Redmi Turbo 5: 100W ചാർജിങ്, 7540mAh ബാറ്ററി 5 ഹൈലൈറ്റുകൾ!

സ്മാർട്ട്ഫോൺ വിപണിയിൽ വീണ്ടും ശ്രദ്ധ നേടാൻ Xiaomi യിൽ നിന്നും ഒരു ടർബോ സ്മാർട്ട് ഫോൺ. 7,540mAh ശേഷിയുള്ള വമ്പൻ ബാറ്ററിയുമായി Redmi Turbo 5 ഇന്ത്യയിൽ ലോഞ്ച് ചെയ്തു. 100W HyperCharge ഫാസ്റ്റ് ചാർജിംഗ് പിന്തുണ ലഭിക്കുന്ന സ്മാർട്ട് ഫോണാണ് റെഡ്മി അവതരിപ്പിച്ചത്. വലിയ ബാറ്ററി, അതിവേഗ ചാർജിംഗ്, മികച്ച ഡിസ്പ്ലേ, ശക്തമായ പ്രോസസർ എന്നിങ്ങനെ പ്രീമിയം ഫീച്ചറുകളോടെയാണ് ടർബോ 5 ഫോൺ റെഡ്മി ലോഞ്ച് ചെയ്തത്. കാണാൻ ഗ്ലാമർ ലുക്കും മികച്ച പെർഫോമൻസുമുള്ള റെഡ്മി ടർബോ 5 ഫോണിന്റെ 5 കിടിലൻ ഫീച്ചറുകളും ഇന്ത്യയിലെ വിലയും വിൽപ്പനയും വിശദമായി അറിയാം.

Redmi Turbo 5: 5 Key Features

മീഡിയാടെക്കിൽ നിന്നുള്ള പ്രോസസർ, അമോലെഡ് ഡിസ്പ്ലേ, OIS ക്യാമറ, പവർഫുൾ ബാറ്ററി, സ്പീഡ് ചാർജിങ് തുടങ്ങിയ ഫീച്ചറുകളുള്ള സ്മാർട്ട് ഫോണാണിത്. അതുപോലെ ഈ പ്രീമിയം ഹാൻഡ്സെറ്റിന്റെ ഡ്യൂറബിലിറ്റിയും എടുത്തുപറയേണ്ട ഒന്നാണ്. ഫോണിന്റെ സവിശേഷതകൾ അറിയാം.

• ഡിസ്പ്ലേ: 6.59 ഇഞ്ച് AMOLED സ്‌ക്രീനും 120Hz റിഫ്രഷ് റേറ്റും 3,500 നിറ്റ്‌സ് പീക്ക് ബ്രൈറ്റ്നെസ്സും ഫോണിനുണ്ട്. ഗൊറില്ല ഗ്ലാസ് 7i പ്രൊട്ടക്ഷനുള്ള ഫോണാണിത്.
• ക്യാമറ: 8MP അൾട്രാ-വൈഡ് ക്യാമറയും 50MP പ്രൈമറി ക്യാമറയും ഉൾപ്പെടുന്ന ഡ്യുവൽ ക്യാമറ യൂണിറ്റാണുള്ളത്. ഇതിന് 20MP സെൽഫി ക്യാമറയാകും നൽകുന്നത്. OIS, EIS സപ്പോർട്ടും 4K 60FPS വീഡിയോ റെക്കോർഡിങ് സപ്പോർട്ടും ഈ റെഡ്മി ടർബോ 5 ഫോണിലുണ്ട്.
• പ്രോസസർ: 3.4GHz പരമാവധി ക്ലോക്ക് സ്പീഡുള്ള 4nm പ്രോസസ്സിലാണ് ഇത് നിർമിച്ചിട്ടുള്ളത്. മീഡിയടെക് ഡൈമെൻസിറ്റി 8500 അൾട്രാ പ്രോസസറിൽ ഫോൺ പ്രവർത്തിക്കുന്നു.
• ബാറ്ററി, ചാർജിങ്: റെഡ്മി ടർബോ 5 ഫോണിന് 7,540 mAh ബാറ്ററിയാണുള്ളത്. ഇത് 100W ഫാസ്റ്റ് ചാർജിംഗിനെ പിന്തുണയ്ക്കുന്നു.
• ഡ്യൂറബിലിറ്റി: 8.1mm കനമുള്ള സ്മാർട്ട് ഫോണാണ് റെഡ്മി ടർബോ 5. മെറ്റൽ ഷാസിയും ഗ്ലാസ് ബാക്കും കൊണ്ടാണ് ഇത് നിർമിച്ചിരിക്കുന്നത്. രണ്ട് ക്യാമറ മൊഡ്യൂളുകൾക്ക് ചുറ്റും LED റിംഗ് ലൈറ്റുകളുണ്ട്. പൊടിയും വെള്ളവും പ്രതിരോധിക്കാൻ IP66, IP68, IP69, IP69K റേറ്റിംഗും ഈ സ്മാർട്ട് ഫോണിനുണ്ട്.

റെഡ്മി ടർബോ 5 ഇന്ത്യയിലെ വില

8 ജിബി + 256 ജിബി സ്റ്റോറേജുമുള്ള ഫോണിന് 35,999 രൂപ മുതൽ ആരംഭിക്കുന്നു. 12 ജിബി + 256 ജിബി വേരിയന്റിന് 38,999 രൂപയാകുന്നു. ജൂൺ 19 മുതലാണ് വിൽപ്പന. ആമസോൺ, ഷവോമി ഇന്ത്യ സ്റ്റോർ, ഇന്ത്യയിലെ റീട്ടെയിൽ സ്റ്റോറുകളിലും വിൽപ്പന നടത്തും.