రూ.225 తో ఒక్కసారి రీఛార్జ్ చెయ్యండి…జీవితాంతం ఆనందించండి.!

మీరు ఊహించనంత అతితక్కువ ధరకే లైఫ్ టైమ్ వ్యాలిడిటీ అందించే గొప్ప ప్లాన్ ఒకటి ఉందని మీకు తెలుసా? అవును, ప్రభుత్వ టెలికం సంస్థ మహానగర్ టెలికం నిగమ్ లిమిటెడ్ (MTNL) అందిస్తున్న రూ.225 ప్రీపెయిడ్ ప్లాన్ ఈకోవకే చెందుతుంది. అంతేకాదు, ఈ ప్లాన్ ను అఫర్ చేస్తున్న ఏకైక టెలికం కంపెనీగా కూడా ఇదే. నిజానికి, ఎయిర్టెల్, జియో మరియు వోడాఫోన్ ఐడియా(Vi) టెలికం కంపెనీలు రీఛార్జ్ ఆధారిత వ్యాలిడిటీని మాత్రమే అఫర్ చేస్తుండగా, మహానగర్ టెలికం నిగమ్ లిమిటెడ్ (MTNL) మాత్రం ఈ రూ.225 (JS) ప్రీపెయిడ్ ప్లాన్ తో Life Time వ్యాలిడిటీని అందిస్తోంది. ఈ ప్లాన్ అఫర్ చేస్తున్న పూర్తి వివరాలు తెలుసుకోండి.

Survey

MTNL Rs.225 (JS) Plan:

ఈ ప్లాన్ కోసం మీరు కేవలం రూ.225 రూపాయలు చెల్లించి ఒక్కసారి రీఛార్జ్ చేస్తే సరిపోతుంది. మీకు ఈ ప్లాన్ రీఛార్జ్ తో లైఫ్ టైం వ్యాలిడిటీ అందుతుంది. కేవలం వ్యాలిడిటీ మాత్రమే కాదు రీఛార్జ్ తో మీకు 100 నిముషాల ఉచిత కాలింగ్ మినిట్స్ కూడా అందుతాయి. అంటే, కేవలం 225 రూపాయల ఖర్చుతోనే జీవితకాలం వ్యాలిడిటీతో పాటుగా 100 నిముషాల కాలింగ్ మినిట్స్ కూడా మీరు పొందుతారు.

ఒక కాలింగ్ రేట్ మరియు ఇతర వివరాల్లోకి వెళితే, హోమ్ నెట్వర్క్ పైన లోకల్ మరియు STD కాలింగ్ కోసం నిముషానికి రూ.0.20 (20పైసలు) ఛార్జ్ చేయబడుతుంది. ఇక వీడియో కాలింగ్ కోసం నిముషానికి రూ.0.60 మరియు ఇతర నెటవర్క్ కోసం రూ.0.60 ఛార్జ్ చేయబడుతుంది. ఇక SMS ఛార్జ్ విషయానికి వస్తే, లోకల్ SMS కోసం Rs.0.50/SMS, నేషనల్ SMS కోసం Rs.0.50/SMS మరియు ఇంటర్నేషనల్ SMS కోసం రూ.4 నుండి రూ.5 వరకు చెల్లించాలి. చివరిగా డేటా విషయానికి వస్తే, 1MB డేటా వినియోగానికి 3పైసలు చెల్లించాలి.

గమనిక: MTNL నెట్ వర్క్ కేవలం ఢిల్లీ మరియు ముంబై నగరాలకు మాత్రమే వర్తిస్తుంది.

Raja Pullagura

Raja Pullagura is the chief copy editor at Digit, he is known for producing engaging and informative content in regional languages, especially Telugu. With a growing interest in technology journalism, he has been actively creating articles covering smartphones, gadgets, telecom updates, and trending tech news. He has developed a strong inclination toward simplifying complex tech concepts for everyday readers. View Full Profile