ಚೀನಾದ ದೈತ್ಯ ಸ್ಮಾರ್ಟ್ಫೋನ್ ಕಂಪನಿ ವಿವೊ ತನ್ನ ಹೊಸ ಸಾಧನ Vivo Y30 ಅನ್ನು ವೈ ಸರಣಿಯಡಿ ಬಿಡುಗಡೆ ಮಾಡಿದೆ. ಮಧ್ಯ ಶ್ರೇಣಿಯ ವಿಭಾಗದಲ್ಲಿರುವ ಈ ಫೋನ್ ಡ್ಯಾಜ್ಲ್ ಬ್ಲೂ ಮತ್ತು ಮೂನ್‌ಸ್ಟೋನ್ ವೈಟ್ ಬಣ್ಣದಲ್ಲಿ ಬರುತ್ತದೆ. ಫೋನ್ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿರುವ MediaTek Helio P35 ಪ್ರೊಸೆಸರ್ ಹೊಂದಿದೆ. ಇದರ ಪಂಚ್-ಹೋಲ್ ಡಿಸ್ಪ್ಲೇ ಹೊಂದಿದ್ದು ಕಂಪನಿಯು ಅಲ್ಟ್ರಾ ಒ ಸ್ಕ್ರೀನ್ ಎಂದು ಹೆಸರಿಸಿದೆ. ವಿಶೇಷ ವೈಶಿಷ್ಟ್ಯವಾಗಿ ಬಜೆಟ್ ಶ್ರೇಣಿಯಲ್ಲಿ ಬಿಡುಗಡೆಯಾದ ಈ ಸ್ಮಾರ್ಟ್ಫೋನ್ ಕ್ವಾಡ್ ರಿಯರ್ ಕ್ಯಾಮೆರಾ ಮತ್ತು 5000mAhಪವರ್ ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ.
ಈ Vivo Y30 ಸ್ಮಾರ್ಟ್ಫೋನಿನ ಬೆಲೆ MYR 899 ಅಂದರೆ ಸುಮಾರು ಭಾರತದಲ್ಲಿ 15,800 ರೂಪಾಯಿಗಳು. ಈ ಬೆಲೆ ಫೋನ್‌ನ 128GB ಸ್ಟೋರೇಜ್ ಮಾದರಿಯಾಗಿದೆ. ಈಗಾಗಲೇ ಮೇಲೆ ತಿಳಿಸಿರುವಂತೆ ಈ ಫೋನ್ ಡೀಸೆಲ್ ಬ್ಲೂ ಮತ್ತು ಮೂನ್‌ಸ್ಟೋನ್ ವೈಟ್ ಕಲರ್ ರೂಪಾಂತರಗಳಲ್ಲಿ ಲಭ್ಯವಿರುತ್ತದೆ. ಫೋನ್‌ನ ಇತರ ರೂಪಾಂತರಗಳ ಬೆಲೆಯನ್ನು ಕಂಪನಿಯು ಬಹಿರಂಗಪಡಿಸಿಲ್ಲ. ಕಂಪನಿಯು 9ನೇ ಮೇ 2020 ರಂದು ಅಧಿಕೃತ ಬಿಡುಗಡೆ ಸಮಯದಲ್ಲಿ ತಿಳಿಸುತ್ತದೆ.
Vivo Y30 ಸ್ಮಾರ್ಟ್ಫೋನ್ ಸ್ಪೆಸಿಫಿಕೇಷನ್ ನೋಡುವುದಾದರೆ 6.47 ಇಂಚಿನ HD+ ಡಿಸ್ಪ್ಲೇಯನ್ನು ಹೊಂದಿದೆ. ಇದರ ಸ್ಕ್ರೀನ್ ರೆಸಲ್ಯೂಶನ್ 720×1560 ಪಿಕ್ಸೆಲ್‌ಗಳು ಮತ್ತು ಆಕಾರ ಅನುಪಾತವು 19.5: 9 ಆಗಿದೆ. ಆಂಡ್ರಾಯ್ಡ್ 10 ಓಎಸ್ ಆಧರಿಸಿ ಈ ಸ್ಮಾರ್ಟ್ಫೋನ್ ಆಕ್ಟಾ-ಕೋರ್ ಮೀಡಿಯಾ ಟೆಕ್ ಹೆಲಿಯೊ P35 ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಫೋನ್‌ನಲ್ಲಿ 4GB RAM ಇದೆ. ಇದು ಪವರ್ ಬ್ಯಾಕಪ್ಗಾಗಿ 5000mAh ಬ್ಯಾಟರಿಯನ್ನು ಹೊಂದಿದೆ. ಸಂಪರ್ಕಕ್ಕಾಗಿ ಈ ಸ್ಮಾರ್ಟ್ಫೋನ್ 4G LTE ಬೆಂಬಲದ ಜೊತೆಗೆ ವೈ-ಫೈ, ಬ್ಲೂಟೂತ್ 5.0, GPS, USB 2.0 ಮತ್ತು 3.5mm ಹೆಡ್ಫೋನ್ ಜ್ಯಾಕ್ ಹೊಂದಿದೆ.
ಇದರ ಕ್ಯಾಮೆರಾದ ಬಗ್ಗೆ ಹೇಳುವುದಾದರೆ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು Vivo Y30 ನಲ್ಲಿ ನೀಡಲಾಗಿದೆ. ಇದು f/ 2.2 ಅಪರ್ಚರ್ ಹೊಂದಿರುವ 13MP ಪ್ರೈಮರಿ ಸೆನ್ಸಾರ್ f/ 2.2 ಅಪರ್ಚರ್ನೊಂದಿಗೆ 8MP ಅಲ್ಟ್ರಾ ವೈಡ್ ಆಂಗಲ್, 2MP ಡೆಪ್ತ್ ಸೆನ್ಸಾರ್ ಮತ್ತು 2MP ಶೂಟರ್ ಹೊಂದಿದೆ. ಅದೇ ಸಮಯದಲ್ಲಿ ಫೋನ್ 8MP ಫ್ರಂಟ್ ಕ್ಯಾಮೆರಾವನ್ನು ವಿಡಿಯೋ ಕಾಲಿಂಗ್ ಮತ್ತು ಸೆಲ್ಫಿಗೆ ಲಭ್ಯವಿದೆ. ಇದು AI ಬೆಂಬಲದೊಂದಿಗೆ ಬರುತ್ತದೆ. ಇತರ ವೈಶಿಷ್ಟ್ಯಗಳ ಬಗ್ಗೆ ಮಾತನಾಡುವುದಾದರೆ Vivo Y30 ಹಿಂಬದಿಯಲ್ಲಿ ಸುರಕ್ಷತೆಗಾಗಿ ಫಿಂಗರ್‌ಪ್ರಿಂಟ್ ಸಂವೇದಕವನ್ನು ಹೊಂದಿದೆ.
Follow Us
Ravi Rao
Ravi Rao is an Indian technology journalist who has been covering consumer technology news and reviews since 2016. He is a Senior Editor for Kannada at Digit.in View Full Profile
