7000mAh ബാറ്ററിയും 50MP Sony ക്യാമറയുമായി Moto G Max ഇന്ത്യയിലെത്തി; 5 കിടിലൻ ഫീച്ചറുകൾ!

By
Anju M U

Moto G Max with 32MP selfie camera phone first sale in india price offers specs

വലിയ ബാറ്ററിയും അത്യാധുനിക ക്യാമറ ഫീച്ചറുകളുമുള്ള Moto G Max ഇന്ത്യയിൽ പുറത്തിറങ്ങി. ബജറ്റ് ഫ്രണ്ട്‌ലി നിരക്കിൽ പ്രീമിയം ഫീച്ചറുകൾ ആഗ്രഹിക്കുന്ന ടെക് പ്രേമികൾക്കായാണ് മോട്ടറോളയുടെ പുത്തൻ ഫോൺ എത്തിയിട്ടുള്ളത്. തുടർച്ചയായ ഉപയോഗത്തിലും ചാർജ് ചോരില്ലെന്ന് ഉറപ്പുനൽകുന്ന 7000mAh വമ്പൻ ബാറ്ററിയുമാണ് മോട്ടോ ജി മാക്സിന്റെ ഹൈലൈറ്റാണ്. ഇന്ത്യൻ വിപണി കീഴടക്കാൻ പോകുന്ന പുത്തൻ മോട്ടറോള ഫോണിന്റെ പ്രത്യേകതകളും ഇന്ത്യയിലെ വിലയും ലഭ്യതയും അറിയാം.

Moto G Max Price India

ഒരൊറ്റ വേരിയന്റിലാണ് മോട്ടോ ജി മാക്സി ഇന്ത്യയിൽ ലോഞ്ച് ചെയ്തു. ഇതിന് ഇന്ത്യയിൽ വില 27,999 രൂപയാണ്. ഓഗസ്റ്റ് 20-ന് ഉച്ചയ്ക്ക് 12 മണി മുതൽ ഫോൺ വിൽപ്പനയ്‌ക്കെത്തും.

പാന്റോൺ മലാഗ, പാന്റോൺ അലാസ്കൻ ബ്ലൂ, പാന്റോൺ സ്റ്റാർഗേസർ എന്നിങ്ങനെ മൂന്ന് നിറങ്ങളിൽ ഫോൺ ലഭ്യമാകും. ഇതിന് ആക്സിസ് ബാങ്ക് അല്ലെങ്കിൽ ഐസിഐസിഐ ബാങ്ക് ക്രെഡിറ്റ് കാർഡ് വഴി 1,000 രൂപയുടെ ബാങ്ക് കിഴിവ് ലഭിക്കും.

Also Read: Google Pixel 11 Series: സർപ്രൈസ്! ഫോൾഡും XL-ഉം പ്രോയും ഉൾപ്പെടെ 4 മോഡലുകൾ പെട്ടെന്നെത്തി

മോട്ടോ ജി മാക്സിന്റെ സവിശേഷതകൾ

  1. ഡിസ്പ്ലേ: 120Hz റിഫ്രഷ് റേറ്റും 120Hz ടച്ച്-സാമ്പിളിംഗ് റേറ്റും സപ്പോർട്ട് ചെയ്യുന്ന ഫോണാണിത്. ഇതിന് 6.72 ഇഞ്ച് ഫുൾ-HD+ LCD സ്‌ക്രീനാണുള്ളത്. ഔട്ട്ഡോർ പ്രവർത്തനങ്ങൾക്കായി 1050 നിറ്റ്സ് വരെയുള്ള പീക്ക് ബ്രൈറ്റ്‌നസ് ഫോണിൽ ലഭിക്കും. സ്മാർട്ട്ഫോണിന് കോർണിംഗ് ഗോറില്ല ഗ്ലാസ് 7i പ്രൊട്ടക്ഷനുമുണ്ട്.
  2. പ്രോസസർ: ക്വാൽകോം സ്നാപ്ഡ്രാഗൺ 6s Gen 4 SoC ലാണ് മോട്ടോ ജി മാക്സ് പ്രവർത്തിക്കുന്നത്. 6GB LPDDR5x റാമും 128GB UFS 3.1 ഇന്റേണൽ സ്റ്റോറേജും സ്മാർട്ട് ഫോൺ സപ്പോർട്ട് ചെയ്യുന്നു. ഫോണിലെ മറ്റൊരു ഹൈലൈറ്റ് മോട്ടോറോള റാം ബൂസ്റ്റ് ഫീച്ചറാണ്.
  3. ക്യാമറ: 50MP സോണി LYTIA 600 പ്രൈമറി റിയർ ക്യാമറയും 8MP അൾട്രാ-വൈഡ്-ആംഗിൾ സെൻസറും ചേർന്ന ഡ്യുവൽ ക്യാമറയാണുള്ളത്. സ്മാർട്ട് ഫോണിന്റെ മുൻവശത്ത് 32MP സെൻസറാണുള്ളത്.
  4. ബാറ്ററി: 30W ടർബോപവർ ചാർജിംഗ് പിന്തുണയ്ക്കുന്ന 7000mAh ബാറ്ററിയാണ് മോട്ടോ ജി മാക്സിലുള്ളത്.
  5. സോഫ്റ്റ് വെയർ: യുഎക്സ് അടിസ്ഥാനമാക്കിയുള്ള ആൻഡ്രോയിഡ് 16 ഒഎസ്സാണ് മോട്ടറോള ജി മാക്സിൽ നൽകിയിരിക്കുന്നത്.
  6. ഡ്യൂറബിലിറ്റി: IP64 റേറ്റിങ്ങുള്ള ഫോണാണിത്. ഇതിന് MIL-STD-810H ഗ്രേഡ് സർട്ടിഫിക്കേഷനും മോട്ടറോള ജി മാക്സിനുണ്ട്.

Latest Article

Anju M U

Anju M U specializes in mobile technology, AI, and consumer gadgets at Digit Malayalam. With over 6 years of experience, she simplifies complex telecom and OTT updates into actionable insights for the Malayalam news community.

Connect On :
By
Anju M U
14-Aug-2026