நோக்கியா X6 குளோபல் எடிசன் வேரியன்ட் தகவல்கள் லீக் ஆகி உள்ளது

HMD குளோபல் நிறுவனம் நோக்கியா X6 ஸ்மார்ட்போனினை முதற்கட்டமாக சீனாவில் வெளியிட்டது. சீனாவில் CNY 1,299 (இந்திய மதிப்பில் ரூ.13,800) என நிர்ணயம் செய்யப்பட்டிருக்கிறது. கடந்த மாதம் சீனாவில் வெளியிடப்பட்ட நோக்கியா X6 சர்வதேச சந்தையில் வெளியாவது குறித்த தகவல்கள் தொடர்ந்து வெளியாகி வந்தது.

இந்த பேச்சு வார்த்தையை பற்றி நிறுவனம் டிவிட்டரில் ஒரு போல் செய்திருந்தது, அதில் வாடிக்கையாளர்களிடம் இந்த சாதனத்தை உலகளவில் அறிமுக செய்ய விரும்புகிறீர்களா என்று அதில் கேள்வி எழுப்பி இருந்தது இந்த நேர்மறையான விளைவை கருத்தில் கொண்டு, நிறுவனம் இப்போது உலகளவில் இந்த சாதனத்தைத் அறிமுகம் செய்ய தீர்மானித்துள்ளது. இந்த சாதனம் ப்ளூடூத் சான்றிதழில் பார்வையிட்டிருப்பதில் அதன் முதல் ஆதாரம் காணப்படுகிறது.

இந்நிலையில், நோக்கியா சர்வதேச வலைத்தளத்தில் நோக்கியா X6 ஸ்மார்ட்போன் ஷாப் நௌ (Shop Now) பட்டனுடன் இடம்பெற்றிருக்கிறது. எனினும் விரைவில் இந்த ஸ்மார்ட்போன் வலைத்தளத்தில் இருந்து எடுக்கப்பட்டு விட்டது. 

விளம்பரம் வலைதளத்தில் இருந்து எடுக்கப்படும் முன் நோக்கியா லேட்டஸ்ட் எனும் வலைத்தளம் அதனை ஸ்கிரீன்ஷாட் எடுத்திருக்கிறது.

முன்னதாக பல்வேறு தளங்களில் நோக்கியா X6 குறித்த தகவல்கள் வெளியாகி வந்த நிலையில், தற்சமயம் அதிகாரப்பூர்வ வலைத்தளத்தில் காணப்பட்டிருப்பது ஸ்மார்ட்போனின் வெளியீடு விரைவில் நடைபெற இருப்பதை உணர்த்தும் வகையில் அமைந்திருக்கிறது.

நோக்கியா X6 சிறப்பம்சங்கள்:

– 5.8 இன்ச் 2280×1080 பிக்சல் ஃபுல் ஹெச்டி+ 19:9 ரக டிஸ்ப்ளே
– கார்னிங் கொரில்லா கிளாஸ் 3
– 1.8 ஜிகாஹெர்ட்ஸ் ஆக்டாகோர் ஸ்னாப்டிராகன் 636 சிப்செட்
– அட்ரினோ 509 GPU
– 4 ஜிபி ரேம், 32 ஜிபி இன்டெர்னல் மெமரி
– 4 ஜிபி ரேம், 64 ஜிபி இன்டெர்னல் மெமரி
– 6 ஜிபி ரேம், 64 ஜிபி இன்டெர்னல் மெமரி
– மெமரியை கூடுதலாக நீட்டிக்கும் வசதி
– ஹைப்ரிட் டூயல் சிம் ஸ்லாட்
– ஆன்ட்ராய்டு 8.1 ஓரியோ, ஆன்ட்ராய்டு பி அப்டேட்
– 16 எம்பி பிரைமரி கேமரா, டூயல் டோன் எல்இடி ஃபிளாஷ், f/2.0, 1.0um பிக்சல்
– 5 எம்பி இரண்டாவது பிரைமரி கேமரா, f/2.2, 1.2um பிக்சல்
– 16 எம்பி செல்ஃபி கேமரா, f/2.0, 1.0um பிக்சல்
– கைரேகை சென்சார்
– 4ஜி வோல்ட்இ, வைபை, ப்ளூடூத்
– 3060 எம்ஏஹெச் பேட்டரி
– குவால்காம் க்விக் சார்ஜ் 3.0

நோக்கியா X6 ஸ்மார்ட்போனில் நாட்ச் ரக டிஸ்ப்ளே, செங்குத்தாக பொருத்தப்பட்ட டூயல் பிரைமரி கேமரா , கைரேகை சென்சார் உள்ளிட்டவை வழங்கப்பட்டுள்ளது. 

இதன் 4 ஜிபி ரேம், 32 ஜிபி இன்டெர்னல் மெமரி மாடல் விலை CNY 1,299 (இந்திய மதிப்பில் ரூ.14,800), 4 ஜிபி ரேம், 64 ஜிபி இன்டெர்னல் மெமரி கொண்ட மாடல் விலை CNY 1,499 (இந்திய மதிப்பில் ரூ.16,000), 6 ஜிபி ரேம், 64 ஜிபி வேரியன்ட் விலை CNY 1,699 (இந்திய மதிப்பில் ரூ.18,100) என நிர்ணயம் செய்யப்பட்டுள்ளது.

Follow Us

Sakunthala

சகுந்தலா கடந்த 7 ஆண்டுகளாக வேலை பணிபுரிகிறார் இவள் டிஜிட் தமிழின் தொழில்நுட்ப செய்தி, பீச்சர், டிப்ஸ் & ட்ரிக்ஸ், ஸ்லைட் ஷோ வீடியோ போன்ற வற்றை கவர் செய்து வருகிறார், இவள் தொழில் நுட்ப செய்தி என்று சொன்னால் இவள் கேட்ஜெட் அதாவது ஸ்மார்ட்போன், லேப்டாப் ,PC மற்றும் ஆட்டோமொபைல்ஸ் போன்றவற்றை எழுதி வருகிறார் இதை தவிர இவள் சோசியல் மீடியா போஸ்ட் பேஸ்புக் போஸ்ட் , பேஸ்புக் லைவ் இன்ஸ்டாகிராம்,, ட்விட்டர் யூடுப் போன்றவற்றையும் மேனேஜ் செய்து வருகிறாள். View Full Profile