ಪ್ರಸ್ತುತ ಈ ಸೌಲಭ್ಯವನ್ನು ಐರ್ಲೆಂಡ್ ಮತ್ತು ಪೋಲೆಂಡ್ನಲ್ಲಿ 18 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಲಭ್ಯ.
ಈ ಪರೀಕ್ಷೆಯಲ್ಲಿ ಬಳಕೆದಾರರು YouTube ಅಪ್ಲಿಕೇಶನ್ನಿಂದಲೇ ವಿಡಿಯೋಗಳನ್ನು ಹಂಚಿಕೊಳ್ಳಬಹುದು.
ಇದರಿಂದ WhatsApp ಅಥವಾ Instagram ನಂತಹ ಅಪ್ಲಿಕೇಶನ್ಗಳಿಗೆ ಹೋಗದೆ ಶೇರ್ ಮಾಡಬಹುದು.
ಯೂಟ್ಯೂಬ್ ಈಗ ಆರು ವರ್ಷಗಳ ಹಿಂದೆ ತೆಗೆದುಹಾಕಿದ್ದ ಖಾಸಗಿ ಮೆಸೇಜ್ ಮಾಡುವ ಸೌಲಭ್ಯವನ್ನು ಮತ್ತೆ ಪರೀಕ್ಷೆ ಮಾಡುತ್ತಿದೆ. ಕಂಪನಿಯು ಈ ಹೊಸ ವಿಡಿಯೋ ಹಂಚಿಕೆ ಮತ್ತು ಚಾಟ್ ಮಾಡುವ ಡಿವೈಸ್ಗಳಲ್ಲಿ ಐರ್ಲೆಂಡ್ ಮತ್ತು ಪೋಲೆಂಡ್ನಲ್ಲಿ 18+ ವರ್ಷಕ್ಕಿಂತ ಹೆಚ್ಚಿನ ವಯಸ್ಸಿನ ಬಳಕೆದಾರರಿಗೆ ನೀಡಲು ಶುರು ಮಾಡಿದೆ. YouTube ಈ ಪರೀಕ್ಷೆಯಲ್ಲಿ ಭಾಗವಹಿಸುವವರು ದೊಡ್ಡ ವಿಡಿಯೋಗಳು, ಶಾರ್ಟ್ಸ್ ಮತ್ತು ಲೈವ್ಸ್ಟ್ರೀಮ್ಗಳನ್ನು ನೇರವಾಗಿ YouTube ಮೊಬೈಲ್ ಅಪ್ಲಿಕೇಶನ್ನಲ್ಲಿ ಹಂಚಿಕೊಳ್ಳಬಹುದು ಮತ್ತು ಅದೇ ಸಮಯದಲ್ಲಿ ಅವುಗಳ ಬಗ್ಗೆ ಚರ್ಚಿಸಬಹುದು. ಬಳಕೆದಾರರು ಇನ್ನು ಮುಂದೆ WhatsApp ಅಥವಾ Instagram ನಂತಹ ಬೇರೆ ಅಪ್ಲಿಕೇಶನ್ಗಳಿಗೆ ಬದಲಾಯಿಸುವ ಅಗತ್ಯ ಇಲ್ಲ ಇದರಿಂದ ಹಂಚಿಕೆ ಮಾಡುವುದು ಸುಲಭವಾಗುತ್ತದೆ.
SurveyAlso Read: ಫ್ಲಿಪ್ಕಾರ್ಟ್ನಲ್ಲಿ ಇಂದು Mivi Dolby Audio Soundbar ಸಿಕ್ಕಾಪಟ್ಟೆ ಕಡಿಮೆ ಬೆಲೆಗೆ ಮಾರಾಟವಾಗುತ್ತಿದೆ
YouTube ನೋಡುತ್ತಲೇ ನಿಮ್ಮ ಸ್ನೇಹಿತರೊಂದಿಗೆ ಚಾಟ್ ಮಾಡಬಹುದು!
