Jio ಅತಿ ಕಡಿಮೆ ಬೆಲೆಗೆ 5G ಡೇಟಾ ಪ್ಲಾನ್ ಅನ್ನು ಪರಿಚಯಿಸಿದೆ! ಬೆಲೆ ಮತ್ತು ಪ್ರಯೋಜನಗಳೇನು?

Jio Plan 2023: ಪ್ರಮುಖ ಟೆಲಿಕಾಂ ಕಂಪನಿಯಾದ ಜಿಯೋ ರೂ 61 ಕ್ಕೆ ಹೊಸ 5G ಡೇಟಾ ಪ್ಲಾನ್ ಅನ್ನು ಪ್ರಾರಂಭಿಸಲಾಗಿದೆ. ಈ ಪ್ಯಾಕೇಜ್ ಪ್ರಿಪೇಯ್ಡ್ ಗ್ರಾಹಕರಿಗೆ ಮಾತ್ರ ಲಭ್ಯವಿದೆ. ಹೆಚ್ಚಿನ ಗ್ರಾಹಕರಿಗೆ ಹೊಸದಾಗಿ ಘೋಷಿಸಲಾದ 5G ಅನ್ನು ಆನಂದಿಸುವ ಅವಕಾಶವನ್ನು ಒದಗಿಸುವ ಸಲುವಾಗಿ Jio ತನ್ನ MyJio ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್ ನಲ್ಲಿ ಎರಡಕ್ಕೂ ಅಪ್‌ಗ್ರೇಡ್ ವಿಭಾಗವನ್ನು ರಚಿಸಿದೆ. ಗ್ರಾಹಕರಿಗೆ ಕೈಗೆಟುಕುವ ಬೆಲೆಯಲ್ಲಿ 5G ಗೆ ಪ್ರವೇಶವನ್ನು ಪಡೆಯಲು ಅವಕಾಶ ನೀಡುವ ಮೂಲಕ ಬಳಕೆದಾರರಿಗೆ ಇದು ಪ್ರಯೋಜನವನ್ನು ನೀಡುತ್ತದೆ.

ಜಿಯೋ ರೂ 61 ಹೊಸ 5G ಡೇಟಾ ಪ್ಲಾನ್: 

ಇತ್ತೀಚೆಗೆ ಪರಿಚಯಿಸಲಾದ ರೂ 61 ಪ್ಯಾಕೇಜ್ ಡೇಟಾ ವೋಚರ್ ಆಗಿದೆ. ಇದು 6GB ಯ 5G ಡೇಟಾವನ್ನು ನೀಡುತ್ತದೆ. ನಂತರ ಸ್ಪೀಡ್  64Kbps ಗೆ ಇಳಿಯುತ್ತದೆ. ಇದನ್ನು 119, 149, 179, 199 ಮತ್ತು 209 ಮೌಲ್ಯದ ಪ್ಯಾಕ್‌ಗಳೊಂದಿಗೆ ಸಂಯೋಜಿಸಬಹುದು ಮತ್ತು ಬಳಕೆದಾರರ ಸಕ್ರಿಯ ರೀಚಾರ್ಜ್ ಪ್ಲಾನ್‌ನ ಅದೇ ಮಾನ್ಯತೆಯೊಂದಿಗೆ ಬರುತ್ತದೆ. ಇಲ್ಲಿಯವರೆಗೆ ಜಿಯೋ ಗ್ರಾಹಕರು ರೂ 239 ಅಥವಾ ಅದಕ್ಕಿಂತ ಹೆಚ್ಚಿನ ರೀಚಾರ್ಜ್ ಪ್ಲಾನ್ ಖರೀದಿಸಿದರೆ ಮಾತ್ರ 5G ಪ್ರಯೋಜನವನ್ನು ಪಡೆಯಬಹುದಾಗಿತ್ತು. ರೂ 61 ವೋಚರ್‌ಗಳು ಸುಲಭವಾಗಿ ಲಭ್ಯವಿರುವುದರಿಂದ ಕಡಿಮೆ ಮೊತ್ತದ ರೀಚಾರ್ಜ್ ಪ್ಲಾನ್ ಹೊಂದಿರುವವರು 5G ಸೇವೆಗಳನ್ನು ಬಳಸಬಹುದು. ಈ ವೋಚರ್ ಅನ್ನು ಮೇಲೆ ತಿಳಿಸಲಾದ ಯೋಜನೆಗಳೊಂದಿಗೆ ಮಾತ್ರ ಬಳಸಬಹುದೆಂದು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ.

Jio 5G ವೆಲ್ಕಮ್ ಆಫರ್

ನೀವು 5G ಸೇವೆಗಳನ್ನು ಬಳಸಲು ನಿಮ್ಮ ಫೋನ್ 5G ಹೊಂದಾಣಿಕೆಯಾಗಿರಬೇಕು ಮತ್ತು 5G ಸೇವೆ ನಿಮ್ಮ ನಗರದಲ್ಲೂ ಲಭ್ಯವಿರಬೇಕು.ಈ ವೋಚರ್ ಅನ್ನು ಖರೀದಿಸುವ ಮೊದಲು ನೀವು ಈಗಾಗಲೇ Jio 5G ವೆಲ್ಕಮ್ ಆಫರ್ ಅನ್ನು ಸ್ವೀಕರಿಸಿದ್ದರೆ ಮಾತ್ರ ಈ ಆಫರ್ ಅನ್ವಯಿಸುತ್ತದೆ ಎನ್ನುವುದನ್ನು ನೀವು ತಿಳಿದಿರಬೇಕು. 5G ಅನ್ನು ಭಾರತದಲ್ಲಿ 1 ಅಕ್ಟೋಬರ್ 2022 ರಂದು ಪ್ರಾರಂಭಿಸಲಾಯಿತು. ಕಳೆದ ವರ್ಷ ಇದೇ ಸಮಯದಲ್ಲಿ Jio 5G ಅನ್ನು ಪರಿಚಯಿಸಲಾಯಿತು.ಈ ಹಿಂದೆ ಕೆಲವು ಮೆಟ್ರೋಪಾಲಿಟನ್ ನಗರಗಳಲ್ಲಿ ಮಾತ್ರ ನೀಡಲಾಗುತ್ತಿದ್ದ ಸೇವೆಯು ಕ್ರಮೇಣ ದೇಶದಾದ್ಯಂತ ಇತರ ನಗರಗಳಿಗೆ ವಿಸ್ತರಿಸುತ್ತಿದೆ. ರಿಲಯನ್ಸ್ ಜಿಯೋ ತನ್ನ 5G ಸೇವೆಗಳನ್ನು ದೇಶದ ಸುಮಾರು 88 ನಗರಗಳಲ್ಲಿ ಸ್ಥಾಪಿಸಿದೆ. 2023 ರಲ್ಲಿ ಇದು ಹೆಚ್ಚು ಹೆಚ್ಚು ನಗರಗಳಲ್ಲಿ 5G ಲಭ್ಯತೆಯನ್ನು ವಿಸ್ತರಿಸಲು ಉದ್ದೇಶಿಸಿದೆ.

Follow Us

Ravi Rao

Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile