ஒன்பிளஸ் நிறுவனம் தனது ஒன்பிளஸ் 8 மற்றும் ஒன்பிளஸ் 8 ப்ரோ ஸ்மார்ட்போன் மாடல்களை இந்தியாவில் சில தினங்களுக்கு முன் அறிமுகம் செய்தது. இந்நிலையில், புதிய ஸ்மார்ட்போன்களுக்கான லிமிட்டெட் எடிஷன் பாப்-அப் பாக்ஸ் தற்சமயம் ஒன்பிளஸ் அதிகாரப்பூர்வ வலைதளத்தில் பட்டியலிடப்பட்டுள்ளது.
ஒன்பிளஸ் நிறுவனம் இந்த ஆண்டு பாப்-அப் நிகழ்வுகளை நடத்தவில்லை என்பதால், ஸ்மார்ட்போனிற்கான அக்சஸரீக்களை தள்ளுபடி விலையில் வாங்க விரும்புவோருக்கு இது பயனுள்ளதாகவும், பாப் அப் நிகழ்வுக்கு மாற்றாகவும் இருக்கும் என கூறப்படுகிறது.
புதிய ஒன்பிளஸ் 8 லிமிட்டெட் எடிஷன் பாப் அப் பாக்ஸ் விலை ரூ. 45,999 என்றும் ஒன்பிளஸ் 8 ப்ரோ லிமிட்டெட் எடிஷன் பாப் அப் பாக்ஸ் விலை ரூ. 60,999 என நிர்ணயம் செய்யப்பட்டுள்ளது. லிமிட்டெட் எடிஷன் பாப்-அப் பாக்ஸ் பெட்டியில் ஸ்மார்ட்போனுடன் புல்லட்ஸ் வயர்லெஸ் இசட் (பிளாக்) மற்றும் கேஸ்கள் வழங்கப்படுகின்றன.
ஒன்பிளஸ் 8 பாப் அப் பாக்ஸ் – ஒன்பிளஸ் 8 (8 ஜிபி ரேம், 128 ஜிபி மெமரி) மாடல் ஆனிக்ஸ் பிளாக் அல்லது கிளேசியல் கிரீன் நிறங்களில் ஒன்று, புல்லட்ஸ் வயர்லெஸ் இசட் (பிளாக்), சியான் பம்ப்பர் கேஸ் மற்றும் நைலான் பம்ப்பர் கேஸ் உள்ளிட்டவை ரூ. 45,999 விலையில் வழங்கப்படுகிறது.
புதிய ஒன்பிளஸ் 8 மற்றும் ஒன்பிளஸ் 8 ப்ரோ ஸ்மார்ட்போன்கள் அமேசான், ஒன்பிளஸ் அதிகாரப்பூர்வ வலைதளம் மற்றும் ஆஃப்லைன் விற்பனை மையங்களில் மே மாதம் முதல் விற்பனைக்கு வரும் என கூறப்படுகிறது. அந்த வகையில் லிமிட்டெட் எடிஷன் பாப் அப் பாக்ஸ் விற்பனையும் விரைவில் துவங்கும் என தெரிகிறது.
ஒன்பிளஸ் 8 ப்ரோ பாப் அப் பாக்ஸ் – ஒன்பிளஸ் 8 ப்ரோ (12 ஜிபி ரேம், 256 ஜிபி மெமரி) மாடல் ஆனிக்ஸ் பிளாக் அல்லது கிளேசியல் கிரீன் நிறங்களில் ஒன்று, புல்லட்ஸ் வயர்லெஸ் இசட் (பிளாக்), சியான் பம்ப்பர் கேஸ் மற்றும் நைலான் பம்ப்பர் கேஸ் உள்ளிட்டவை ரூ. 60,999 விலையில் வழங்கப்படுகிறது
Follow Us
Sakunthala
சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile
