Samsung ഉടൻ തന്നെ വൺ യുഐ 8 ബീറ്റ പുറത്തിറക്കിയേക്കും
കമ്പനി വൺ യുഐ 8 ബീറ്റ പ്രോഗ്രാം ബാനറുകൾ കമ്മ്യൂണിറ്റി ഫോറങ്ങളിലും ആപ്പിലും ഇൻസ്റ്റാൾ ചെയ്തു
ഗാലക്സി എസ്25 എഡ്ജിൽ തൽക്കാലം One UI 8 ബീറ്റ അപ്ഡേറ്റുണ്ടാകില്ലെന്നാണ് വിവരം
Samsung തങ്ങളുടെ സ്മാർട്ഫോൺ ആരാധകർക്കായി സന്തോഷകരമായ ആ വാർത്ത എത്തിച്ചിരിക്കുന്നു. ആൻഡ്രോയിഡ് 15 അടിസ്ഥാനമാക്കിയുള്ള വൺ യുഐ 7 പല ഫോണുകളിലും കമ്പനി പുറത്തിറക്കിക്കൊണ്ടിരിക്കുന്നു. ലോകമെമ്പാടുമുള്ള പഴയ ഫോണുകളിൽ അപ്ഗ്രേഡ് പ്രോസസാകുന്നു.
Surveyഇത് പതിവിലും മന്ദഗതിയിലുള്ള റോൾഔട്ടായിരുന്നു. ഇപ്പോൾ ഫോൺ കമ്പനി ആൻഡ്രോയിഡ് 16 അടിസ്ഥാനമാക്കിയുള്ള വൺ യുഐ 8 ബീറ്റ പരീക്ഷണത്തിലാണ്. കമ്പനി ഉടൻ തന്നെ വൺ യുഐ 8 ബീറ്റ പുറത്തിറക്കിയേക്കുമെന്നാണ് വരുന്ന റിപ്പോർട്ടുകൾ.
Samsung One UI 8 അപ്ഡേറ്റ് ഉടൻ!
കമ്പനി വൺ യുഐ 8 ബീറ്റ പ്രോഗ്രാം ബാനറുകൾ കമ്മ്യൂണിറ്റി ഫോറങ്ങളിലും ആപ്പിലും ഇൻസ്റ്റാൾ ചെയ്തു. ഇത് സാംസങ് ഫോണുകളിലേക്ക് ഉടൻ പുറത്തിറങ്ങിയേക്കുമെന്ന് റിപ്പോർട്ടുകൾ സൂചിപ്പിക്കുന്നു.
One UI 8 അപ്ഡേറ്റ് ഏതെല്ലാം ഫോണുകളിൽ?
സാംസങ് ഗാലക്സി എസ് 25 സീരീസിലെ മിക്ക സ്മാർട്ഫോണുകളിലും പുതിയ അപ്ഗ്രേഡ് ലഭിച്ചേക്കും. സാംസങ് ഗാലക്സി എസ് 25, എസ്25 പ്ലസ്, എസ് 25 അൾട്രാ എന്നിവ ഉൾപ്പെടുന്ന ഫ്ലാഗ്ഷിപ്പുകളിൽ അപ്ഡേറ്റ് ലഭിക്കും.
വൺ യുഐ 8 ബീറ്റാ ബിൽഡ്, “S938BXXU3ZYER” എന്ന സാംസങ് സെർവറുകൾ എസ് 25 അൾട്രായ്ക്കുള്ളതാണെന്നാണ് റിപ്പോർട്ട്. ഫോണിനായുള്ള UI അപ്ഗ്രേഡ് പരീക്ഷണം പുരോഗമിക്കുകയാണെന്നും റിപ്പോർട്ടുണ്ട്.
ഗാലക്സി എസ്25 FE ഇതുവരെയും അവതരിപ്പിച്ചിട്ടില്ല. വരാനിരിക്കുന്ന ഈ സെറ്റിൽ ആൻഡ്രോയിഡ് 16 അപ്ഡേറ്റ് മുൻകൂട്ടി ഇൻസ്റ്റാൾ ചെയ്തേക്കും. ആദ്യ റോൾഔട്ടിന് ശേഷമുള്ള ആഴ്ചകളിൽ സാംസങ് തങ്ങളുടെ എസ്24 സീരീസ് ഫോണുകളിലും ഈ അപ്ഡേറ്റ് കൊടുക്കും. കൂടാതെ ഗാലക്സി Z ഫോൾഡ് 6, എ ഫ്ലിപ്പ് 6, ചില ഗാലക്സി ടാബ്ലെറ്റുകളിലും അപ്ഗ്രേഡുണ്ടാകും.
എന്നാൽ ഇവിടയെങ്ങുമല്ല വിചിത്രമായ ആ വാർത്തയുള്ളത്. സാംസങ് ഈ മാസം പുറത്തിറക്കിയ ഒരു സ്റ്റൈലിഷ് സ്മാർട്ഫോണുണ്ട്. Galaxy S25 സീരീസിലുള്ള പ്രീമിയം, സ്ലിം സ്മാർട്ഫോൺ. ഒരു ലക്ഷത്തിന് മുകളിൽ വില വരുന്ന സാംസങ്ങിന്റെ ഗാലക്സി എസ്25 എഡ്ജിൽ തൽക്കാലം One UI 8 ബീറ്റ അപ്ഡേറ്റുണ്ടാകില്ലെന്നാണ് വിവരം. ഇത് ശരിക്കും എഡ്ജ് ആരാധകരിൽ അതൃപ്തിയുണ്ടാക്കുന്ന വാർത്തയാണ്.
Samsung One UI 8 വേർഷൻ ഏതെല്ലാം രാജ്യങ്ങളിൽ!
സാംസങ് വൺ യുഐ 8 ബീറ്റ ആദ്യഘട്ടത്തിൽ എല്ലാ രാജ്യങ്ങളിലുള്ളവർക്കും ലഭ്യമാകില്ല. എന്നാൽ ആദ്യ ഘട്ടത്തിൽ ലഭിക്കുന്നവരുടെ ലിസ്റ്റിൽ ഇന്ത്യയുണ്ട്. റിപ്പോർട്ടുകൾ പ്രകാരം ഇത് അമേരിക്ക, ദക്ഷിണ കൊറിയ പോലുള്ള രാജ്യങ്ങളിലായിരിക്കും തുടക്കത്തിൽ ലഭ്യമാക്കുക. ഒപ്പം ജർമ്മനി, യുകെ, പോളണ്ട് തുടങ്ങിയ രാജ്യങ്ങളിലും ലഭ്യമാകും.
Follow Us
Anju M U
Anju M U, an aspirational technology writer at Digit Malayalam. Covering updates on gadgets, telecom, ott, AI-related content, tech trends and reviews. View Full Profile
