Jan Samarth Portal: आपणा सर्वांना माहितीच आहे की, दररोज हजारो लोक अडचण भागवण्यासाठी बँकांची किंवा कर्ज देणाऱ्या संस्थांची दारे ठोठावत असतात. तर, कर्ज प्रक्रिया सुरु झाल्यास सामान्य नागरिकांना रोज काही ना काही प्रक्रिया, कागदपत्रे इ. कारणास्तव फेऱ्या माराव्या लागतात. जर तुम्हाला व्यवसाय, शिक्षणासाठी किंवा इतर कोणत्याही कर्जासाठी कर्ज घ्यायचे असेल तर, तुम्हाला हे करण्याची आवश्यकता नाही. होय, Jan Samarth Portal ला भेट देऊन सहज ऑनलाइन अर्ज देता येईल.
Also Read: नेहमी-नेहमी अर्ज प्रक्रियेचा वैताग आलाय? सरकारने लाँच केले Aadhaar गुड गवर्नेंस पोर्टल, वाचा डिटेल्स
आम्ही तुम्हाला सांगतो की, कर्जाची पात्रता पोर्टलवर तपासता येईल. यासह किती कर्ज मंजूर होईल हे समजते. त्याबरोबरच, किती EMI भरायचा आहे, हे देखील सांगितले जाते. एवढेच नाही तर, कोणत्या योजनेअंतर्गत तुम्हाला कर्ज मिळेल, किती मिळेल आणि किती वर्षांपर्यंत हप्ते भरावे लागतील इ. सर्व हे सर्व कामे जन समर्थ पोर्टलवर केले जातील.
जन समर्थ पोर्टलच्या साईटवर तुम्हाला सर्वप्रथम लोकांना पैसे मागणाऱ्या कॉल, SMS, घोटाळे आणि बनावट वेबसाइटपासून सावध राहण्याचा सल्ला दिला जातो. सामान्य जनतेच्या सतत होणाऱ्या फसवणुकीमुळे सरकार सतत इशारा देत असते. तुम्ही ऐकतच असाल की, कुठलाही फोन कॉल करण्यापूर्वीच संबंधित व्हॉइस मेसेज तुम्हाला ऐकविण्यात येतो.
या पोर्टलवर अनेक प्रकारचे कर्ज उपलब्ध आहेत. शेतकऱ्यांसाठी कृषी कर्ज, मुलांसाठी शैक्षणिक कर्ज आणि स्वतःचा व्यवसाय सुरू करू इच्छिणाऱ्यांसाठी देखील येथे कर्जाची सुविधा उपलब्ध आहे. सर्वप्रथम अर्जदाराने कर्जासाठी पात्र आहे की नाही, हे तपासून घेणे आवश्यक आहे. कर्जासाठी पात्र असल्यास तुम्हाला माहितीच आहे की, आधार कार्ड, पॅन कार्ड, मतदार ओळखपत्र इत्यादी काही कागदपत्रे असणे, आवश्यक आहे.
लक्षात घ्या की, जन समर्थ पोर्टलद्वारे 15 सरकारी योजनांअंतर्गत 7 लोन कॅटेगरीमध्ये कर्ज दिले जाते.
‘अशा’प्रकारे इतर लोनसाठी आणि स्कीमबद्दल देखील स्पष्ट आणि डिटेलमध्ये सांगितले गेले आहे. या पोर्टलवर ही प्रक्रिया विना अडथडा म्हणजेच स्मूथ असते. लक्षात घ्या की, जन समर्थ पोर्टलवर सर्व प्रकारची कर्जे उपलब्ध आहेत. अधिक माहितीसाठी Jan Samarth Portal ला भेट द्या.
