ഇന്ത്യൻ വിപണിയിൽ ഇന്ന് മുതൽ Lava Virat V1 Pro 5G വാങ്ങാം. വലിയ ബാറ്ററിയും മികച്ച ഡിസ്പ്ലേയും കുറഞ്ഞ വിലയിൽ ആഗ്രഹിക്കുന്നവർക്ക് ഈ ലാവ ഫോൺ പർച്ചേസ് ചെയ്യാം. വിപണിയിൽ 15,999 രൂപ വിലവരുന്ന ലാവ ഫോൺ ഇന്ന് ആദ്യ വിൽപ്പനയിൽ 2000 രൂപയുടെ കിഴിവ് നേടാം. ദീർഘനേരത്തെ ഉപയോഗത്തിന് കരുത്തുപകരുന്ന 6000mAh ബാറ്ററി ഫോണിനുണ്ട്. 6.74 ഇഞ്ചിന്റെ വലിയ എൽസിഡി ഡിസ്പ്ലേയും സ്മാർട്ട് ഫോണിന്റെ ഹൈലൈറ്റാണ്. ആകർഷകമായ ഡിസൈനും മികച്ച ക്യാമറയുമുള്ള സ്മാർട്ട് ഫോണാണിത്. ലാവ വിരാട് വി1 പ്രോ 5ജിയ്ക്ക് പ്രധാന സവിശേഷതകളും ഓഫർ വിവരങ്ങളും വിശദമായി അറിയാം.
ക്യാമറ: 50 മെഗാപിക്സൽ AI മെയിൻ സെൻസറാണുള്ളത്. ഇതിൽ മറ്റൊരു സെക്കൻഡറി ക്യാമറയുമുണ്ട്. സ്മാർട്ട് ഫോണിന് 8 മെഗാപിക്സൽ ഫ്രണ്ട് ക്യാമറയുണ്ട്. HDR, പോർട്രെയിറ്റ് മോഡുകൾ ഈ സെൻസറുകൾ സപ്പോർട്ട് ചെയ്യുന്നു.
സോഫ്റ്റ് വെയർ: സ്മാർട്ട് ഫോണിൽ ആൻഡ്രോയിഡ് 16 ഒഎസാണ് പ്രവർത്തിക്കുന്നത്.
ബാറ്ററി: ശക്തമായ 6,000mAh ബാറ്ററി ലാവ വിരാട് വി1 പ്രോയിലുണ്ട്.
കണക്റ്റിവിറ്റി: 5G, 4G LTE, Wi-Fi 5, ബ്ലൂടൂത്ത് 5.4 കണക്റ്റിവിറ്റിയുള്ള ഫോണാണിത്. ഇതിൽ GPS ഫീച്ചറുമുണ്ട്. ആക്സിലറോമീറ്റർ, ഫിംഗർപ്രിന്റ് സെൻസർ, ഗൈറോ സെൻസർ, ജിയോമാഗ്നെറ്റിക് സെൻസർ, ലൈറ്റ് സെൻസർ, പ്രോക്സിമിറ്റി സെൻസർ തുടങ്ങിയ ഓപ്ഷനുകളും ഫോണിലുണ്ട്.
ഡ്യൂറബിലിറ്റി: പൊടി, വെള്ളം പ്രതിരോധിക്കാൻ IP64 റേറ്റിംഗുണ്ട്.
6GB RAM + 128GB സ്റ്റോറേജ് സ്മാർട്ട് ഫോണാണ് ലാവ പ്രോ മോഡലിൽ പുറത്തിറക്കിയത്. ഇതിന് 15,999 രൂപയാണ് ഇന്ത്യയിലെ വില. എന്നാൽ ഇന്ന് ഉച്ചയ്ക്ക് 12 മണി മുതൽ ആരംഭിക്കുന്ന വിൽപ്പനയിൽ 2000 രൂപ കിഴിവ് നേടാം. ഫ്ലിപ്കാർട്ട് വഴിയാണ് സെയിൽ നടക്കുന്നത്. 13,999 രൂപ മുതൽ ലാവ വിരാട് വി1 പ്രോ 5ജി ഇന്ന് വാങ്ങിക്കാം.
Anju M U specializes in mobile technology, AI, and consumer gadgets at Digit Malayalam. With over 6 years of experience, she simplifies complex telecom and OTT updates into actionable insights for the Malayalam news community.