50MP कॅमेरा असलेला Realme 5G स्मार्टफोनची मार्केटमध्ये एंट्री, किंमतही तुमच्या बजेटमध्ये…

By Reshma Zalke | Updated on 11-Nov-2022

HIGHLIGHTS

Realme चा नवीन स्मार्टफोन Realme 10 5G बाजारात लाँच

नव्या स्मार्टफोनची किंमत सुमारे 16,650 रुपये

कंपनी मागील पॅनलवर फोटोग्राफीसाठी ट्रिपल कॅमेरा सेटअप देत आहे.

50MP कॅमेरा असलेला Realme 5G स्मार्टफोनची मार्केटमध्ये एंट्री, किंमतही तुमच्या बजेटमध्ये…

Reshma Zalke

11-Nov-2022

Realme ने आपला नवीन स्मार्टफोन Realme 10 5G बाजारात लॉन्च केला आहे. कंपनीचा हा लेटेस्ट स्मार्टफोन अनेक उत्तमोत्तम फीचर्सने सुसज्ज आहे. फोनमध्ये तुम्हाला 50-मेगापिक्सलचा ट्रिपल रिअर कॅमेरा सेटअप पाहायला मिळेल. याशिवाय या नवीनतम 5G फोनमध्ये Reality MediaTek Dimensity 700 प्रोसेसर देत आहे. हा 5G फोन 8GB + 128GB आणि 8GB + 256GB या दोन व्हेरिएंटमध्ये येतो.

Survey

✅ Thank you for completing the survey!

हे सुद्धा वाचा : Disney + Hotstar आणि Sony Liveचे मोफत सबस्क्रिप्शन देणारे स्वस्त प्लॅन्स, सुरुवातीची किंमत फक्त 82 रुपये…

Add

As A Trusted Source For Google.

Add as a preferred source on Google

Realme 10 5G

रिअ‍लमीच्या या फोनमध्ये टीअर्डरॉप नॉच डिझाइनसह 6.6-इंच लांबीचा LCD पॅनल आहे. हा डिस्प्ले 90Hz च्या रीफ्रेश रेटसह येतो. कंपनी फोनमध्ये 180Hz चा टच सॅम्पलिंग रेट आणि 400 nits ची पीक ब्राइटनेस लेव्हल देखील देत आहे. Realme 10 5G 8GB रॅम आणि 256GB पर्यंत इंटर्नल स्टोरेज पर्यायामध्ये येतो. त्याबरोबरच, मायक्रो SD कार्डच्या मदतीने फोनची मेमरी वाढवता येईल.

साइड-माउंटेड फिंगरप्रिंट सेन्सरने सुसज्ज, या फोनमध्ये दिलेली बॅटरी 5000mAh आहे. ही बॅटरी 33W फास्ट चार्जिंगला सपोर्ट करते. फोन Android 12 वर आधारित Realme UI 3.0 वर काम करतो. कनेक्टिव्हिटीसाठी फोनमध्ये ड्युअल सिम सपोर्ट, 5G, Wi-Fi, ब्लूटूथ 5.2, GPS आणि 3.5 मिमी हेडफोन जॅक सारखे फीचर्स देण्यात आले आहेत.

फोन MediaTek Dimensity 700 प्रोसेसरने समर्थित आहे. कंपनी मागील पॅनलवर फोटोग्राफीसाठी ट्रिपल कॅमेरा सेटअप देत आहे. यात 2-मेगापिक्सेल मॅक्रो लेन्स आणि AI लेन्ससह 50-मेगापिक्सेलचा मेन कॅमेरा समाविष्ट आहे. तर, सेल्फीसाठी कंपनी या फोनमध्ये 8-मेगापिक्सलचा फ्रंट कॅमेरा देत आहे.

किंमत :

Realme ने हा फोन नुकताच चीनमध्ये लॉन्च केला आहे. चीनमध्ये फोनच्या 128 GB इंटरनल स्टोरेज वेरिएंटची किंमत 1299 युआन म्हणजेच सुमारे 16,650 रुपये आहे. तर, त्याच्या 256 GB इंटरनल मेमरी व्हेरिएंटची किंमत 1599 युआन म्हणजेच सुमारे 18 हजार रुपये आहे.

Reshma Zalke

Marathi Content Editor. I Love To Write Tech Related Articles And I Am Enjoying What I Am Doing. I Love To Write About New Smartphone, Laptops, Tech Gadgets And Mobile Apps etc. View Full Profile