ಪ್ರಸ್ತುತ ಈ YouTube ಈ ಫೀಚರ್ ಐರ್ಲೆಂಡ್ ಮತ್ತು ಪೋಲೆಂಡ್ನಲ್ಲಿ 18+ ವರ್ಷಕ್ಕಿಂತ ಮೇಲ್ಪಟ್ಟ ಬಳಕೆದಾರರಿಗೆ ಪರೀಕ್ಷಿಸಲಾಗುತ್ತಿದ್ದು ಇದರಲ್ಲಿ ಬಳಕೆದಾರರಿಗೆ ಅಪ್ಲಿಕೇಶನ್ನಿಂದ ವೀಡಿಯೊಗಳನ್ನು ಶೇರ್ ಮಾಡಲು ಅನುಮತಿಸುತ್ತದೆ. ಕಂಪನಿಯ ಸಪೋರ್ಟ್ ಪೇಜ್ YouTube ಅಪ್ಲಿಕೇಶನ್ನಲ್ಲಿ ಈ ಸೌಲಭ್ಯ ಹೇಗೆ ಕೆಲಸ ಮಾಡುತ್ತದೆ ಎಂಬುದನ್ನು ತಿಳಿಸುತ್ತದೆ. ಬಳಕೆದಾರರು ಶೇರ್ ಬಟನ್ ಅನ್ನು ಟ್ಯಾಪ್ ಮಾಡುವ ಮೂಲಕ ಒಂದು ದೊಡ್ಡ ಚಾಟ್ ವಿಂಡೋ ತೆರೆಯುತ್ತದೆ. ಅಲ್ಲಿಂದ ಅವರು ವಿಡಿಯೋಗಳನ್ನು ಕಳುಹಿಸಬಹುದು ಒಬ್ಬರಿಗೊಬ್ಬರು ಅಥವಾ ಗುಂಪುಗಳಲ್ಲಿ ಚಾಟ್ ಶುರು ಮಾಡಬಹುದು ಮತ್ತು ಟೆಕ್ಸ್ಟ್, ಎಮೋಜಿ ಅಥವಾ ಇನ್ನೂ ಹೆಚ್ಚಿನ ವಿಡಿಯೋಗಳೊಂದಿಗೆ ಉತ್ತರ ನೀಡಬಹುದು.
ಈಗಾಗಲೇ ಆಯ್ದ ಬಳಕೆದಾರರಿಗೆ ಲಭ್ಯ:
ಈ ಪರೀಕ್ಷೆಯು ಬಳಕೆದಾರರು ಸಾಮಾನ್ಯವಾಗಿ ಕೇಳುತ್ತಿದ್ದ ಒಂದು ಬೇಡಿಕೆಗೆ ಉತ್ತರವಾಗಿದೆ ಎಂದು YouTube ಹೇಳುತ್ತದೆ. ಪ್ರಸ್ತುತ ಈ ಸೌಲಭ್ಯವನ್ನು ಸ್ವಲ್ಪ ಜನರಿಗೆ ಮಾತ್ರ ಬಿಡುಗಡೆ ಮಾಡಲಾಗಿದೆ. ಇದು ಬಹಳ ಕಟ್ಟುನಿಟ್ಟಾದ ಸುರಕ್ಷತಾ ನಿಯಮಗಳನ್ನು ಹೊಂದಿದೆ. ಎಲ್ಲಾ ಸಂದೇಶಗಳು ಯೂಟ್ಯೂಬ್ನ ಸಮುದಾಯ ಮಾರ್ಗಸೂಚಿಗಳನ್ನು ಪಾಲಿಸುತ್ತವೆ.
ಯಾವುದೇ ಸಂದೇಶಗಳು ನಿಯಮಗಳನ್ನು ಮುರಿದರೆ ಅಥವಾ ತೊಂದರೆ ಉಂಟುಮಾಡಬಹುದಾದರೆ ಆ ಸಂದೇಶಗಳನ್ನು ಪರಿಶೀಲಿಸಲು ಅಥವಾ ಪರೀಕ್ಷಿಸಲು ಯೂಟ್ಯೂಬ್ಗೆ ಅಧಿಕಾರವಿದೆ. ಯಾವುದೇ ಸಂಭಾಷಣೆ ಶುರುವಾಗುವ ಮೊದಲು ಬಳಕೆದಾರರು ಚಾಟ್ ಆಹ್ವಾನವನ್ನು ಒಪ್ಪಿಕೊಳ್ಳಬೇಕು. ಅವರು ಇತರ ಚಾನಲ್ಗಳನ್ನು ನಿರ್ಬಂಧಿಸಬಹುದು, ಚಾಟ್ಗಳನ್ನು ವರದಿ ಮಾಡಬಹುದು ಅಥವಾ ಅವರಿಗೆ ಸಂದೇಶ ಕಳುಹಿಸದಂತೆ ತಡೆಯಬಹುದು. ಬಳಕೆದಾರರಿಗೆ ಬರುವ ಇತರ ಯೂಟ್ಯೂಬ್ ನೋಟಿಫಿಕೇಷನ್ಗಳ ಜೊತೆಗೇ ಈ ಸಂದೇಶಗಳ ಎಚ್ಚರಿಕೆಗಳೂ ಕಾಣಿಸುತ್ತವೆ.
Follow Us
Ravi Rao
Kannada Tech Editor: Ravi Rao is an Indian technology Journalist who has been covering day to day consumer Technology News, Features, How To and much more in Kannada since 2016. View Full Profile
