ഇലക്ട്രോണിക്സ് സാധനങ്ങൾക്ക് വില കൂടും! Ration Card മരവിപ്പിക്കും, പെൻഷൻ, SBI ചാർജുകളിലും LPG വേരിഫിക്കേഷനിലും പുതിയ നിയമങ്ങൾ
Follow Us
ഒക്ടോബർ 1 മുതൽ രാജ്യത്ത് സാധാരണക്കാരെ നേരിട്ട് ബാധിക്കുന്ന നിരവധി മാറ്റങ്ങളാണ് നടപ്പിലാക്കുന്നത്. എസി, ഫ്രിഡ്ജ് ഉൾപ്പെടുന്ന ഇലക്ട്രോണിക്സ് ഉപകരണങ്ങൾക്ക് നിരക്ക് കൂട്ടുമെന്ന് നേരത്തെ വിവരം ലഭിച്ചിരുന്നു. ഇതിന് പുറമെ SBI ATM ചാർജ്, LPG ആധാർ വേരിഫിക്കേഷൻ, Ration Card, പെൻഷൻ നിയമങ്ങൾ എന്നിവയിലും പുതിയ നിയമങ്ങൾ നടപ്പിലാക്കുന്നു എന്നാണ് ലഭിക്കുന്ന വിവരം.
Surveyസ്റ്റേറ്റ് ബാങ്ക് ഓഫ് ഇന്ത്യ അഥവാ എസ്ബിഐ ATM ചാർജുകളിലും സൗജന്യ ഇടപാടുകളുടെ പരിധിയിലും പുതിയ നിയമങ്ങൾ നടപ്പിലാക്കാനൊരുങ്ങുന്നു. പാചകവാതക ഉപഭോക്താക്കൾക്ക് LPG സബ്സിഡി തുടർന്നും ലഭിക്കാൻ ആധാർ വേരിഫിക്കേഷൻ പൂർത്തിയാക്കാനും നിർബന്ധമാക്കി. ഇതിനൊപ്പം നാഷണൽ പെൻഷൻ സിസ്റ്റം അഥവാ NPS ഓൺബോർഡിംഗ് ഫീസുകളിലും പുതിയ ഭേദഗതികൾ നടപ്പിലാക്കുന്നുണ്ട്. ഏതൊക്കെ സേവനങ്ങളിലാണ് കേന്ദ്ര സർക്കാരിന്റെ പുതിയ മാറ്റങ്ങൾ എന്നും എന്തെല്ലാം സേവനങ്ങളിലാണ് ചാർജ് ഈടാക്കുന്നതെന്നും അറിയാം.
SBI ATM New Rule 2026
2026 ഒക്ടോബർ 1 മുതൽ എസ്ബിഐ എടിഎം നിരക്കുകളിൽ മാറ്റം വരുന്നുണ്ട്. എസ്ബിഐയുടെ എടിഎമ്മായാലും മറ്റ് ബാങ്കുകളുടെ എടിഎമ്മുകളിലും ഓട്ടോമേറ്റഡ് ഡെപ്പോസിറ്റ്-കം-വിത്‌ഡ്രോവൽ മെഷീനുകളിലും സൗജന്യ ഇടപാടുകളുടെ എണ്ണം വീണ്ടും ചുരുക്കി. എന്നുവച്ചാൽ എസ്ബിഐ സാലറി പാക്കേജ് അക്കൗണ്ട് ഉടമകൾക്ക് ഇനി മാസത്തിൽ 5 തവണ മാത്രമേ പണം പിൻവലിക്കാനാകൂ. മുമ്പ് പ്രതിമാസം 10 സൗജന്യ ഇടപാടുകൾ അനുവദിച്ചിരുന്നു. മെട്രോ നഗരമെന്നോ ഗ്രാമമെന്നോ വ്യത്യാസമില്ലാതെ ഈ നിബന്ധന ബാധകമാകും. അതുപോലെ സാമ്പത്തികവും അല്ലാത്തതുമായ ഇടപാടുകളും അഞ്ച് ഇടപാടുകളുടെ പരിധിയിൽ വരുന്നു.
Also Read: പുതിയ ഐഫോണല്ല; Virat Kohli ഉപയോഗിക്കുന്ന ‘സ്ലിം’ ഫോൺ ചർച്ചയാകുന്നു!
