iQoo Racing Edition: iQoo Neo 9 പുതിയ എഡിഷൻ വരുന്നൂ, ഡിസ്പ്ലേയും ഫീച്ചറുകളും വ്യത്യാസമോ? TECH NEWS
ഏറ്റവും മികച്ച സ്മാർട്ഫോണായി iQoo Neo 9 Pro പേരെടുത്തു
ഇപ്പോഴിതാ ഐക്യൂ നിയോ 9 പുതിയൊരു എഡിഷൻ കൂടി പുറത്തിറക്കുന്നു
iQoo Neo 9 Racing Edition ആണ് വരാനിരിക്കുന്നത്
ഈ വർഷത്തെ ഏറ്റവും മികച്ച സ്മാർട്ഫോണായി iQoo Neo 9 Pro പേരെടുത്തു. പ്രീമിയം വിഭാഗത്തിൽ പുറത്തിറങ്ങിയ ഫോണിന്റെ പെർഫോമൻസ് അത്രയും ഗംഭീരമാണ്. കൂടാതെ ഡിസൈനിങ്ങിലും കളറിങ്ങിലുമെല്ലാം ഐക്യൂ മനം കവർന്നെന്ന് പറയാം.
കഴിഞ്ഞ വർഷം ഡിസംബറിൽ ഐക്യൂ നിയോ 9 ഫോണുകളും അവതരിപ്പിച്ചു. ഇപ്പോഴിതാ ഐക്യൂ നിയോ 9 പുതിയൊരു എഡിഷൻ കൂടി പുറത്തിറക്കാൻ ഒരുങ്ങുന്നു. iQoo Neo 9 Racing Edition ആണ് വരാനിരിക്കുന്നത്. ഈ റേസിങ് എഡിഷൻ മിക്കവാറും 2024 അവസാന മാസങ്ങളിലായിരിക്കും വരുന്നത്.
iQoo Neo 9 പുതിയ എഡിഷനും!
ഇതിന്റെ ഫീച്ചറുകളോ പ്രത്യേകതകളോ കമ്പനി ഔദ്യോഗികമായി വെളിപ്പെടുത്തിയിട്ടില്ല. എന്നാലും ഐക്യൂ നിയോ 9 പുതിയ എഡിഷനെ കുറിച്ച് ചില ഊഹാപോഹങ്ങൾ വരുന്നുണ്ട്.
iQoo Neo 9 പുതിയ വേർഷൻ ഫീച്ചറുകൾ
144Hz റീഫ്രെഷ് റേറ്റും 2,160Hz PWM ഡിമ്മിങ് റേറ്റുമുള്ള ഫോണാണ് ഐക്യുവിന്റേത്. ഇതിന് 6.78-ഇഞ്ച് വലിപ്പമുള്ള 1.5K 8T LTPO OLED ഡിസ്‌പ്ലേയാണ് വരുന്നത്.
സ്നാപ്ഡ്രാഗൺ 8s Gen 3 SoC ചിപ്‌സെറ്റായിരിക്കും ഐക്യൂ റേസിങ് എഡിഷനിൽ ഉൾപ്പെടുത്തുക. അതായത്, Realme GT Neo 6-ൽ നിങ്ങൾ കണ്ട പ്രോസസറായിരിക്കും ഇത്.
Sony IMX920 ലെൻസുള്ള 50MP ക്യാമറയായിരിക്കും ഐക്യൂവിലുള്ളത്. ഇത് ഒരു ഡ്യുവൽ ക്യാമറ സെറ്റപ്പിലായിരിക്കാം വിപണിയിൽ എത്തുന്നത്. ഫോണിന്റെ രണ്ടാമത്തെ ക്യാമറ 8MPയുടേതായിരിക്കും. എന്നാൽ ഇക്കാര്യങ്ങളൊന്നും കമ്പനി സ്ഥിരീകരിച്ചതല്ല.
ഐക്യൂ നിയോ 9 റേസിങ് എഡിഷൻ മുമ്പ് വന്ന നിയോ 9 ബേസിക്കിനേക്കാൾ നല്ലതാണോ? എന്തെല്ലാമായിരുന്നു നിയോ 9 ഫോണിൽ ഉണ്ടായിരുന്നത്?
ഐക്യൂ നിയോ 9ന്റെ പ്രത്യേകതകൾ
നിയോ 9ൽ 6.78 ഇഞ്ച് 144Hz ഫുൾ-എച്ച്‌ഡി+ അമോലെഡ് ഡിസ്‌പ്ലേയാണുള്ളത്. സ്നാപ്ഡ്രാഗൺ 8 ജെൻ 2 SoC ആണ് ഫോണിലെ പ്രോസസർ. 50 മെഗാപിക്‌സൽ ഡ്യുവൽ റിയർ ക്യാമറ സെറ്റപ്പുള്ള സ്മാർട്ഫോണാണിത്. ഇതിന് 16 മെഗാപിക്‌സൽ ഫ്രണ്ട് ക്യാമറയും ലഭിക്കുന്നതാണ്.
ആൻഡ്രോയിഡ് 14 ആയിരിക്കും ഫോണിലെ OS. 120W വയർഡ് ഫാസ്റ്റ് ചാർജിങ്ങിനെ പിന്തുണയ്ക്കുന്ന ഫോണിന് 5,160mAh ബാറ്ററിയുണ്ടാകും. ഐക്യൂ നിയോ 9നേക്കാൾ വില കുറവായിരിക്കുമെന്ന് പ്രതീക്ഷിക്കാം. 26,890 രൂപ മുതലാണ് ഐക്യൂ നിയോ 9 ലഭിക്കുന്നത്.