लॅपटॉपच्या बेस मॉडेलची किंमत 83,990 रुपयांपासून सुरू
लॅपटॉपमध्ये 16GB पर्यंत RAM उपलब्ध
Dell ने आपल्या G15 गेमिंग लॅपटॉपची AMD एडिशन भारतात सादर केली आहे. डिव्हाइस AMD Ryzen 7 6800H CPU आणि NVIDIA GeForce RTX 3060 GPU द्वारे समर्थित आहे. गेमिंग लॅपटॉप विभागात लेनोवो आणि ASUS सारख्या ब्रँडला मागे टाकण्याचे डेलचे लक्ष्य आहे. Dell G15 गेमिंग लॅपटॉपचे इंटेल व्हेरिएंट रिलीज केल्यानंतर, कंपनीने आता AMD हार्डवेअर चाहत्यांना आकर्षित करण्यासाठी AMD CPU सह डिव्हाइस सादर केले आहे. कुलिंगसाठी यात एलियनवेअर-कमांड सेंटर डिझाइन देखील आहे.
Dell G15 AMD एडिशनच्या बेस मॉडेलची किंमत रु.83,990 पासून सुरू होते. टॉप-ऑफ-द-लाइन मॉडेलसाठी 1,27,990 रुपये ठेवली गेली आहे.
Dell G15 AMD एडिशन
Dell G15 AMD एडिशनमध्ये बॅकलिट कीबोर्ड, मोठा ट्रॅकपॅड आणि टॉप-सेंटर्ड HD वेबकॅमसह गेमिंग-इन्स्पायर्ड डिझाइन आहे. टेम्परेचर मेंटेन ठेवण्यासाठी त्यात चार वेंट आहेत. लॅपटॉपमध्ये 15.6-इंच फुल-HD (1080×1920 पिक्सेल) LCD डिस्प्ले आहे, ज्याचा रिफ्रेश रेट 165Hz पर्यंत आणि 250-nits ची पीक ब्राइटनेस आहे. हे डार्क शॅडो ग्रे आणि फँटम ग्रे कलरमध्ये सादर करण्यात आले आहे.
Dell G15 AMD एडिशनमध्ये AMD Ryzen 7 6800H प्रोसेसर आणि 6 GB पर्यंत NVIDIA GeForce RTX 3060 GPU आहे. हे उपकरण Windows 11 OS वर चालते. हे 16GB पर्यंत रॅम आणि 512GB SSD स्टोरेजसह सादर केले गेले आहे. I/O साठी, यात तीन Type-A पोर्ट, एक Type-C पोर्ट, HDMI 2.1 स्लॉट आणि 3.5mm ऑडिओ जॅक समाविष्ट आहे.
Disclaimer: Digit, like all other media houses, gives you links to online stores which contain embedded affiliate information, which allows us to get a tiny percentage of your purchase back from the online store. We urge all our readers to use our Buy button links to make their purchases as a way of supporting our work. If you are a user who already does this, thank you for supporting and keeping unbiased technology journalism alive in India.
Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc.