இந்தியாவில் முன்னணி ஆட்டோமொபைல் தயாரிப்பு நிறுவனங்களில் ஒன்றாக பஜாஜ் உள்ளது. பஜாஜ் வெளியிடும் பல்சர் பைக்குகளுக்கு ரசிகர்கள் அதிகம். தற்போது பஜாஜ் பல்சர் 250 பைக்கிற்கு பெருமளவில் வரவேற்பு கிடைத்து வருகிறது.
இந்நிலையில் பஜாஜ் நிறுவனம் தனது பல்சர் 250 பைக்கிற்கு புதிய நீல நிறத்தேர்வை கொண்டு வந்துள்ளது. இதற்கு முன் பல்சர் 250 பைக்கிற்கு ரேசிங் ரெட் மற்றும் டெக்னோ கிரே ஆகிய 2 நிறங்கள் மட்டுமே வழங்கப்பட்டிருந்த நிலையில் தற்போது நீலமும் சேர்க்கப்பட்டுள்ளது.
தற்போதுள்ள புதிய நீல நிறம் மோனோ டோன் ஃபினிஷிங் மற்றும் சில இடங்களில் கிரே மற்றும் வெள்ளை ஃபேரிங்கில் ஹைலைட் செய்யப்பட்டுள்ளது. மேலும் மற்ற நிற பைக்குகளில் இருப்பது போலவே இன்ஜின் கவுலிலும் நீல நிறம் கிடைக்கும்.
தற்போது குறிப்பிட்ட டீலர்களிடம் மட்டுமே கிடைக்கும் இந்த நீல நிறத்தேர்வு, விரைவில் இந்தியா முழுவதும் கிடைக்கப்படும் என தெரிவிக்கப்பட்டுள்ளது.
இந்த புதிய நிறத் தேர்வுக்கு தனியாக விலை இன்னும் அறிவிக்கப்படாத நிலையில், ஏற்கனவே இருக்கும் எக்ஸ் ஷோரூம் விலையான ரூ.1,40,915-க்கு இந்த பைக் கிடைக்கும் என எதிர்பார்க்கப்படுகிறது.