ஹூவாய் நிறுவனம் தனது இரண்டாம் தலைமுறை போல்டபில் ஸ்மார்ட்போன் மாடலை அறிமுகம் செய்து இருக்கிறது. சர்வதேச சந்தையில் அறிமுகம் செய்யப்பட்டுள்ள புதிய மேட் Xs 2 ஸ்மார்ட்போன் முந்தைய மாடலை விட அதிகளவு மாற்றங்கள் செய்யப்பட்டு உள்ளது. இதில் சக்திவாய்ந்த ஹார்டுவேர், தலைசிறந்த கேமரா செட்டப், பாஸ்ட் சார்ஜிங் வசதி போன்ற அம்சங்கள் உள்ளன.
இந்த மடிக்கக்கூடிய ஸ்மார்ட்போன் ஜூன் மாத வாக்கில் ஐரோப்பாவில் விற்பனை செய்யப்பட இருக்கிறது. இந்த ஸ்மார்ட்போனில் ஆண்ட்ராய்டு ஓ.எஸ். வழங்கப்படவில்லை என்பது குறிப்பிடத்தக்கது.
இந்த மாடலில் 6.5 இன்ச் OLED கவர் டிஸ்ப்ளே, FHD+ ரெசல்யூஷன், 7.8 இன்ச் மடிக்கக்கூடிய OLED பேனல், 120Hz ரிப்ரெஷ் ரேட் கொண்ட மெயின் டிஸ்ப்ளே வழங்கப்பட்டு இருக்கிறது. இந்த ஸ்மார்ட்போனில் குவால்காம் ஸ்னாப்டிராகன் 888 பிராசஸர், 8GB ரேம், 512GB மெமரி வழங்கப்பட்டு உள்ளது.
புதிய ஹூவாய் மேட் Xs 2 மாடலின் மிகப் பெரிய அப்டேட் ஆக அதன் டிசைன் உள்ளது. சந்தையில் கிடைக்கும் மற்ற மடிக்கக்கூடிய ஸ்மார்ட்போன்களை விட புதிய மேட் Xs 2 மாடலில் வெளிப்புறமாக மடிக்கும் வகையில் உருவாக்கப்பட்டு இருக்கிறது. இதன் காரணமாக இதில் உள்ள ஸ்கிரீன் எந்தளவு உறுதியாக இருக்கும் என்பது கேள்விக்குறியாகவே உள்ளது.
புகைப்படங்களை எடுக்க 50MP பிரைமரி கேமரா, 8MP டெலிபோட்டோ சென்சார், 13MP அல்ட்ரா வைடு ஆங்கில் லென்ஸ் மற்றும் 10.7MP செல்ஃபி கேமரா வழங்கப்பட்டு இருக்கிறது. இந்த ஸ்மார்ட்போனில் 4600mAh பேட்டரி, 66W பாஸ்ட் சார்ஜிங் வசதி உள்ளது. இத்துடன் ஹார்மனி ஓ.எஸ். 2.0 வழங்கப்பட்டு இருக்கிறது