ಡಿಸೆಂಬರ್ 1 ರಿಂದ ಜಿಯೋ ಪ್ರಿಪೇಯ್ಡ್ ಯೋಜನೆಗಳ ಬೆಲೆಯಲ್ಲಿ ಏರಿಕೆ, ಹೊಸ ಬೆಲೆ ನೋಡಿ ಇಲ್ಲಿದೆ!

ಜಿಯೋ (Reliance Jio) ಸಹ ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ ಕಂಪೆನಿಗಳಂತೆ ತನ್ನ ಪ್ರೀಪೇಡ್ ರೀಚಾರ್ಜ್ ದರಗಳನ್ನು ಏರಿಸುವ ಮೂಲಕ ದೇಶದಾದ್ಯಂತ ತನ್ನ ಗ್ರಾಹಕರಿಗೆ ಬಿಗ್ ಶಾಕ್ ನೀಡಿದೆ. ದೇಶದ ನಂ.1 ಟೆಲಿಕಾಂ ಆಪರೇಟರ್ ರಿಲಯನ್ಸ್ ಜಿಯೋ ಇದೇ ಡಿಸೆಂಬರ್ 1 2021 ರಿಂದ ತನ್ನ ಪ್ರಿಪೇಯ್ಡ್ ಸುಂಕದ ದರಗಳಲ್ಲಿ ಹೆಚ್ಚಳವನ್ನು ಘೋಷಿಸಿದ್ದು ತನ್ನ ಪ್ರಿಪೇಯ್ಡ್ ಸುಂಕಗಳನ್ನು ಶೇ 20% ರಷ್ಟು ಹೆಚ್ಚಿಸುವುದಾಗಿ ತಿಳಿಸಿದೆ. ಸುಸ್ಥಿರ ಟೆಲಿಕಾಂ ಉದ್ಯಮವನ್ನು ಮತ್ತಷ್ಟು ಬಲಪಡಿಸುವ ಬದ್ಧತೆಗೆ ಅನುಗುಣವಾಗಿ ತನ್ನ ಬೆಲೆಗಳನ್ನು ಏರಿಸಿರುವುದಾಗಿ ಜಿಯೋ ತಿಳಿಸಿದೆ.

ಜಿಯೋ (Reliance Jio) ಕಡಿಮೆ ಬೆಲೆಯ ದರಗಳೊಂದಿಗೆ ಭಾರತದಲ್ಲಿ ಡೇಟಾ ಕ್ರಾಂತಿಯನ್ನು ತಂದಿದೆ. ಹೊಸ ಅನಿಯಮಿತ ಯೋಜನೆಗಳು ಡಿಸೆಂಬರ್ 1 ರಂದು ಜಾರಿಗೆ ಬರಲಿವೆ. ಈಗ ಅಸ್ತಿತ್ವದಲ್ಲಿರುವ ಎಲ್ಲಾ ಟಚ್‌ ಪಾಯಿಂಟ್ ‌ಗಳು ಮತ್ತು ಚಾನಲ್‌ಗಳಿಂದ ಆಯ್ಕೆ ಮಾಡಬಹುದು ಎಂದು ಕಂಪನಿಯು ಘೋಷಿಸಿದೆ. ಇದು ಏರ್ಟೆಲ್ ಮತ್ತು ವಿ ಮಾಡಿದಂತೆ ಶೇ.20 ರಷ್ಟು ದರ ಏರಿಕೆ ಬಳಿಕ ಡಿಸೆಂಬರ್ 1 ರಿಂದ ಜಿಯೋ ಪ್ಲಾನ್​​ ಗಳ ಹೊಸ ಬೆಲೆ ನೋಡಿ ಇಲ್ಲಿದೆ!

ಜಿಯೋದ 155 ರೂ. ಯೋಜನೆಯು ಅನಿಯಮಿತ ಧ್ವನಿ ಮತ್ತು 300 ಎಸ್‌ಎಂಎಸ್ ಜೊತೆಗೆ ಒಂದು ತಿಂಗಳಿಗೆ 2GB ಡೇಟಾವನ್ನು ನೀಡುತ್ತದೆ. ಈ ಹಿಂದೆ ಟೆಲಿಕಾಂ ಸೇವಾ ಪೂರೈಕೆದಾರ ಭಾರ್ತಿ ಏರ್‌ಟೆಲ್ 2021 ರ ನವೆಂಬರ್ 26 ರಿಂದ ಅನ್ವಯವಾಗುವಂತೆ ಪ್ರಿಪೇಯ್ಡ್ ಸುಂಕಗಳನ್ನು ಶೇಕಡಾ 20 ರಿಂದ 25 ರಷ್ಟು ಹೆಚ್ಚಿಸುವುದಾಗಿ ತಿಳಿಸಿತ್ತು. ಇದರೊಂದಿಗೆ 28 ದಿನಗಳ ಮಾನ್ಯತೆಯ ಅವಧಿಯೊಂದಿಗೆ ಅಸ್ತಿತ್ವದಲ್ಲಿರುವ 75 ರೂ ಸುಂಕವನ್ನು 99 ಕ್ಕೆ ಹೆಚ್ಚಿಸಲಾಗುವುದು. 28 ದಿನಗಳ ಮಾನ್ಯತೆಯ ಅವಧಿಯೊಂದಿಗೆ 149 ರೂ ಸುಂಕವನ್ನು 179 ರೂ ಗೆ ಹೆಚ್ಚಿಸಲಾಗುತ್ತದೆ.

ಟೆಲಿಕಾಂ ತಜ್ಞ ಸಂಜಯ್ ಕಪೂರ್ ಅವರು ನವೆಂಬರ್ 24 ರಂದು ರಿಲಯನ್ಸ್ ಜಿಯೋ ತನ್ನ ಸುಂಕಗಳನ್ನು ಅಂತಿಮವಾಗಿ ಹೆಚ್ಚಿಸುವ ಸಾಧ್ಯತೆಯಿದೆ. ಇದರರ್ಥ ಇಬಿಐಟಿಡಿಎ ಪ್ರಕಾರ ಕಂಪನಿಗೆ ಸುಮಾರು 9500 ಕೋಟಿ ರೂ. ಲಾಭವಾಗಲಿದೆ ಎಂದಿದ್ದರು. ಭಾರ್ತಿ ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ ತಮ್ಮ ಪ್ರಿಪೇಯ್ಡ್ ಸುಂಕಗಳಲ್ಲಿ ಹೆಚ್ಚಳವನ್ನು ಘೋಷಿಸಿದ ನಂತರ ಕಪೂರ್ ಜಿಯೋ ದರ ಏರಿಕೆಯನ್ನು ಅಂದಾಜಿಸಿದ್ದರು.

Follow Us

Ravi Rao

Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile