பாப்ஜி  யின் அடுத்த வெர்சன்  பாப்ஜி  லைட் விரைவில் வரும்.
News

பாப்ஜி யின் அடுத்த வெர்சன் பாப்ஜி லைட் விரைவில் வரும்.

Digit Tamil   Jun 25, 2019

உலகம் முழுக்க பிரபலமான கேமாக பப்ஜி இருக்கிறது. இந்த கேமின் லைட் வெர்ஷனான பப்ஜி லைட் மிகக்குறைந்த திறன் கொண்ட சாதனங்களிலும் சீராக இயங்கும் வகையில் பிரத்யேகமாக உருவாக்கப்பட்டுள்ளது. 

முதற்கட்டமாக பப்ஜி லைட் கேம் கடந்த ஆண்டு வாக்கில் சில தென்கிழக்கு ஆசிய நாடுகளில் மட்டும் அறிமுகம் செய்யப்பட்டது. தென்கிழக்கு ஆசிய நாடுகளில் தேர்வு செய்யப்பட்ட சிலருக்கு மட்டும் இந்த கேமினை விளையாடும் வசதி பிரத்யேகமாக வழங்கப்பட்டது.

தென்கிழக்கு நாடுகளில் அறிமுகமனது முதல் பப்ஜி லைட் இந்தியாவில் அதிகம் எதிர்பார்க்கப்பட்டது. இந்நிலையில் பப்ஜி லைட் இந்திய வெளியீடு உறுதியாகி இருக்கிறது. பப்ஜி லைட் வெர்ஷன் முன்பதிவு இந்தியா உள்பட அனைத்து சார்க் நாடுகளிலும் துவங்கப்பட்டுள்ளது. 

இம்முறை பப்ஜி லைட் எடிஷன் இந்தியா, வங்க தேசம், பாகிஸ்தான், ஆஃப்கானிஸ்தான், பூடான், மாலத்தீவு, நேபால் மற்றும் இலங்கை உள்ளிட்ட நாடுகளில் முன்பதிவு செய்யப்படுகிறது.

முன்பதிவு செய்வது எப்படி?

பப்ஜி லைட் வெர்ஷனுக்கான முன்பதிவு 13 நாட்களுக்கு நடைபெறுகிறது. இந்த காலக்கட்டத்தில் பயனர்கள் பப்ஜி லைட் (https://lite.pubg.com/) வலைதளம் சென்று தங்களுக்கான அக்கவுண்ட்டை இலவசமாக உருவாக்கிக் கொள்ளலாம். ஏற்கனவே பப்ஜி அக்கவுண்ட் வைத்திருப்பவர்கள் லாக் இன் செய்தாலே போதும்.

இந்தியாவில் பப்ஜி லைட் பீட்டா கேமில் பதிவு செய்வதற்கான கடைசி தேதி ஜூலை 3 என தெரிவிக்கப்பட்டுள்ளது. இவ்வாறு பதிவு செய்வோருக்கு பல்வேறு இன்-கேம் பரிசுகள் வழங்கப்படுகிறது. அனைத்து பயனர்களுக்கும் டைகர் எம்6 மற்றும் சீட்டா பாராஷூட் வழங்கப்படுகிறது. 

பயனர்கள் இந்த தளத்தில் லாக் இன் செய்ததும், நிகழ்வில் கலந்து கொள்ள கோரும் பட்டனை க்ளிக் செய்ய வேண்டும். இந்த வலைதளம் பயனர்களை அவரவர் அக்கவுண்ட்டினை ஸ்டீம், எக்ஸ்-பாக்ஸ் மற்றும் பி.எஸ்.4 போன்ற கேமிங் கன்சோல்களுக்கான அக்கவுண்ட்களில் லின்க் செய்யக் கோரும். 

இந்த பரிசுகளுக்கான குறியீடு பயனர்களுக்கு மின்னஞ்சல் மூலம் அனுப்பப்படும் என தெரிவிக்கப்பட்டுள்ளது. பப்ஜி லைட் வெர்ஷன் கேமினை பயனர்கள் உடனடியாக டவுன்லோடு செய்து விளையாட முடியாது. பப்ஜி குழு பீட்டா பதிப்பிற்கான முன்பதிவுகளை மட்டுமே துவங்கி இருக்கிறது. பின் இதில் தேர்வு செய்யப்படுவோருக்கு டவுன்லோடு லிண்க் மின்னஞ்சல் மூலம் அனுப்பப்படும்.

அதன்பின் முன்பதிவு எண்ணிக்கை 100,000-ஐ கடந்ததும் பப்ஜி பிளாக் ஸ்கார்ஃப், பன்க் கிளாசஸ், பிளடி காம்பேட் பேண்ட் உள்ளிட்டவற்றை வழங்கும். இதேபோன்று 200,000 முன்பதிவுகளை கடந்ததும் பயனர்களுக்கு கோல்டு பப்ஜி ஸ்கார்ஃப், ஸ்டிரைப்டு லாங்-ஸ்லீவ் ஷர்ட், ரெட் ஸ்போர்ட்ஸ் டாப் உள்ளிட்டவை வழங்கப்படுகிறது.

logo
Digit Tamil

Related Articles

Digit caters to the largest community of tech buyers, users and enthusiasts in India. The all new Digit in continues the legacy of Thinkdigit.com as one of the largest portals in India committed to technology users and buyers. Digit is also one of the most trusted names when it comes to technology reviews and buying advice and is home to the Digit Test Lab, India's most proficient center for testing and reviewing technology products.

We are about leadership — the 9.9 kind Building a leading media company out of India. And, grooming new leaders for this promising industry

DMCA.com Protection Status