శామ్సంగ్ గెలాక్సీ M10 పైన భారీ డిస్కౌంట్ : మరింత పోటీ పెంచిన శామ్సంగ్
ఇప్పుడు కేవలం Rs. 6,990 ధరతో లభిస్తోంది.
అమేజాన్ ఇండియా నుండి ఈ ధరతో కొనుగోలు చేయవచ్చు.
శామ్సంగ్ నుండి బడ్జెట్ ప్రియులకు మంచి మన్నికైన స్మార్ట్ ఫోన్లను తక్కువ ధరకు స్మార్ట్ ఫోన్లను తీసుకొచ్చేటటువంటి గెలాక్సీ M సిరీస్ నుండి మొదటగా వచ్చినటువంటి స్మార్ట్ ఫోన్ అయిన, శామ్సంగ్ గెలాక్సీ M 10 స్మార్ట్ ఫోన్ ఇప్పుడు ముందెన్నడూ లేనంత తక్కువ ధరకే లభిస్తోంది. ముందుగా, రూ.7,999 ధరతో విడుదలైన ఈ స్మార్ట్ ఫోన్ పైన 1000 రూపాయల డిస్కౌంట్ ప్రకటించింది. ఈ శామ్సంగ్ గెలాక్సీ M 10 స్మార్ట్ ఫోన్ ఇప్పుడు కేవలం Rs. 6,990 ధరతో లభిస్తోంది. అమేజాన్ ఇండియా నుండి ఈ ధరతో కొనుగోలు చేయవచ్చు.
శామ్సంగ్ గెలాక్సీ M10 స్పెసిఫికేషన్స్
1.శామ్సంగ్ గెలాక్సీ M10 ( 2GB + 16GB వేరియంట్) ధర – Rs. 6,990
ఈ గెలాక్సీ M10, 19:9 యాస్పెక్ట్ రేషియో గల ఒక 6.22- అంగుళాల HD+ ఇన్ఫినిటీ – V డిస్ప్లేతో వస్తుంది. ఈ ఇన్ఫినిటీ – V డిస్ప్లే అనేది డిస్ప్లే పైభాగంలో V-ఆకారంలో వుండే, ఒక వాటర్ డ్రాప్ నోచ్ వలెనే కనిపిస్తుంది. ఇది 90% స్క్రీన్ టూ బాడీ రేషియాతో వస్తుంది. ఇది 1.6GHz వద్ద క్లాక్ చేయబడిన Exynos 7870 ఆక్టా కోర్ ప్రాసెసర్ శక్తితో వస్తుంది. ఈ ఫోన్, 2GB + 16GB స్టోరేజి మరియు 3GB + 32GB వంటి రెండు వేరియంట్లలో లభిస్తుంది మరియు ఒక మెమొరీ కార్డ్ ద్వారా 512GB వరకు దీని స్టోరేజిని పెంచుకునే వీలును కూడా కలిగి ఉంటుంది.. ఇది డ్యూయల్ VoLTE సిమ్ ఫిచరుతో వస్తుంది.
ఇక కెమేరా విభాగానికి వస్తే, ఈ స్మార్ట్ ఫోన్ వెనుకభాగంలో f/1.9 అపర్చరు గల ఒక 13MP సెన్సారుకు జతగా 120 డిగ్రీల 5MP అల్ట్రా – వైడ్ యాంగిల్ సెన్సరుతో అనుసంధానించిన డ్యూయల్ కెమేరా సేటప్పుతో వస్తుంది. ముందు, f/2.0 అపర్చరు గల ఒక 5MP కెమేరాతో వస్తుంది మరియు ముందు ఇన్ డిస్ప్లే ఫ్లాష్ తో వస్తుంది. ఇందులో, 3400mAh బ్యాటరీని అందిచారు మరియు ఇది పేస్ అన్లాక్ ఫీచరుతో వస్తుంది. ఈ స్మార్ట్ ఫోన్,శామ్సంగ్ v9.5 ఆధారితంగా ఆండ్రాయిడ్ 8.1.0 OS పైన నడుస్తుంది. ఇది ఓషియన్ బ్లూ మరియు చార్ కోల్ బ్లాక్ వంటి రెండు రంగులలో లభిస్తుంది.