங்களின் புதிய தயாரிப்புகளை ஒப்போ நிறுவனம் அறிமுகப்படுத்தி வருகிறது. அந்த வகையில் சீனாவில் நடந்த ‘ஒப்போ இன்னோ டே 2021’ நிகழ்வில் தனது புதிய முழுஅளவு திரை கொண்ட மடிக்கக்கூடிய ஸ்மார்ட்போன் ஒன்றை அறிமுகம் செய்துள்ளது.
இந்த வகை ஸ்மார்ட்போனை முதலில் அறிமுகம் செய்து சந்தையில் களமாடி வரும் சாம்சங் நிறுவனத்தின் சாம்சங் கேலக்ஸி Z Fold 3 ஸ்மார்ட்போனை ஒத்து இதன் அம்சங்களும், வடிவமைப்பும் உள்ளது. ஆனால், சில இடங்களில் ஒப்போ நிறுவனம் பயனர்களின் வசதிக்கேற்ப சில மாற்றங்களை செய்துள்ளது
பார்க்க ஒரே போல் இருந்தாலும், ஒப்போ Find N வெளிப்புற தொடுதிரை 5.49” அங்குலமும், உட்புற தொடுதிரை 7.1” அங்குல அளவில் வடிவமைக்கப்பட்டுள்ளது. சற்றே பெரிதாக சாம்சங் கேலக்ஸி Z Fold 3 ஸ்மார்போனின் வெளிப்புற தொடுதிரை 6.2” அங்குலமாகவும், உட்புற தொடுதிரை 7.6” அங்குலமாகவும் உள்ளது. இரண்டு ஸ்மார்ட்போன் திரையும் 120Hz ரிப்ரஷ் ரேட் கொண்டுள்ளது.
செயல்திறனை பொருத்தவரை இரண்டும் குவால்காம் ஸ்னாப்டிராகன் 888 சிப்டெட்டுடன் 2.84 ஜிகாஹெர்ட்ஸ் வேகத்துடன் உள்ளது. ஒப்போ Find N 8ஜிபி அல்லது 12 ஜிபி விருப்பத்தேர்வுடன் வருகிறது. ஆனால், சாம்சங் கேலக்ஸி Z Fold 3 ஸ்மார்ட்போனின் 12 ஜிபி ரேம் வகை மட்டுமே உள்ளது.
சாம்சங் ஸ்மார்ட்போனில் 256ஜிபி சேமிப்புத் திறன் மட்டுமே உள்ள நிலையில், ஒப்போ ஸ்மார்ட்போனில் 256ஜிபி அல்லது 512 ஜிபி சேமிப்புத் திறனை நாம் தேர்வு செய்யமுடியும். இரண்டு ஸ்மார்ட்போன்களின் ஸ்கின்களும் ஆண்ட்ராய்டு 12 பதிப்பின் மேல் நிறுவப்பட்டுள்ளது.
இரண்டு போன்களும் பின்பக்கம் மூன்று கேமரா அமைப்பைக் கொண்டுள்ளது. சாம்சங் கேலக்ஸி Z Fold இல் மூன்று 12 மெகாபிக்சல் சென்சார்கள் உள்ளது. அதேவேளையில், ஒப்போ Find N, 50 மெகாபிக்சல் முதன்மை சென்சாருடன், 16 மெகாபிக்சல் அல்ட்ரா-வைட் சென்சார், 13 மெகா பிக்சல் டெலிபோட்டோ லென்ஸ் ஆகியவற்றைக் கொண்டுள்ளது.
ஒப்போ Find N ஆனது 33W SuperVOOC ஃப்ளாஷ் சார்ஜ் ஆதரவு, 15W AirVOOC வயர்லெஸ் சார்ஜ் மற்றும் 10W ரிவர்ஸ் வயர்லெஸ் சார்ஜிங் உடன் 4500mAh திறன் கொண்ட பேட்டரி மூலம் ஆதரிக்கப்படுகிறது. கேலக்சி Z Fold 3 ஆனது 25W அதிவிரைவான சார்ஜிங், 11W வேகமான வயர்லெஸ் சார்ஜிங், 4.5W ரிவர்ஸ் வயர்லெஸ் சார்ஜிங் வசதி கொண்டு, 4400mAh திறன் கொண்ட பேட்டரி ஆதரவுடன் இயங்குகிறது.
ஒப்போ Find N 8 ஜிபி ரேம் மற்றும் 256 ஜிபி சேமிப்பகத்தின் விலை 7,699 சீன யுவான் அதாவது சுமார் ரூ.92,100 ஆகவும், 12 ஜிபி ரேம் கொண்ட 512 ஜிபி ஸ்டோரேஜின் விலை 8,999 சீன யுவான் அதாவது சுமார் ரூ.1,07,600 ஆகவும் நிர்ணயிக்கப்பட்டுள்ளது. இந்த போன் டிசம்பர் 23 முதல் சீனாவில் விற்பனைக்கு வரும் என ஒப்போ நிறுவனம் அறிவித்துள்ளது