BSBD ഉപഭോക്താക്കൾക്ക് പ്രതിമാസം 4 സൗജന്യ പണം പിൻവലിക്കലുകൾ നടത്താം. ഇതിന് ശേഷമുള്ള അഞ്ചാമത്തെ ഇടപാടിന് ഓരോ പിൻവലിക്കലിനും 15 രൂപയും ജിഎസ്ടിയും ഈടാക്കും. അതേ സമയം ഡിജിറ്റൽ ഇടപാടുകൾക്ക് പരിധികളില്ലാതെ സൗജന്യ സേവനം തുടരും. എസ്ബിഐ സാലറി അക്കൗണ്ട് ഉപയോഗിക്കുന്നവർ മറ്റ് ബാങ്കുകളുടെ എടിഎം പതിവായി ഉപയോഗിക്കുകയാണെങ്കിൽ ഈ പരിധി പ്രശ്നമാകുമെന്ന് സാരം.
Pension NPS charge
പെൻഷൻകാരും ശ്രദ്ധിക്കേണ്ട ഒരു മാറ്റം ഒക്ടോബർ 1 മുതൽ പ്രാബല്യത്തിൽ വരുമെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.
NPS, NPS Lite എന്നിവയ്ക്ക് കീഴിൽ വരുന്ന പോയിന്റ്സ് ഓഫ് പ്രസൻസ് എന്ന PoP യിലാണ് മാറ്റം വരുന്നത്. PoP വഴി NPS അക്കൗണ്ട് തുടങ്ങുമ്പോൾ, ഓരോ പെർമെനന്റ് റിട്ടയർമെന്റ് അക്കൌണ്ട് നമ്പറിലും 200 രൂപയുടെ ഒറ്റത്തവണ ഓൺബോർഡിംഗ് ഫീസ് ഈടാക്കും. പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി ഇത് ഒക്ടോബർ 1 മുതൽ നടപ്പിലാക്കുകയാണ്. എന്നാൽ 200 രൂപ വരിക്കാരന്റെ അക്കൗണ്ടിൽ നിന്ന് ഒറ്റത്തവണയായി നേരിട്ട് കുറയ്ക്കുന്നില്ല.
LPG സബ്സിഡി Aadhaar വേരിഫിക്കേഷൻ
2026 ഒക്ടോബർ 1 മുതൽ, സർക്കാർ സബ്‌സിഡിക്ക് അർഹരായവർക്ക് ആധാർ വേരിഫിക്കേഷനും പൂർത്തിയാക്കേണ്ടതുണ്ട്. നിശ്ചിത വിലയിൽ (RSP) എൽപിജി റീഫിൽ ബുക്കിംഗ് തുടരണമെങ്കിൽ, ബയോമെട്രിക് ആധാർ ഓതന്റിക്കേഷൻ പൂർത്തിയാക്കണം. ഓൺലൈനായി നമ്മുടെ എൽപിജി കമ്പനിയുടെ ആപ്പിലൂടെ (ഇൻഡസ് ആപ്പ്)ഇൻസ്റ്റാൾ ചെയ്ത്, ലോഗിൻ ചെയ്ത് ആധാർ കെവൈസി പൂർത്തിയാക്കാം.
Ration Card മരവിപ്പിക്കും?
ആറുമാസമായി റേഷൻ വിഹിതം വാങ്ങാത്ത റേഷൻ കാർഡുകൾ ഡീആക്ടീവ് ചെയ്യാൻ സാധ്യതയുണ്ട്. ആറുമാസമായി റേഷൻ വിഹിതം വാങ്ങാത്ത റേഷൻ കാർഡുകൾ സൈലന്റ് റേഷൻ കാർഡായി പരിഗണിക്കുന്നു. ഇവ പിന്നീട് ആക്ടീവാക്കാൻ 3 മാസത്തെ സമയം അനുവദിക്കും. ഡീആക്ടിവേറ്റ് ചെയ്ത കാർഡിലെ എല്ലാ അംഗങ്ങളും e-KYC പൂർത്തിയാക്കിയാലാണ് റേഷൻ കാർഡ് തിരികെ പ്രവർത്തനസജ്ജമാകുക. 3 മാസത്തിനുള്ളിൽ ആവശ്യമായ നടപടി പൂർത്തിയാക്കിയില്ലെങ്കിൽ അസാധുവാക്കി ഡാറ്റാബേസിൽ നിന്ന് നീക്കം ചെയ്യുമെന്നാണ് വിവരം.
WhatsApp ബിസിനസ്സിൽ മാറ്റങ്ങൾ!
സാധാരണ വാട്ട്സ്ആപ്പിന് പുതിയ നിയമം ബാധകമാകില്ല. സുഹൃത്തുക്കൾക്കും കുടുംബാംഗങ്ങൾക്കും മെസേജ് അയക്കുന്നതിൽ ചാർജ് ഈടാക്കില്ല. പേയ്മെന്റ് ചേർത്തിട്ടില്ലാത്ത ബിസിനസ് അക്കൌണ്ടുകൾക്ക് ഇനി നിരക്ക് ഈടാക്കിയേക്കും.
