84 ദിവസം വാലിഡിറ്റി, 500 രൂപയിൽ താഴെ വില; Jio ആണോ Airtel ആണോ ബെസ്റ്റ്?

84 ദിവസത്തെ വാലിഡിറ്റിയുള്ള റീചാർജ് പ്ലാൻ അന്വേഷിക്കുന്നവർക്കായി Jio, Airtel ടെലികോം തരുന്ന മികച്ച പ്ലാനിനെ കുറിച്ച് അറിയാമോ? ദീർഘകാല വാലിഡിറ്റിക്കൊപ്പം അൺലിമിറ്റഡ് കോളുകൾ, ദിവസേന ഡാറ്റ, എസ്‌എം‌എസ്, കൂടാതെ വിവിധ അധിക ആനുകൂല്യങ്ങൾ ലഭിക്കുന്ന പ്ലാനാണിത്. 500 രൂപയിലും താഴെയാണ് ജിയോയുടെയും എയർടെലിന്റെയും പ്ലാനുകൾക്ക് ലഭിക്കുന്നത്. ദിവസേന കൂടുതൽ ഡാറ്റ ലഭിക്കുന്നതാണോ മികച്ചത്, അതോ OTT ആനുകൂല്യങ്ങളും മറ്റ് സേവനങ്ങളുമാണോ കൂടുതൽ പ്രയോജനകരമെന്ന് നോക്കാം. ഇരു കമ്പനികളുടെയും പ്രധാന റീചാർജ് പ്ലാനുകൾ വിശദമായി പരിശോധിച്ച് ഏതാണെന്ന് മനസിലാക്കാം.

Jio, Airtel Plans

500 രൂപയിൽ താഴെ വിലയിൽ ലഭിക്കുന്ന റിലയൻസ് Jioയുടെ 84 ദിവസത്തെ പ്ലാനും Airtelയുടെ സമാന പ്ലാനും തമ്മിലുള്ള താരതമ്യമാണ് ഇവിടെ വിവരിക്കുന്നത്. ഇന്ത്യയിലെ എല്ലാ ടെലികോം സർക്കിളുകളിലും ഈ പ്ലാനുകൾ ലഭ്യമാണ്. സിം സജീവമായി നിലനിർത്താനും കുറഞ്ഞ ചെലവിൽ ഒരു പ്ലാൻ തിരഞ്ഞെടുക്കാനും ആഗ്രഹിക്കുന്നവർക്ക് എയർടെലിന്റെ 469 രൂപയുടെ പ്ലാനും ജിയോയുടെ 448 രൂപ പ്ലാനും അനുയോജ്യമാണ്. 84 ദിവസത്തെ പ്ലാനിനെ കുറിച്ച് വിശദമായി അറിയാം.

Jio 448 Plan Benefits

റിലയൻസ് ജിയോയുടെ 448 രൂപയുടെ റീചാർജ് പ്ലാൻ അൺലിമിറ്റഡ് വോയ്‌സ് കോളിംഗ് നൽകുന്ന പ്രീ പെയ്ഡ് പാക്കേജാണ്. 1000 SMS സേവനങ്ങളും ഈ ജിയോ പ്ലാനിലുണ്ട്. എന്നാൽ 84 ദിവസത്തേക്കുള്ള റീചാർജ് പ്ലാനിൽ ഡാറ്റ സേവനങ്ങൾ ലഭ്യമല്ല എന്നത് ശ്രദ്ധിക്കുക. ജിയോടിവി, ജിയോAICloud തുടങ്ങിയ സേവനങ്ങളുടെ ആനുകൂല്യങ്ങളും പ്ലാനിലുണ്ട്. 4ജി ഡാറ്റയും 5ജി ഡാറ്റയും നോക്കി റീചാർജ് ചെയ്യുന്നവർക്ക് 448 രൂപ പ്ലാൻ അനുയോജ്യമല്ല.

Also Read: iOS 27 മുതൽ macOS 27 Golden Gate വരെ; ആപ്പിളിന്റെ ആദ്യ പബ്ലിക് ബീറ്റാസിന് ഫുൾ പോസിറ്റിവ് റിവ്യൂ

Airtel 469 രൂപ പ്ലാൻ ആനുകൂല്യങ്ങൾ

469 രൂപയുടെ റീചാർജ് പ്ലാനിൽ അൺലിമിറ്റഡ് വോയ്‌സ് കോളിംഗ് സേവനങ്ങൾ ലഭ്യമാണ്. ഇതിൽ മൊത്തം വാലിഡിറ്റിയിൽ ആകെ 900 SMS ആനുകൂല്യങ്ങളും ലഭിക്കും. 84 ദിവസത്തെ വാലിഡിറ്റിയാണ് പ്ലാനിലുള്ളത്. ജിയോയിലെ പോലെ ഈ എയർടെൽ പ്ലാനിലും ഇന്റർനെറ്റ് ലഭ്യമല്ല. എയർടെലിന്റെ 4ജി ഡാറ്റയോ 5ജി ഡാറ്റയോ പ്ലാനിൽ ഉൾപ്പെടുന്നില്ല.

അതേ സമയം 12 മാസത്തേക്ക് Adobe Express Premium സൗജന്യ ആക്‌സസ് ലഭിക്കും. സൗജന്യ HelloTunes സൗകര്യവും പ്ലാനിനൊപ്പം ലഭ്യമാണ്.

ജിയോ പ്ലാനാണോ എയർടെൽ പ്ലാനാണോ ലാഭം?

ഇനി ഏത് പ്ലാനാണ് ലാഭമെന്ന് നോക്കാം. 469 രൂപയുടെ എയർടെൽ പ്ലാനിലും 448 രൂപയുടെ ജിയോ പ്ലാനിലും ഒരേ വാലിഡിറ്റിയാണുള്ളത്. രണ്ടും ഇന്റർനെറ്റ് വേണ്ടാത്തവർക്ക് തെരഞ്ഞെടുക്കാവുന്ന ദീർഘകാല വാലിഡിറ്റി പാക്കേജുകളാണ്. 5.3 രൂപയാണ് ജിയോ പ്ലാനിൽ ഈടാക്കുന്നത്. 469 രൂപയുടെ എയർടെൽ പ്ലാനിന്റെ ദിവസച്ചെലവ് 5.58 രൂപയാണ്.

അധിക ആനുകൂല്യങ്ങളുടെ കാര്യത്തിൽ എയർടെലിനാണ് മുൻതൂക്കം. എന്നാൽ കുറഞ്ഞ ചെലവിൽ 84 ദിവസത്തെ വാലിഡിറ്റിയുള്ള ഒരു പ്ലാൻ വേണമെങ്കിൽ ജിയോ തന്നെ തെരഞ്ഞെടുക്കാവുന്നതാണ്.