Samsung Galaxy F04: బిగ్ బ్యాటరీ, బిగ్ డిస్ప్లేతో వచ్చిన శామ్సంగ్ బడ్జెట్ ఫోన్.!
శామ్సంగ్ తన F సిరీస్ నుండి Samsung Galaxy F04 ను విడుదల చేసింది
Galaxy F04 ను 4GB ర్యామ్ మరియు ర్యామ్ ప్లస్ ఫీచర్లతో లాంచ్ చేసింది
ఈ ఫోన్ తో రెండు సంవత్సరాల OS అప్డేట్స్ అఫర్ చేస్తోంది
శామ్సంగ్ తన F సిరీస్ నుండి మరొక బడ్జెట్ స్మార్ట్ ఫోన్ Samsung Galaxy F04 ను విడుదల చేసింది. ఈ స్మార్ట్ ఫోన్ ను 4GB ర్యామ్ మరియు ర్యామ్ ప్లస్ ఫీచర్లతో లాంచ్ చేసింది. ఈ ఫోన్ బడ్జెట్ ధరలో బిగ్ డిస్ప్లే, బిగ్ బ్యాటరీ వంటి మరిన్ని ఫీచర్లతో ఇండియన్ మార్కెట్ లో ప్రవేశపెట్టబడింది. ఈ లేటెస్ట్ శామ్సంగ్ బడ్జెట్ స్మార్ట్ ఫోన్ యొక్క ధర, స్పెక్స్ మరియు ఫీచర్లను తెలుసుకోండి.
Samsung Galaxy F04: స్పెక్స్
శామ్సంగ్ గెలాక్సీ ఎఫ్04 స్మార్ట్ ఫోన్ 6.5 ఇంచ్ HD+ రిజల్యూషన్ డిస్ప్లేను కలిగివుంది. ఈ డిస్ప్లే ఇన్ఫినిటీ V- నోచ్ తో వస్తుంది మరియు ఇందులో 5MP సెల్ఫీ కెమెరాని కలిగివుంది.ఈ ఫోన్ మీడియాటెక్ Helio P35 ఆక్టా కోర్ ప్రాసెసర్ శక్తితో మరియు 4GB మరియు 4 ర్యామ్ ప్లస్ తో జతగా వస్తుంది.
ఈ ఫోన్ వెనుక డ్యూయల్ కెమేరా సెటప్ వుంది. ఈ సెటప్ లో 13MP మెయిన్ కెమేరా మరియు 2MP డెప్త్ సెన్సార్ ఉన్నాయి.ఈ ఫోన్ 3.5mm జాక్, డ్యూయల్ 4G VoLTE, WiFi ac మరియు Bluetooth 5.0 ఫీచర్లతో వస్తుంది. ఈ ఫోన్ Android 12 ఆధారిత One UI సాఫ్ట్వేర్ తో పనిచేస్తుంది మరియు రెండు సంవత్సరాల OS అప్డేట్స్ అందుకుంటుందని కంపెనీ వెల్లడించింది. ఈ ఫోన్ పెద్ద 5000 mAh బ్యాటరీతో వస్తుంది.
Samsung Galaxy AF04: ధర
శామ్సంగ్ గెలాక్సీ ఎఫ్04 స్మార్ట్ ఫోన్ ను రూ. 9,499 రూపాయల ధరతో లాంచ్ చేసింది. ఈ ఫోన్ జనవరి 12 నుండి శామ్సంగ్ స్టోర్ మరియు Flipkart నుండి సేల్ కి అందుబాటులోకి వస్తుంది. అయితే, లాంచ్ అఫర్ లో భాగంగా ఈ స్మార్ట్ ఫోన్ రూ.7,499 వరకూ లభిస్తుంది.