ഈ ഫോണിന്റെ മൂൺ ലൈറ്റ് സെൽഫി ക്യാമറ കുറഞ്ഞ വെളിച്ചത്തിലും മിഴിവാർന്ന സെൽഫികൾ സമ്മാനിക്കും
സെൽഫി ഷൂട്ടറിനു പ്രാധാന്യം കൊടുത്തുകൊണ്ട് ഫോണുകൾ അവതരിപ്പിച്ചുകൊണ്ടിരിക്കുന്ന വിവോയിൽ നിന്നും ഒരു പുതിയ മോഡൽ കൂടി. കുറഞ്ഞ വെളിച്ചത്തിലും മിഴിവാർന്ന സെൽഫികൾ സമ്മാനിക്കുന്ന 'വിവോ വി 5 എസ്' (Vivo V5s) എന്ന മോഡലാണ് വിവോ പുറത്തിറക്കിയത്.
Survey20 മെഗാപിക്സൽ മുൻക്യാമറയുമായെത്തുന്ന ഫോണിൽ മൂൺ ലൈറ്റ് എൽ.ഇ.ഡി ഫ്ളാഷ് ഉൾപ്പെടുത്തിയിരിക്കുന്നത് സെൽഫി ഫോട്ടോഗ്രാഫിയെ സ്നേഹിക്കുന്നവരെ ഏറെ ആകർഷിക്കുമെന്നതിൽ സംശയമില്ല. മികച്ച സെൽഫി ഷൂട്ടറിനൊപ്പം 13 മെഗാപിക്സൽ പ്രധാനക്യാമറയും ഈ ഫോണിലുണ്ട്.
ഡി.എസ്. എൽ. ആറുകളുടേതിന് സമാനമായ ബൊക്കെ ഇഫക്ട് ഈ ഫോണിലെ ക്യാമറ നൽകുന്നുണ്ട്. ഗ്രൂപ്പ് സെൽഫികൾ പകർത്തുന്നതിനായി ഫോണിൽ ഉൾപ്പെടുത്തിയിരിക്കുന്ന ഗ്രൂപ്പ് സെൽഫി ഫീച്ചർ വൈഡ് കാപ്ച്ചറിങ് സാധ്യമാക്കുന്നു. മീഡിയാടെക് MT6750 പ്രോസസർ കരുത്ത് പകരുന്ന ഈ 5.5 ഇഞ്ച് ഇരട്ട സിം ഫോണിന് 4 ജിബി റാമും 64 ജിബി ആന്തരിക സംഭരണശേഷിയുമാണുള്ളത്. 3000 എം.എ.എച്ച് ശേഷിയുള്ള ബാറ്ററിയിൽ പ്രവർത്തിക്കുന്ന ഈ ഫോൺ 18,990 രൂപയ്ക്ക് ഫ്ലിപ്കാർട്ടിൽ നിന്നും വാങ്ങാവുന്നതാണ്.
Follow Us
